يوم ثاني الساعه ب11 الصبح
الكل كعد وراحو للصالة يتريكون
جوري قد ماتقدر تحاول تكون طبيعية
بتول ورنيم حاسين بيها وحزنانين عليها
جوري گامت:الحمد لله
رنيم:وين مااكلتي
جوري:شبعت... وهم اريد ارجع للبيت تأخرت
بدر:ابقي للعصر
جوري بكذب:مااكدر... ماما اتصلت علي تكول تعالي
كامت جوري وراحت للغرفة تجهز نفسها ...ومن خلصت رجعت للصالة
فارس:اوصلج؟؟
جوري:لا سيارتي جوا انا اروح....يلا مع السلامة
الكل:الله وياج
طلعت جوري ورنيم راحت وياها توصلها للباب
رنيم:جوريتي لا تضوجين... مااحب اشوفج متضايقة
جوري بابتسامة مصطنعة:لاحبيبتي مامتضايقة.. وانا هم غلطانة... المفروض ماارجع علاقتي وي فارس وهو متزوج... انا ماحسبت حساب رشا انو ممكن تكون تحبة... جان لازم اكون حذرة وابقة بعيدة عنة
رنيم:لا تلومين نفسج انتي مالج علاقة
جوري تحاول تغير الموضوع وبمرح:اليوم من يرجع فارس من بهاء كليلي شنو يصير
رنيم:اوك
جوري:يلا باي
طلعت جوري بسرعة وركبت سيارتها... وضلت شوي بيها تهدي نفسها
شغلت السيارة وتوجهت لبيتهم
وبعد 5 دقايق وصلت
دخلت للبيت وتوجهت للصالة وشافت امها وابوها كاعدين
جوري:انا اجيييت
الاب(فهد):هلا والله بحبيبة ابوها
جوري:هلا بيك
الام(نجود):ها تونستي
جوري:اييي كلش تونست... وخالد وبدر هم اجو وجابو نسوانهم.. وصارت الجمعة كلش حلوة
نجود:دوم ان شاء الله
جوري:تدوم ايامج
فهد:يلا انا طالع للشغل تردون شي
جوري ونجود:سلامتك
فهد:جوري بعدين بالليل اريدج بموضوع ضروري
جوري:شنو هو
فهد:من ارجع اكلج هسة مستعجل
جوري:اوك
طلع الاب وراح للشغل
التفتت جوري ع امها:ماما ماتعرفين شنو يريد بابا
نجود تعرف شنو الموضوع بس ماكالت:لامااعرف علمي علمج
جوري:اها ع العموم بعدين نعرف ...كليلي شنو غدانا اليوم
نجود:اليوم كبسة مسوية
جوري:اويلي من هسة جعت
نجود:ههههههه انتي 24 ساعة جوعانة
جوري:هههههه
عند فادي.....
كاعد بغرفتة وحيييل مقهور...الانسانة الي حبها ماتحبة... ولا وبعد رح تروح لغيرة
ضل يوسوس... والافكار الخبيثة تجي براسة... بس بسرعة يبعدها... لان مايريد يضرها
مع ذلك يرجع يفكر بشي يخرب عليهم... لحد ماداخ من التفكير
دگ نقالة... وشاف المتصل وحدة من البنات الي يغازلهن
قرر يلهي نفسة بيها حتة مايفكر برنيم
رد:هلا والله هلا وغلا
البنت بدلع:هلا حبيبي شلونك
فادي تنهد:من بعد هالصوت باحسن حال اكون
البنت تسوي روحها مستحيه:فووووودي
فادي:روح فودي.. حياة فودي.. عيون فودي
البنت:فديتك ياعمري
فادي بلش حقارة:حبي اريد اشوفج مشتاقلج حيل
البنت بدلع ضابطتة:اوك حبيبي ...اهلي اليوم معزومين ع عرس وانا لوحدي بالبيت.. تعال وناخذ راحتنا..<<عزا 0_0
فادي ابتسم باحتقار:جد؟؟.. اووك من يطلعون دگي علي واجيج
البنت بنفس الدلع:اووك قلبو انتظرك... رح اجهزلك احلا سهرة
فادي:ماشي... يلا حبي لازم اروح.. عندي شغل
البنت:اوك باي حبيبي
فادي:باي
سد الخط وعلة وجهة ابتسامة احتقار:هه ماصدكت كتلها اريد اشوفج... رأسن ع البيت
يلا ع الاقل اتسلى من دون مااتعب وياها البنت مخفة
كام وبدل ملابسة ولبس جينز وتيشيرت ازرق وحذاء ابيض واخذ نظارتة وسويجة وطلع
نروح عند بهاء....
اتصل ع فارس ..وحددو المكان وتقابلو
كعدو ع الطاولة وطلبو قهوة.. واغلب انظار البنات عليهم بسبب جمالهم وكشختهم
فارس جان لابس جينز اسود وتيشيرت اخضر ضيق وبارز جسمة الرياضي وشوز سبورت اسود ومخطط بأخضر ولابس نظارة ray ban زيتوني
اما بهاء فكان لابس جينز ثلجي وتيشيرت اسود وعليه كتابات بالاصفر وكذلك مبرز جسمة الرياضي وشوز اسود ولابس نظارة كذلك ray ban بس سودة وطالع اشرد هههه
فارس:شنو الموضوع الي ردتني بي
بهاء:احم انا مالي بالرسميات.. ف رح ادخل بالموضوع مباشرةً
فارس:اسمعك
بهاء:انا من شفتك وعرفتك ارتاحيتلك ولأخلاقك... لهذا حاب اتقرب منكم
فارس مافهم:شلون يعني تتقرب منة... قصدك نكون اصدقاء؟
بهاء:لا..اا..اق..اقصد اي نكون اصدقاء ،..بس انا حاب اطلب ايد اختك
فارس فهم عليه وابتسم:والله انت والنعم بيك وباخلاقك... بس الرأي الاول والاخير للبنت
بهاء:اكيد اهم شي رأيها.. وانا فاتحتك بالموضوع اول عالمود تشوف رأيها ...حتة اذا وافقت اجيب اهلي واتقدملها رسمي
فارس:ولايهك انا اشوف الاهل واشوف رأيها واردلك خبر.. والصراحة انت ما تنرد
بهاء:مشكور
فارس بنص عين وبمزح:بعدين تعال... انت شمعنة اختي الي اختاريتها
بهاء عرف انو يمزح ويجاريه:حب من اول نظرة
فارس:نعــــم
بهاء:اشاقة اشاقة... شبيك يمعود بسرعة تصدك
فارس:ع بالي
بهاء:لا يروح فكرك بعيد يارجال.. بس انا شفت اخلاقك ماشاء الله... ولاتنسة اختك كانت مرافقة وياك وشفت تصرفها واحترامها
فارس حب ينرفزة:لا والله... بعد شنو شفت
بهاء:لاحوووول انت الواحد مايحجي وياك
فارس:هههههههه
بهاء:اگول... بدل ما تضحك گوم گوك... روح شوف رأيها وردلي خبر
فارس:مستعجل الاخ
بهاء:تگوم لو شلون
فارس:اگول ما كنك ذبيت الميانة؟
بهاء:ياخي انا انسان ماحب الرسميات ف بلاش جديات
فارس:ههههههه والله توقعتك جدي زيادة عن اللزوم بما انك دكتور
بهاء:وشبي الدكتور
فارس:انا اشوف الدكاترة كلهم جديين ومغرورين وماعدهم شقة ومااعرف ايش
بهاء:لا اتطمن انا مو من هذا الصنف... يعني حط ايديك ورجليك بماي باردة
فارس:هههههههه زين طلعت موجدي... لان رنيمو تكره الجدية بكل وقت
بهاء بدون شعور:لعيونها اصير كلشي
فارس نطط عيونة:نعم ياروح امك
بهاء:اقصد لخاطرك اسوي كلشي ...بس هسة ممكن تتفضل... وتروح للبيت وتسأل وتردلي خبر
فارس ببرود:هسة عندي شغل لازم اروح... وهنوب اطلع وي اصدقائي وباخر الليل ارجع... واكيد الكاها نايمة ..والصبح اطلع للشغل ومااشوفها... واذا شفتها اكلها... وانتظر اسبوع سبوعين علة ما تفكر.. وبعدها اردلك خبر
بهاء طلع عيونة:شلون شلون شلون
فارس:هذا الموجود
بهاء:فويرس لا تصير نذل
فارس يريد يرفع ضغطة:افاا انا نذل... لعد شنو رأيك النذل مارح يوافق ع الخطبة
بهاء:تذلنا يعني... الله يغنيني عنك... اروح احجي وي الوالد احسن منك
فارس:ههههههههههه ارتفع ضغطك
بهاء:انت تجيبلي الضغط والسكر بشبابي
فارس:ههههههههه
