بدر:وشدخلة سلطان
فارس:سلطان طلع زميل جوري بالجامعة... أنا من عرفت انو زميلها جن جنوني ...وهنوب شفتة مهتم بيها ويباوعلها بنظرات حب ...شياطيني نطت بوجهي والغضب عماني... جريت جوري لمكان محد بي وطلعت حرتي وذبيت عليها كلام قوي ...وهي انصدمت وانهارت أنا عفتها ورحت
خالد بتعجب:انت من كل عقلك
بدر:معقولة تشك بحب جوري الك
فارس بضيق:انا ما ادري من القهر هيج سويت
خالد:وبعدين
فارس:رجعت للبيت ...وصدفة شفت أي باد رشا مفتوح ...صار عندي فضول أفتشة.. وفتحتة ولكيت بي مقاطع فيديو... فتحتهن وشفت مقطع لجوري تحجي عن حبها الي ...أنا انصدمت اخذت سويجي وطلعت بسرعة من البيت
بدر:وسويت الحادث
(فارس ماكلهم انو حاول يلمس رشا لان اصلا همة مايدرون انو مالامسها وهم هذا شي خصوصي مايصير يحجي بي وحتة وان كانو اخوانة)
فارس:اي وهناك بالمستشفى اعتذرتلها عن كلشي ...ورجعت علاقتنا
بدر:والله لو غيرها جان مارضت ترجع ...بس من حبها الك رجعت
خالد:غبي طول عمرك غبي وماتحكم تصرفاتك
فارس:خلص الي راح راح
بدر عقد حواجبة:زين وهذا سلطان شنو سالفته..شنو يباوعلها مايباوعلها
فارس:سلطان معجب بجوري ويمكن يحبها هم
خالد:أكيد يحبها... هو أكو احد شافها وماحبها
فارس بنظرات شرار:يخسيي ع جثتي لو قرب منها
بدر بانفعال:شحدة يقرب وربي ادفنة بمكانة
خالد:عوفوكم منة مارح يكدر يقرب... لان أصلا جوري مارح تسمحلة
بدر:طبعا جوري تربيتنة...مو سهلة هي حتة تخلي واحد يلعب عليها لو يقرب منها
عـنــد الـبـــنات......
كل وحدة كاعدة بمكان بالغرفة
رنيم وجوري ع السرير.. وبتول ع القنفة الي بالغرفة.. ورانيا بالارض يم السرير ...ورشا ع كرسي التسريحة
جوري تهمس لرنيم:يمتة تكليلي شنو السالفة
رنيم:يا سالفة؟؟
جوري:سالفة فادي
رنيم:هاااا... سمعي
جوري:أي كولي
رنيم:هذا الله يسلمج ويسلمني... فادي يريد يتقدملي وأنا مااريدة
جوري بصوت عالي:هااااااا
بتول اخترعت:شبيج... شصاير؟؟
جوري:هههه ماكو شي بس انفعلت شوي
رانيا:الحمد لله والشكر ربي
جوري ضحكت بتسليك:هيهيهي
رنيم تهمس:ووجع فضحتينة
جوري:أي ولج كملي كملي
رنيم:اي المهم... مهند من كلي وأنا متضايقة... وكلت كون يجي واحد يتقدملي وأوافق عليه
جوري بسرعة:شنو هو حي الله أي واحد يجي تقبلين بلكت طلع موخوش ادمي
رنيم:هههههههههه
جوري:وجع ع شنو تضحكين ماكلت شي يضحك
رنيم:نفس كلام مهند بالضبط ...هم كتلة بلكت يجي واحد وانطاني نفس موشحج
جوري:ههههههههه والله صدگ
رنيم:أي وباليوم الي اجيتلج بي ...وكتلج عالمود بهاء من انصدمت بي
جوري:أي اتذكر بس شنو صار بعدها
رنيم:من رحتي أنا رجعت للغرفة وورا شوي دخل بهاء
جوري:ههههه استجابت دعوتي
رنيم:ههههههه خلص الاجراءات ومااعرف ايش وطلعو... وأنا بقيت أخر شي طلعت وراهم بس وكفني بهاء وسألني ع اسمي ...أنا استغربت بس كال مجرد تشابه أسماء صاير وأريد أتأكد ...المهم كتلة اسمي حسيتة تفاجأ وهنوب سألني ع اسم عشريتي كتلة... و الأخ بلم أنا شفتة ساكت ومو وياي بعالم ثاني ...تركتة ورحت
جوري تسمع بتركيز:أي اي وبعدين
رنيم:وبعدين رحت للسيارة وقبل لا اصعد كلي فارس اجيب نقالة نساه بالغرفة ووووو...................الخ
جوري مصدومة:واه واه كل هذا صار
رنيم:ههههه دراما
جوري:بس يعجبني بهاء موقفة رجولي
رنيم:والله فوديتة
جوري:ههههه أتوقع بأجر رح يتقدملج
رنيم:لاااا وين
جوري:صدگي بأجر رح يفاتح فارس بالموضوع ....ولا ليش طلب منه يقابلة وما كال بالنقال
رنيم:ماادري والله الله كريم منا لباجر
جوري:إلا صدك شخبار مهند
رنيم:تمام ...صارلي يومين ما مراسلتة
جوري:ليش
رنيم:التهيت
جوري:اهاااا
رشا:عن شنو تحجون سمعونا
رنيم بصوت محد يسمعة بس جوري:اشتغلت اللگافة
جوري:ههههههههه
رشا:شنو الي يضحك
جوري:سلامتج ههههه
بتول:اكول جوري
جوري:هلا
بتول:شنو سالفة الصورة الي مخليتها بالسلسلة
رانيا:اي صح مساع ردت اسألج... بس الشباب جانو كاعدين
جوري:ليش شبيها؟؟
بتول:انتي فاهمتني لا تغشمين نفسج
رانيا:اي يعني..(انطت نظرة سريعة لرشا)
جوري فهمت:اهااااا
(رشا ما انتبهت لنظرة رانيا لان كاعدة وراها ف ماتشوفها)
جوري:الله يسلمكم المياه عادت لمجاريها
رانيا وبتول بصدمة:جذااااابة
جوري:والله
بتول:شلون؟؟
رانيا:والي بالي بالج...(تقصد ع رشا)
جوري:افهمكم السالفة غير وقت
بتول:لا شيصبرنا احجي هسة
رنيم سوت روحها ما تعرف الموضوع حتة لا تسأل رشا عن السالفة
