رفعوه مهند وفارس وتوجهو لسيارتة دودج العالية
فادي ضم السلاح بخصرة وتوجه للسيارة وفتح الباب
صعدو سلطان وگعد يمة مهند
وركب فادي مكان السواق ويمة فارس
توجهو للمحكمة نزلو من السيارة وفادي ومهند سندو سلطان لان فارس هم متأذي
دخلو وخلصو اجراءات الطلاق والاوراق وماعرف شنو
اخذ فارس ورقة الطلاق الاصلية والنسخة لسلطان
ركبو السيارة وتوجهو للمستشفى ودخلو سلطان هناك وخلو سيارتة بالباركنغ الخاص بالمستشفى
وفادي وفارس ومهند اخذو تكسي ورجعو للباركنغ الي مخلين بيه سيارتهم وتالي كلمن رجع لبيتة
__________________________
عد فارس....
دخل للبيت متأخر وهو هلكان
وجهه بيه جروح
توجه للصالة
دخل وشاف بس البنات
فارس:مرحبا
البنات رفعو نظهرهم عليه وثلاثتهم طلعت شهقة منهم
طفرت رنيم:فارس؟!...هاي شبيك؟!!...منو مسوي بيك هيج؟!!
جوري تقدمت:اشوف..(لزمت الجرح القريب من شفته)
صرخ فارس:اااه يأذي
جوري:شنو صار؟!!
فارس ببرود:تعاركت
رنيم:ويامن؟؟ وليش؟؟
فارس:وي سلطان
جوري شهقت:ليش؟؟
فارس رفع حاجب:خايفة عليه
جوري:طبة طوب عساه الكسر بس جاي اسئل ليش تعاركت وياه
فارس بهدوء:عالمودج
جوري بصدمة:عالمودي؟؟
فارس:اي
رنيم:وشصار؟؟
فارس رفع الورقة وابتسم:هذا الي صار
رنيم اخذت الورقة بأستغراب:شنو هاي؟؟
فارس:فتحي وشوفي
فتحتها رنيم وقرتها وعيونها شوي شوي تنفتح
وفجئة صرخت:واااااااااااااااه
جوري:شسالفة شصاير
رنيم مدت الورقة الها:اقري
اخذتها جوري وقرتها...شهقت من الصدمة وتالي صرخت نفس رنيم:واااااااااااااااه
رنيم بفرحة:مبرووووك
جوري حضنتها:يمااما ماصدكة...اااااااه ماعرف شگول
رشا بأستغراب:فهموني شسالفة
فارس فرحان ع فرحتهم التفت لرشا وبأبتسامة:جوري تطلگت من سلطان
رشا نطت عيونها بفرحة:لابربك؟
فارس:والله
رشا:وشلون طلگها
فارس بضحكة:طبنتة وخليتة يطلگها
جوري بأمتنان:فارس جد جد مشكورة الك
فارس بأبتسامة:ماسويت شي
جوري:انت خلصتني من اكبر هم جنت شايلتة
فارس:هذا هو انسي بعد سلطان واعتبريه مادخل بحياتج نهائي
رنيم:فككككة..خلصتي منة
جوري:اي والله
رنيم:تعاركت وياه لوحدك؟؟
فارس:بالبداية تضاربنا انا وياه وتالي گتلة يطلگ ماقبل ف تدخل فادي ومهند وهددوه وقبل يطلگ...سحلناه سحل للمحكمة ههههه
رشا بأبتسامة:صدگتي كلامي هسة؟؟
جوري:اي والله حجيج صحيح
فارس بفضول:شنو حجيتو
رشا:معليك سوالف بنات
فارس:طيب داووني...ثلالثتكم واگفات ولا وحدة تذكرتني
رنيم:ياعمري انت هسة اداويك
جوري:لا انا اداويه..تعبير عن شكري
فارس عفس وجهه:ماريدج تداويني اذا هيج
جوري تعجبت:ليش؟
فارس:كم مرة گايلج ماحب تشكريني
جوري:هيهيهي نسيت..سوري
فارس سند راسة:ههههه اوك يلا باشري
جوري نطت:ثواني اجيب العدة
فارس:اوك
طفرت جوري وجابت عدة الاسعافات وگعدت يم فارس ع القنفة
حطت معقم بالقطنة وحطتها ع شفايف فارس
صرخ فارس:ااه يوجع
جوري:تحمل شوي
فارس:طيب
كملت جوري تعقيم وجهه وحطت لاصقة جروح يم حاجبة وع خدة ولفت ايده بشاش...لفت العدة وگامت
رنيم:فارس باجر رح نروح للسوك تجي ويانه لو نروح لوحدنة؟؟
فارس:لا روحو انتو انا باجر عندي شغل فوگ راسي
رنيم:طيب ع راحتك
فارس:منو حيوصلكم؟؟
جوري:نروح بسيارتي
فارس:اهاا...يلا انا رح انام تعبان كلش..تصبحون ع خير
الكل:وانت من اهلة
