يوم ثاني الصبح
كعدو أهل جوري وفارس وتجهزو عالمود يرحون للمستشفى
طلعو الأهل والتقو يم باب المستشفى
سلمو ع بعض ودخلو
راحو للرسبشن يسئلون عن غرفهم لأن غيرو الغرف من طلعو من العمليات
توجهو للدور الي بي غرفه فارس وجوري وجانت وحده مقابله الثانية
شافو ضجه يم وحده من الغرف كلهم حطو ايدهم ع كلبهم عبالهم فارس
أبو فارس شاف الدكتور وراحله بسرعه هو وأبو جوري
أبو فارس:خير خير شنو صاير
الدكتور:البنت الي بهاذي الغرفة تدهورت حالتها
وراح بسرعه مستعجل
أبو جوري حيييل خاف ع بنته:يارب سترك
أبو فارس: أن شاء الله خير ان شاء الله خير
أبو جوري:روح يابو فارس لابنك تطمن عليه وشوفة
ابو فارس:أوك اول نشوف حالة جوري وبعدين ندخل نشوفة
أبو جوري مارد عليه لأن مو بحال يصر عليه يروح
أما الباقي ف ما يدرون بالسالفه راحو لفارس
جانت رنيم كاعده يم فارس ع السرير ولازمة ايدة
والباقي كاعدين ع القنفة
أم فارس:الحمدلله ع سلامتك ماما
فارس بصوت مبحوح من التعب:الله يسلمج
أم جوري:ما تشوف شر ياابني
فارس ابتسم:شر مايجيج
رنيم:شلون صرت هسة ... بشنو تحس
فارس:الحمد لله احسن بس أحس بشوي الم
رنيم بخوف:وين تحس ؟؟بأي مكان؟؟ أصيح للدكتور يجي يشوفك؟؟
فارس:هههههه ع كيفج مايحتاج دكتور.. بس شوي الم بصفحتي
أم فارس:طبيعي ماما من اثر العملية
رنيم:اخاف هواي يوجعك
فارس:لاتخافين إذا حسيت بالم قوي أصيح للدكتور
راد يسأل عن أي عملية بس بهاي اللحظة
دخل إبو فارس للغرفة
سلم ع فارس وتحمدلة السلامة
أبو فارس:فارس اصدقائك اجو يردون يسلمون عليك
فارس:كم واحد
أبو فارس:3
فارس:إها خل يدخلون
أبو فارس:اوك هسه أگلهم يدخلون
أم فارس:إحنا رح نطلع حتة تاخذون راحتكم
فارس:اوك
رنيم:بس تحس بتعب گلي ماشي
فارس:ماشي
طلعو من الغرفة وجان فادي من ضمن الاصدقاء واكف يم الباب اول ما لمح رنيم من طلعت توسعت ابتسامتة ومانزل عينه منها
أما رنيم لاحظت نظراته بس طنشت وماانطتة وجه وطبعا فادي يعشق تصرفها وثكلها لهذا يحبها
أبو فارس:تفضلو دخلو
دخلو الأصدقاء ع فارس
فادي:الحمد لله ع السلامة
فارس:الله يسلمك
مهند:وگعـت كلبنة ياخي
فارس:هههههه اشك والله
مهند:افاااا... يلا مقبولة منك
سلطان:هههه الحمد لله ع السلامة خطاك الشر
فارس:الله يسلمك خطاك السوء
كعدو الشباب يمه وسوالف وضحك
مهند:أي ...ماكلتنة.... منو تبرعلك بالكلية؟
فارس باستغراب:أي كلية؟؟!!
سلطان:معذور بعده مطفي مو داري وين الله ذابة
فارس:لا والله صدك أي كلية وأي تبرع محد تبرع
فادي:ههههه اكول اسكت بالله...انت ردت تموت علينه إلا شوي ووحده من كلياتك تلفت واحتاجو كلية
فارس:تصدگ ولا ادري بهاذ كلة
سلطان:الي ماخذ عقلك
مهند:يتهنة بي
فارس:انطمو احسنلكم وگلولي منو تبرع
فادي:إحنا جاي نسئلك
