سدت الخط وابتسامة خبيثة ع وجهه:هههههه وطاااار بهاء منج يا رنيم
انا عد بهاء..ف جان مصدوم وابد ماتوقع رنيم هيج....عشقها بجنون وتقابلة هيج....بس مو بهاء الي يسكت
يوم ثاني اتصل عليها
ردت:هلا بهاء
بهاء بهدوء:هلا رنيم
رنيم استغربت هدوءة.:بهاء بيك شي؟
بهاء:لا مابية شي...رنيم اريد اشوفج ضروري...عندي موضوع وياج
رنيم:ماشي...اروح لروان واشوفك هناك
بهاء بسرعة:لالا...موضوع ماريد حتة روان تعرفة
رنيم خافت:بهاء شصاير
بهاء:ماصاير شي ..بس ممكن اشوفج حته افهمج كلشي
رنيم:اوك..وين؟؟
بهاء:خل نلتقي بمطعم،....
رنيم:ماشي...ربع ساعة وانا هناك
سد الخط وركب سيارتة وتوجه للمطعم وگعد ينتظرها
ورا ربع ساعة وصلت رنيم
توجهت لطاولة بهاء
گعدت وهي خايفة:خير بهاء شصاير
بهاء:رنيم..انتي تحبيني؟؟
رنيم بأستغراب:شنو هالسؤال؟؟
بهاء يلزم اعصابة:جاوبي رجاءاً
رنيم:طبعاً احبك..هذا هم سؤال
بهاء:شنو الي يثبت؟؟
رنيم:بهاء شبيك ..شجاي تحجي انت؟؟
بهاء يراقب ردة فعلها:انتي جذابة...ماتحبيني...تحبين فلوسي
رنيم فتحت عيونها ع الاخر:شنووو
بهاء:هذا الصحيح
رنيم تجمعت الدموع بعيونها:هسة هذا تفكيرك بية؟؟
بهاء صعبانة عليه بس يريد يتأكد بنفسة
بهاء:هذا الي اكتشفتة
رنيم نزلت دموعها:تدري...مو صوجك...صوجي انا الغبية الي حبيتك...والي وثقت بيك...اذا هذا تفكيرك بية...لعد انت الجذاب الي ماتحبني...ع شنو اللف والدوران...گول من اول انك تريد تنهي العلاقة...ولا ع شنو انا اسهلها الك...انا الي رح انهي العلاقة...وانسة وحدة اسمها رنيم..بس ياحيف عليك
گامت من الطاولة بسرعة وطلعت من المطعم ركض
توجهت للشارع تدور تكسي وماحست غير ايد تسحبها
التفتت لگتة بهاء
رنيم تصرخ:شتريد مني...ماكافيك الي گلتة...ولا ناوي بعد تجرح بية
بهاء مارد عليها...سحبها من ايدها وركبها سيارتة ومشة
رنيم بخوف:وين ماخذني
بهاء لارد
رنيم:ليش ماترد...وين ماخذني؟؟
بهاء فقط ساكت ويمشي بسرعة...لحد ماوصل لمكان هادئ ومابي ناس
طفة السيارة والتفت عليها
بهاء بهدوء:انا اسف
رنيم تبجي:رجعني للبيت...انت واحد حقير
بهاء:حبيبتي فهميني...والله غصبن علي هيج حجيت
رنيم بضعف:شنو الي خلاك هيج تحجي
بهاء لزم ايدها وبهدوء:شوفي...البارحة انا گاعد واجاني اتصال من رقم غريب..رديت وطلعت صديقتج روان...انا رأسن خفت عليج وكتلها رنيم بيها شي..هي قابلتني بأستهزاء..وتگلي انت تخاف عليها وهي تلعب ع الحبلين وتحجي وي عشرة غيرك ومن هاي الخرابيط...انا انصدمت كلش وصراحة عصبت وصدگت حجيها لأنها صديقتج واحنة نتقابل يمها ف گلت مامعقولة تجذب...بس بعدين فكرت وگلت خل اقابلج واشوف شنو ردة فعلج لو گتلج هيج...والله اسف غصب علي
رنيم تبجي ومصدومة بصديقتها:ليش هيج ياروان...تخربين حياتي...انا شسويتلها...والله مامسويتلها شي
بهاء:حبيبتي اهدي...وهاي صديقتج گطعي علاقتج بيها...ولا تجيبيلها اي سيرة...وسوي نفسج انج ماتدرين باللي گالتة...وشغلها عندي...لأن بسببها كان ممكن ننفصل...بس اهم شي انتي لاتزعلين علي
رنيم برجفة:بهاء والله جذابة...والله انا احبك ورب الكون
بهاء بحنان:ياعمري انتي...ادري بيج والله...وانا اتنفسج مو بس احبج...لو مااحبج جان ماطلبت اقابلج واتأكد بنفسي
رنيم:يعني ماتتركني
بهاء:اكو واحد يترك روحة؟...هسة اهدي انتي حتة اهلج مايشكون بشي...وارجعج للبيت...ولاتفكرين بأي شي وكأن كلشي ماصار...وانسي وحدة اسمها روان
رنيم حركت راسها بالايجاب ودموعها بعدها تنزل
بهاء حاوط وجهه بأيديه ومسح دموعها بأبهامة
بهاء بهمس:احبج
رنيم:انا اكثر
ترك وجهه ولزم ايدها وحرك السيارة وتوجه لبيت رنيم...وصلها قريب للبيت حتة محد يشوفها تنزل من سيارتة
نزلت رنيم ومشت شوي ووصلت للبيت..دخلت وحمدت ربها مالكت احد بوجهه..رأسن توجهت لغرفتها ودخلت للحمام تغسل وجهه حتة تروح اثار البجي...طلعت من الحمام وغيرت ملابسها ولبست بجامة وذبت روحها ع السرير وراحت بسابع نومة
