عد فارس...
طلع من البيت واعصابة فول...فاير دمة
صعد السيارة ورگع الباب بگل قوتة
ضل گاعد يحاول يهدي اعصابة وانفاسة تفح نار
ضرب الستيرن وصرخ بعصبية:ياخسيـــــــــــس
اخذ الفون واتصل ع فادي
رد:الو
فارس:فادي وينك انت؟
فادي بأستغراب:بالشركة...ليش؟
فارس:اريدك بشغلة
فادي:گول
فارس بحدة وعصبية:اريدك تجيبلي سلطان من جوا الگاع
فادي فهم السالفة:طيب انطيني ربع ساعة
فارس:انتظرك
فادي:اوك
سد من فارس واتصل ع سلطان
رد:الو
فادي:هلا والله بالقاطع
سلطان:ههههههه هلا بيك
فادي:شدعوى عليك من خطبت بعد ماشفناك...هيج جوري ماخذة عقلك
سلطان:هههه لا يمعود وين...صارلي فترة ماشايفها لاهي بالشغل
فادي:اهلها توفو دريت
سلطان:اي دريت
فادي:رحت عزيتها؟
سلطان بكذب:اي
فادي ماتعبر عليه:اهااا....طيب يالاخو...اليوم عدنا سهرة بالكوفي الي نتقابل بيه دايما..تعال معزوم
سلطان:ع حسابك
فادي:هههههه اي ع حسابي
سلطان:منو رح يجي؟
فادي:انا ومهند وبهاء وفيصل ومحمد وعلي
سلطان بحذر:وفارس؟
فادي:فارس مشغول هالايام عدهم شغل هواي بالشركة
سلطان:اهااا...طيب بيش الساعة السهرة؟
فادي :بعد ساعة
سلطان:اوك رح اجي
فادي ابتسم بخبث:تمام...ساعة ب6 خلك بالباركنغ وانا ومهند نقابلك هناك ونروح سوا
سلطان:اوك
فادي:يلا سلام
سلطان:هلا
سد من سلطان ورجع اتصل ع فارس
رد:ها شصار؟
فادي:بعد ساعة رح اجي عليك انا ومهند ونروح عليه...انا گتلة عدنا سهرة بالكوفي ونقابلك بالباركنغ
فارس:تمام...انا جاهز بس انطيني رنة واجي
فادي:طيب...نروح بسيارتي اوك
فارس:اوك
سد من فارس واتصل ع مهند وفهمة كلشي واتفق يجيه بالموعد الي گلة عليه
_________________________
عد فارس
نزل من السيارة ورجع للبيت
دخل للبيت...توجه لغرفتة...بس سمع صوت صريخ بالمطبخ....راح بسرعة ناحيتة
دخل وانصدم من الفوضى الي بالمطبخ
فارس:هاي شنو؟؟؟
رشا ورنيم اخترعو من صوتة ولا ارادي وگفو مستقيمات
فارس:شنو جاي تسوون
رنيم:جاي نلعب
فارس بتعجب:تلعبون!!!
رنيم:هههههه
فارس عقد حواجبة:جوري وين؟؟؟
رشا رادت تحجي بس جوري اجت من ورا فارس واشرتلها تسكت
ف سكتت
فارس بحدة:احجي وياكم....جوري وين؟؟؟
اجت جوري تمشي ع اطراف اصابعها حتة مايحس بيها
ورأسن ذبت ع راسه طحين
فارس تفاجئ وبقة واگف بمكانة
رنيم ورشا طاحو ضحك ع شكلة الي صار كلة طحين
اجت جوري ووگفت گبالة وصفت وي البنات وغاصة ضحك
فارس استوعب الموقف وشاف البنات يضحكن ومن ضمنهم جوري
ابتسم وتحولت البسمة لضحكة
