جوري غمضت عيونها ودموعها تنزل:طلگني
فارس استسلم للأمر الواقع...مايگدر يصر ع قرارة لأن جوري هم تريد الطلاق
دمعت عيونة... نقل نظرة ع كل الموجودين بالغرفة..
نجود وسعاد والبنات ساكتين ورنيم دموعها تنزل...ونور تباوع بأحتقار واسيل نظرة انتصار بعيونها وفهد وناصر عصبية وبدر وخالد نظرات قهر ع فارس....
اخير شي وجه نظرة لجوري...شافها تبجي بسكات...تقدم ناحيتها وحضنها بكل قوتة...وكأنة اخر حضن..همس بذانها:احبــــج
ابتعد عنها وبكل ضعف:انتي...انتي ط..طالـــــق
طلع من الغرفة بسرعة ومن البيت بكبرة وركب سيارتة وفحط بيها ودموعة تسابقة ع خدودة
جوري واكفة بمكانها ومغمضة وتبجي
هزها الحضن... والكلمة تتردد ع مسامعها..(احبــج...انتي طالـــــق)
سحبت نفسها وطلعت من الغرفة وطلعو وراها فهد ونجود وراحو لبيتهم
نور واسيل كذلك انسحبو وطلعو من البيت
وبقو بس اهل فارس
بدر بقهر:ليش هيج سويت...ارتاحيت هسة
ناصر:خل يولي هذا الحقير انا اربيه من جديد
خالد:شتربيه...رجال شكبرة...وبعدين جوري گالت مصدگتة شكو تجبرة بعد
ناصر:بلا كلام زايد...الموضوع وانتهى...وفارس رح يتزوج رشا بنت صديقي
خالد بأستهراء:هه ومنو گلك فارس رح يقبل
ناصر بحدة:يقبل وغصباً على راسة
بدر:من هسة اگلكم...انتو ضيعتو فارس بيدكم...ومستحيل يرجع فارس القديم وگولو ماگلتلكم...يلا رانيا مشينا
طلع بدر من البيت ولحگة خالد وبتول
رنيم تبجي:الله يسامحك بابا...المفروض تصدگة لأن تعرف اسيل وحركاتها
ناصر:احترمي نفسج...وماريد بعد واحد يفتح هذا الموضوع فهمتو
طلع من الغرفة وتوجه لغرفتة ولحگتة سعاد
ورنيم سدت باب الغرفة وراحت لغرفتها...وبالها يم فارس ومقهورة عليه
بعد مرور اسبوع من الي صار
ناصر جبر فارس يتزوج رشا
بالبداية فارس عارض وعصب وسوة هوسة...بس او وتالي رضخ لقرار الوالد
صار العرس وفارس كاره نفسة وكاره الكل
جوري ماحضرت العرس طبعاً...ومن درت بزواج فارس انهارت وتمرضت
اما نور واسيل مقهورات كلش لأن الي خططولة مامشة مثل مايردون...وهم رجعو يخططون عالمود يفرقون بين رشا وفارس
وماحضرو العرس ولا راحو بعد لبيت فارس نهائي
طول هاي المدة فارس يگّضي وقتة برا البيت ويرجع اخر الليل عالمود مايشوف رشا ولايحتك بيها
