في بيت رنيم....
دخلن البنات للبيت وراحن للصالة
الكل جان موجود ماعدا ناصر(الاب)
اول مادخلت رنيم...الاخوان فتحو عيونهم ع الاخر وبعدها كلهم بصوت واحد
الكل:واااااااو
فارس:رنيموووو...شنو هاي ولج شطالعة
خالد:تخبلين طالعة
بدر:اشرررد
رنيم:هههه..شكراً ادري اني حلوة
بدر:ياشيين الغرور
رنيم:ههههههه
خالد:منو سوالج هيج؟؟
رنيم:جوري
فارس ابتسم وملامح وجهة يبين بيها الحب
رنيم لاحظت وجهة وانقهرت..لحد الان ماتعرف شلون تگلة انو جوري انخطبت...والادهى بعد يومين العقد
سعاد:رنومة حبيبتي شبيج؟؟
رنيم صحت من سرحانها:هــا؟!...لالا مابية شي..انا رايحة لغرفتي
سعاد:اوك
رنيم:رشا تعالي اريدج شوي
رشا گامت وياها:اوك جاية
راحو البنات لغرفة رنيم ودخلن
گعدت رنيم ع السرير ويبين التوتر والقلق ع وجهة
رشا:رنومة شبيج؟؟
رنيم بأرتباك:رشا رح اگلج شي واريدج تساعديني....ماجاي اعرف شلون اتصرف
رشا خافت:ليش شصاير؟؟
رنيم اخذت نفس تهدي روحها:شوفي جوري انخطبت
رشا انصدمت بس بفرحة:صـــدگ...الف مبروك تستاهل
رنيم بحزن:بس هي ماتريدة...ابوها غصبها
رشا رجعت انصدمت:شلــــــون؟؟... لحظة لحظة....من البداية...فهميني بالتفصيل
رنيم تنهدت وشرحتلها كلشي
رشا بحزن:ياحياتي...والله ماتستاهل
رنيم:انا هسة مااعرف شلون اگل لفارس
رنيم:يوووو...شلون نسينة فارس
رنيم بتردد:انتي...انتي بعدج تحبين فارس؟؟؟
رشا ابتسمت:لا..اكتشفت انه مجرد اعجاب...ههههه مستحيل احبة...انا وياه ابد مانصلح لبعض...وبعدين هو وجوري متلائمين اكثر
رنيم ابتسمت بعدين اختفت الابتسامة
رنيم:اي بس شلون رح نگلة انا ماگدر اگلة
رشا:ماادري والله...خليها ع الله
رنيم:المشكلة بعد يومين حفلتها
رشا:هسة لاتفكرين بشي...خليج بالخطوبة وبعدين نگعد انا وياج نفكر بحل
رنيم:ماشي
رشا:يلا انا رايحة لغرفتي
رنيم:اوك
طلعت رشا من الغرفة...اما رنيم گامت وتوجهت للتسرحة وگعدت ع الكرسي وتباوع للمراية وسرحت تفكر بردة فعل فارس.....
_____________________
اما عند فارس....
جان بغرفتة ومنسدح ع الكنبة ويفكر بجوري وگلبة قابضة ويحس انو رح يصير شي وخاصة انها ماترد ع مكالماتة ولا رسائلة وهذا الي مخوفة اكثر...يريد هاليوم يخلص بسرعة حتة باجر يروح يخطبها
اثناء ماهو جاي يفكر طرت ع بالة ذكرى قبل كم سنة...
نرجع شوي لورا...لمن جوري وفارس انخطبو
جانو عائلة فارس معزومين عد عائلة جوري...و ع اساس مخططين انو اليوم يتفقون ع فسخ العقد
من بعد ما تعشو گعدو بالصالة
فهد:فارس يمتة تفسخ الخطبة؟؟
فارس التفت ع جوري وهي كذلك التفتت عليه ...بعدها عدل جلستة استعداد للي رح يگولة
فارس بهدوء: انا مارح افسخ الخطبة
فهد مافهم:شلون يعني ماتفسخ؟؟
اهل فارس ماخذين وضع المشاهدة لأن عارفين بمخطط فارس وهو گلهم وبطبع عائلتهم ماعدهم شي اجباري كلمن يختار حياتة الي تريحة بس طبعاً بحدود
فارس بنفس الهدوء:خالي انا احب جوري ورايدها
فهد يحاول يلزم اعصابة:احنا مااتفقنا ع هيج
فارس:ادري انه مااتفقنا ع هيج..بس انا مااگدر اتركها...واريد الخطبة تستمر والكل يدري بيها
فهد بحدة:وانا موموافق
جوري بسرعة:بـــابـا !!
فهد التفت عليها:شنو؟؟
جوري بهدوء وبأرتباك:احــم...ان..انا هم اا..اريد الخطبة تس..تستمر
فهد بصدمة:يعني انتي رايدتة؟؟
جوري بأرتباك شديد:أا..أي اريدة
نجود بتفهم:خلص فهد...مادام همة رايدين بعض ليش نوگف بطريقهم...خل الخطبة تستمر
نجود تعرف انو جوري تحب فارس لأن جوري ماتضم شي ع امها ومن بعد ماانخطبو گلت لأمها انها تحب فارس
فهد ابد ماعاجبة الوضع بس مايگدر يوگف بطريق بنتة وهي الي اختارتة
فهد بهدوء:ماشي...موافق
ناصر:اوك لعد...رح نعلن خبر الخطبة ونتفق ع المهر والاشياء وهم لازم نسويلهم حفلة حتة الكل يدري
فهد:ماشي
فارس تنفس براحة وباوع لجوري وابتسم
جوري ردتلة الابتسامة وهي مرتبكة لأن تجرأت وگالت گدام الكل انها تريدة
اما رنيم ف هي مبتسمة وتباوع لجوري وفارس وتشوف نظرات الحب الي بينهم وكلش فرحانتلهم وتدعي الله يوفقهم
صحا من هالذكرى ع صوت طرق الباب
فارس:منو
خالد:فويرس يلا الجماعة اجو
فارس فتح الباب وطلع:جاي
راحو للصالة وسلمو ع بهاء واهلة وگعدو
طبعاً ناصر اجة للبيت قبل لايجون
ابو بهاء:ياابو خالد احنا جايلكم ونريد منكم القرب...انا يشرفني اطلب ايد بنتكم الكريمة لأبني بهاء
ناصر:النة الشرف ..واحنا نشتري رجال ..وانتم والنعم بيكم
ابو بهاء:تسلم
(بناااات سلكو سلكو اذا شفتو غلط...ولا مرة مارة بهيج موقف ف كلشي مااعرف حتة مااعرف شنو يگولون<<هو انتي شتعرفين...المهم سلكو اهم شي كلام بين رجال وخطبة)
نتركهم ونروح للنسوان
طبعاً من بعد السلام والرسميات والمقدمات
ام بهاء:ألا وين عروستنا ماشفناها
سعاد:لحظة...(التفتت ع رشا)..رشاوي ماما صيحي لرنيم خل تجي
رشا گامت:ماشي
راحت رشا وصاحت لرنيم...ورا دقايق دخلت رنيم للصالة وهي منزلة راسها وخجلانة ومرتبكة
رنيم بصوت ناعم:السلام عليكم
ام بهاء بأبتسامة:هلا وعليكم السلام..تعاي ماما قربي يمي
قربت رنيم يمها وسلمت عليها
ام بهاء بينها وبين نفسها:والله وعرفت تختار يابهاء...(وبصوت عالي)...بسم الله ماشاء الله...تبارك الرحمن..الله يحفظج
