من بعد ماطلعو الشباب من فارس ضل يفكر بجوري
بعد ساعة دخلت عليه رنيم
رنيم:هلو
فارس:اهلين
رنيم:يمتة راحو الشباب
فارس:قبل ساعة
رنيم:اهاااا
فارس جان يرد باختصار لان أصلا بالة مو وي رنيم
رنيم:هووووي فاارس
فارس:شكو
رنيم:وين صافن
فارس عدل جلستة من بعد ماجان مسدوح ع السرير
فارس بجدية:رنيم أريد اشوف جوري
رنيم:ها؟؟!
فارس ببطئ:كتـــــلـج اريــــداشــــوووف جــــووري سمعتــــي لــو لا
رنيم:شلون تشوفها
فارس:رنيم فتحي مخج شبيج ..شنو شلون
رنيم بتردد:بــــس
فارس:بس شنو؟
رنيم:يعني... خاف ماتقبل تشوفك
فارس:وليش
رنيم:خاف زعلانة منك
فارس:أي لعد أنا المن أريد اشوفها...هو اريد اعتذرلها ع الي سويتة
رنيم:مادري والله
فارس:انتي معليج... انتي بس شوفيها إذا گاعدة گليلي وأنا اروح
رنيم:أوك... بس اذا سألت؟؟
فارس تنرفز:اوهووووو رنيم شبيج انتي ....شنو هالغباء الي نازل عليج
رنيم:شنوووو هو أنا شدراني ....انت گلي شسوي واسوي
فارس:سمعي وفهميني زيــــن
رنيم:اوك احجي
فارس يفهمها ببطئ:تدگين عليها... وتسأليها إذا كاعدة.... وإذا كالت ليش....كليلها اريد أجي يمج اگضي وقت اوك
رنيم بغباء:هسة ادك
فارس بعصبية:يـــــــــاااااا ديـــــــن النبــــــــــــي ...لا باجر
رنيم:لا تعصب شبيك
فارس:انتي ماجاي تشوفين غبائج ....هو بس اليوم إحنا بالمستشفى...وبس هسة عندي فرصة اشوفها لوحدها واعتذر...من نطلع مااكدر أشوفها بعد
رنيم:اهاااا... اوك هسة ادك عليها
فارس:يلا خلصيني
دكت رنيم ع جوري وثواني وردت
رنيم:الو
جوري:هلا رنومة
رنيم:جوريتي نايمة لو كاعدة
جوري:لا كاعدة
رنيم:خو محد يمج؟؟
جوري:لا منو قابل يجئ بهالليل ...ليش؟؟
رنيم:أريد اجي يمج شوي ضجت لوحدي
جوري:وفارس وينة عنج
رنيم:نايم
جوري:اوك تعالي تونسيني
رنيم:اوك دقايق واجي
جوري:بالانتظار
رنيم:بأي
جوري:بأي
سدت الخط والتفتت لفارس :يلا روح كاعدة
فارس:ماشي
رنيم:موتطول
فارس:معليج انتي
رنيم:امداك
فارس مارد عليها وطلع من الغرفة
وتوجه لغرفة جوري
أما رنيم ف كعدت ع السرير وتتحلطم:الغبي فوك ما مسويتلة الخطة يغلط بعد<<واثقه أم الخطط
دك نقالها... شافت المتصل لكته مهند
رنيم:الو
مهند:هلا رنومة
رنيم:هلا بيك
مهند:رنوم عندي خبر رح يزعجج شوي
رنيم خافت:الله يستر شنو صاير
مهند:لا لا لاتخافين ما صاير شي
رنيم:لعد شنو
مهند بهدوء:شوفي...فادي احتمال يخطبج
رنيم بصرخة:نععععععععم؟؟؟؟؟؟؟؟؟
مهند:ووجع بطيتي ذاني
رنيم:ووشدراك انو يريد يخطبني
مهند:هو كلي
رنيم:شنو كال
مهند:يكول من بعد ما يطلع فارس من المستشفى وتتحسن حالتة يتقدملج
رنيم:بس أنا مااريد
مهند:ادري بيج لهذا كتلج
رنيم:رح ارفضة
مهند:أي بس من ترفضينة رح تخرب علاقتة وي فارس ....وانتي تعرفين شكد همة اقارب
رنيم:لعد شلون؟؟....اكله واحد متقدم قبلة ووافقت عليه
مهند:بس رح يعرف من فارس انو انتي ما مخطوبة
رنيم:ياربـــــــي شلون هسة
مهند:شدراني
رنيم:بلكت يجي واحد يخطبني قبلة وأوافق عليه وافتك
مهند:شنو حي الله توافقين ...بلكت طلع مو حلو وفقير ووسخ ومومتعلم وماعنده شخصية
رنيم:انطم انت ظلمتها علي... جمعت كل الصفات الشينة
مهند:ههههههه اتخيلج تتزوجين هيج واحد
رنيم:اتزوجك ولا أتزوج هيج واحد
مهند:عله آخر عمري اخذج شبية ما عندي عقل
رنيم:روح روح ...شفايتلك تاخذني
مهند:والله كثير فايتني
رنيم:اكول إنكللع من يمي احسنلك
مهند:هههه يلا باي
رنيم:بأي
