مر 6 اشهر
والاوضاع ع حالها
عند نور واسيل
ضلو طول هاي الفترة يفكرون وماجابو نتيجة
بالنهاية قررو يسوون سحر لفارس يلا يفيد وياه لأنه صعب كلش
بيوم السبت
راحو لمكان السحرة حتة يسوون السحر
وع المغرب...رادو يرجعون للبيت
ركبو بالسيارة ونور جانت تسوق بسرعة لأن تريد توصل بسرعة وتنفذ طريقة السحر
اثناء ماجاي تمشي وكل ماالها تزيد بالسرعة واسيل تستعجلها اكثر
ماانتبهت للشاحنة الي جانت تعبر التقاطع
والشاحنة جانت سريعة ومحملة
وصدمت سيارة نور ومن قوة الصدمة اندفعت السيارة وانگلبت وصارت ع الرصيف
الحادث جــــداً مريـــع
ببيت فهد...
گاعدين واجة اتصال لفهد..
رد:الو
......:السلام عليكم...السيد فهد؟؟
فهد بأستغراب:وعليكم السلام...اي فهد
......:ممكن تتفضل لمستشفى(......) الاخت نور مسوية حادث وحالتها حرجة
فهد انصدم:شلووون
........:ياليت تجي باسرع وقت
فهد:اوك اوك جاي
سد الخط
نجود بخرعة:شنو السالفة
فهد:نور مسوية حادث
نجود ضربت صدرها:يايمة
فهد:گومي بسرعة خل نروح للمستشفى
نجود:يالله گايمة گايمة
طلعو نجود وفهد من البيت وانطلقو بسرعة للمستشفى
وصلو هناك وشافو ناصر وسعاد وبدر
فهد بخوف:ها شنو صار؟؟؟
ناصر:ماكو خبر...ننتظر الدكتور يطلع ويطمنة
فهد:لوحدها؟؟
بدر:لا وياها اسيلوه
ناصر بحدة:بدر احترم نفسك
بدر فر راسة بلا مبالاة:هه
بعد ربع ساعة طلع الدكتور
فهد:ها دكتور بشر؟؟
الدكتور:البنت الله يرحمها ماگدرنا نلحگ عليها...اما المرة ف حالتها جداً خطرة واملها ضعيف بالحياة
فهد:لا حول ولاقوة ألا بالله العلي العظيم
ناصر:انا لله وانا اليه راجعون...طيب والحل؟؟
الدكتور:احنا سوينة الي علينة والباقي على الله
فهد:طيب نگدر نشوفها؟؟
الدكتور:هو غير مسموح بس هي طالبة كم شخص بالاسم...وبما ان املها ضعيف فلازم نلبي طلبها
فهد:منو رايدة؟؟
الدكتور:رايدة فهد..نجود..سعاد...ناصر...جوري..فارس
فهد:جوري وفارس ماموجودين ...خلي ندخل احنا
الدكتور:اوك...تفضلو
دخلو فهد وناصر ونجود وسعاد
وشافو نور...مامبين منها شي مشوهة تماماً والاجهزة حواليها
فهد بصوت ناصي:نور
فتحت عيونها نور وبالقوة تحجي:و..ويين فا..فارس و.وجو..ري
فهد:ماموجودين...مايدرون
نور:أ..اري..اريدهم...گلو..لهم خ...خلي يجوون
ناصر:اوك هدي حالج..هسة نخابرهم يجون
طلع ناصر من الغرفة وخابر جوري وفارس وگلهم يجون
كل واحد ركب سيارتة واجة للمستشفى بسرعة
وصلو بنفس الوقت والتقو يم باب الغرفة
وكل واحد يحمل بگلبة شوق ولهفة لبعض
دخلو للغرفة
