داخل البيت...سمعو صوت الجرس
جوري:اكيد زينة...رايحة افتح
راحت وفتحت الباب...شافت زينة واگفة ومصفنة والوجه مخطوف
جوري خافت:زينة!!...حبيبتي شبيج؟
زينة بسرحان:ها..لا ماكو شي
دخلتها جوري للصالة وراحت بسرعة جابتلها كلاس ماي...شربت زينة الماي وتحاول تهدي روحها
مرام:زيون حبيبي شبيج...شصاير؟
زينة:مهند
جوري:شبي؟
زينة بتلكك:ب بااسني
مرام وجوري فتحو عيونهم...وحدة باوعت للثانية تالي باوعو لزينة وصرخو:شلوووووون
زينة اخترعت:خرعتوووني
مرام وجوري نطن وگعدن يمها كل وحدة ع جنب
جوري بحماس:شلون شلون
مرام نفسها:احجي احجي
زينة:هههههه خو انتن تتونسن
جوري:يلا يلا احجي
زينة:شوفي تو قبل لا انزل من السيارة...كتله مشكور تعبتك گال ولو شهالحجي انا ضحكت وگتلة باي...ردت انزل رأسن لزم ايدي بسرعة فريت عليه شفته مصفن بوجي استغربت...گتلة شبيك ساكت شصاير هم ساكت...ماحس الا قرب وجهه ع وجهي انا هنا انخطف لوني وگلبي ضل يدگ حيل حيل تالي غمض عيونة واخذ نفس قوي انا ارتبكت وغمضت ماحس الا شفايفة ع خدي فتحت عيوني بصدمة وشفتة مركز ع شفايفي خفت...رأسن سحبت ايدي وشردت من السياره
مرام:يييمة فدوووة
جوري:ياغبية ليش شردتي
زينة:شف هاي...وج نظراتة تخوووف...يعني لو منطتة مجال...جان ماتركني
جوري:ههههههه
مرام:جان جيتي النة بتوم
جوري طاحت ضحك:هههههههههههههه ااه يمة ههههههههه توم ههههههههه
زينة ضربت مرام ع راسها:انجبي ثولة...شگد منحرفة
مرام:ههههههههههههههه
هبة تضحك وياهم:بس همزين شردتي
زينة باستغراب:منو انتي
هبة بأبتسامة حلوة:انا هبة قريبة جوري
زينة:اهااا...شفتن هاذ الحجي الحلو...مو انتن جان جيتي بتوم...تفكيركم دايماً سيئ
مرام وجوري گاضياتها ضحك
زينة:اگول هيو...شخبار فادي...الخطة وين وصلت
جوري بغباء:ياخطة
زينة:وج مو اتفقنا انو نخليه يحب مرام
مرام:ايييي صدددگ....شو ماسوينة شي
جوري:ههههههه ناسية
زينة:ثول....انتي عندج رقمة؟
جوري:اي..ليش
زينة:اتصلي عليه وسوي روحج تحجين وياه وتسئلين عنة
جوري:تالي؟
زينة:هسة انتي سوي الي گتلج عليه ومعليج
جوري:ماشي
فتحت فونها وطلعت رقمة واتصلت
رد:اليوم الشمس منين طالعة...صاير شي بالعالم
جوري:ههههههههههههههه
فادي:اويلي يابة من گلبج الضحكة
جوري:ههههه وك گول سلام هلو اي شي...رأسن الشمس منين طالعة
فادي:مستغرب ومتفاجئ ومصدوم ومذهول
جوري:شدعوووة
فادي:بحياتج مامسويتها بس بأوقات المصلحة تتصلين...واخر مرة اتصلتي ايام جنتي مخطوبة لفارس
جوري:هههههههه خنب...يعني اسد الخط
فادي بثقة:ماتوقع تسدينة لأن عندج مصلحة
جوري:ههههه والله فاهمني غلط
فادي:لاحبيبتي..عمري مافاهمج غلط
زينة تحجي وي مرام:اگول مرام
فادي بأستغراب:منو يمج؟؟
جوري:صديقاتي
فادي:اي منو هن؟
جوري:زينة ومرام
فادي:اهااا
جوري:اييي....المهم شلونك شخبارك
فادي:تمام الحمدلله...انتي شخبارج
جوري:تمام
زينة:مرام شخبار الولد الي تقدملج
مرام لازمتها الضحكة:بعدة ع الشحن
زينة:ههههه خطية كاتل نفسة عليج...من ايام جنتي ع علاقة وي فادي
فادي سكت ويسمع الحجي
مرام:والله شكلي حوافق...لأن يگلج اركض ورا الي يحبك ولا تركض ورا الي تحبة
فادي لا ارادي:اقتلها اذا وافقت
جوري تستغبي:شلون؟
فادي:سمعي جوري
جوري:شنو
فادي:لاتخلين مرام توافق ع الي متقدملها
جوري:ليش؟
فادي:هيج لا تخليها وبس
جوري:مممم...شنو المقابل؟
فادي:الي تردين
جوري:تخليني اسوق بسيارتك البورش
فادي كلشي ولا سيارتة:صعب
جوري بنذالة:مرام هو خوش ولد ويحبج...انصحج توافقين
فادي:ياااانذلة....ماشي موافق تسوقين بيها
جوري:اقصد موخوش ولد خيولي
مرام:هيج گولتج
جوري:اي سمعي كلامي احسن...انا گلبي دليلي وگلبي ماارتاحله
مرام صدگت نفسها:خلص...مرفوض
فادي تونس:يلا باي
جوري:باجر ساعة ب12 الظهر السيارة يم الباب
فادي:بأحلامج
جوري صرخت:خبييييث
فادي:هههههههاي...بيباي ياحلوة
جوري:صدگني يجي يوم واسوقها
فادي:لو ع فراش الموت انتي والسيارة تنقذج من الموت هم ماانطيج
جوري:ويگلولي منين تعلمتي النذالة والخبث....منك نتعلم
فادي:هههههه...يلا شطحي...عندي شغل
جوري:وين وين....انا مخلصة رصيدي ودنيا مو لله
فادي:مو انا اگول ماتتصلين غير لمصلحة...شعندج
جوري:هههههه ياعيني محد يفهمني كثرك....اريدك تمرلي ع السوبر ماركت وتجيبلي حبشكلات مال سهرة تمام....ورصيد
فادي:دريول الخلفوج...وين خروفج يجيبلج
جوري:خروف بعينك....نايم حبيبي وماريد ازعجة
فادي يقلد عليها:نايم حبيبي وماريد ازعجة....اگول ماتولين
جوري:فويدي ليش تصير نحس شگنالك هسة احنة اووف...يلا باي عساني ماطلبت منك
فادي:ههههههههه زعلت....ماشي هسة اجيبلج تدللين
جوري:خرب شگد احبك
فادي:هلا والله فارس شعجب جايني للشركة
جوري تلقائياً:خرب شگد اكرهك
فادي غص ضحك:هههههههههه وانا اگول عن فارس خروف...طلعتي انتي نعجة
جوري:ههههه مقبولة دام حتشتريلي....يلا يابة خل اروح البنات تاركتهم وحدهم والرصيد لاتنسة تجيبلي
فادي:ماشي هههه
جوري:هههه باي
فادي:باي
