خيانات..!!
تفاهات..!!
أكذوبات..!!
ومن أجلها ابتعدوا عنا....
لا يدركون...
لا يصدقون...
لا يبررون...
كم هم قاسون
كم هم لا يرحمون....
كم اعشقم واتنفسهم
وهم لا يبصرون..
أشتاق لهم في كل ثانية
ي ليتهم يعلمون...
سوف انتظرهم مهما حالت
المسافات بينا...
و سيبقون هم الروح...♥♥
#
#
#
#
عند جوري...
من بعد ماخلصت الحفلة..دخلت للحمام وسبحت وطلعت ولبست بجامة ناعمة ترتاح بيها
اخذت فونها وطلعت من غرفتها ونزلت للصالة...شافت امها بالصالة...راحت وگعدت يمها
نجود:شو مانمتي؟؟
جوري:مانعسانة
نجود:اهاا...الاسبوع الجاي خطوبة رنومة مو؟؟
جوري ابتسمت:اي
نجود:ترحين؟
جوري بحماس:اكييد
نجود بتردد:مارح يأثر عليج بشي؟؟
جوري بأبتسامة مصطنعة:لا مايأثر
نجود:تمام
جوري:وين بابا؟؟...
نجود:مادري گال عندة مشوار ضروري...المفروض هسة يجي
جوري بأستغراب:مشوار ضروري!؟..ماگلج شنو هو؟؟
نجود:لا
شوي وسمعو صوت الباب
نجود:هاهو...اكيد اجة
دخل فهد:السلام عليكم
نجود وجوري:وعليكم السلام
نجود:وين جنت؟؟
راد يحجي فهد وفجئة دخلت وحدة شابة عمرها ببداية ال30 لكن الي يشوفها ينطيها اصغر وجميلة جداً وانيقة ومبين ع ملامحها الحدة والشموخ
نجود بأستغراب:منو هاي؟؟
فهد ببرود:هاي زوجتي هبة
جوري شهقت بصدمة وحطت ايديها ع حلگها
اما نجود ف ضربت صدرها وصرخت:شلووووووون
هبة بدلع:مثل ماسمعتي...انا زوجتة هبة
نجود:ومن يمتة متزوجها؟؟؟
فهد ببرود اعصاااب:صارلي 5 اشهر
نجود بعصبية:هاي ماتدخل بيتي فهمت لو لا
فهد صرخ:صوتج لا يعلى....وهذاا بيتي وهي الداخلة وانتي الطالعة
نجود رفعت حواجبها:هيج يعني؟؟
فهد:اي هيج
نجود:اوووك...تأمر امر...بس طلگني
جوري بصدمة:مااامااا
فهد:اوك ماعندي مانع
نجود تحس بطعنات بگلبها بس ماتبين گدامة:الليلة انا ببيت اهلي
فهد بأستغراب:شنو يعني؟
نجود:يعني ياحبيبي تاخذني هسة وتوديني ببيت اهلي وهناك ترمي الطلاق علي
فهد:شف هاي شتحجي...انتي تدرين بيت اهلج شبعدة
