گعد بالكرسي الي يم رنيم
رنيم همستلة:شلون صرت هسة؟؟
فارس بأبتسامة ونفس الهمس:الحمدلله احسن
رنيم بأبتسامة:دووم
سكتو والمكان صار هدوء بس صوت الملاعق
قطع الهدوء صوت الفون
فتح ناصر نقالة ولگاه فهد
رد:الو
.......:السلام عليكم
ناصر بأستغراب:وعليكم السلام...منو حضرتك؟؟
........:انت الاخ ناصر؟؟
ناصر بأستغراب اكثر:اي نعم
.......:تعرف صاحب هذا الرقم؟؟؟؟
ناصر عقد حواجبة:اي اعرفة...ليش
........:صاحب هذا الرقم لگيناه ع الطريق ومگلوبة بيه السيارة هو ومرة وياه والحادث شنيع جداً وو
ناصر بصدمة:وشنوووو....احجيي؟؟؟
.........:والحالة حرجة جداً مااظن يقاومون اكثر
ناصر فتح عيونة ع الاخر:شلووون
......:والله هذا الي صار يااخ...الحادث مبين صار بالليل لذلك محد منتبه الهم والحالة حرجة جداً...ياريت تجي وتشوف التفاصيل
ناصر:وين همة؟؟؟
........:بمنطقة..... شارع......
ناصر بسرعة:طيب يلا يلا جاي
سد الخط وهو مصدوم
فارس بأستغراب:شنو صاير؟؟؟
فهد بأستعجال:فهد ومرته صايرلهم حادث...رايح اشوفهم
فارس:وين...لحظة...بابا
ماكمل لان ناصر اخذ السويج بسرعة وطلع من البيت بدون حتى ماينطي التفاصيل
سعاد تبجي:يارب رحمتك....يارب الطف بينة الهي....ربي فقدت اختي ماريد افقد اخوي وراها
فارس حضنها يهديها:ماما اهدي ان شاءالله ماكو شي
سعاد:ياربي....خالتك ماتت بحادث...وفهد لحگها... اااه يايمة
فارس:ماما استغفري ربج...لاتفاولين ان شاء الله مابيهم شي..
دگ جرس البيت
رنيم راحت تفتح الباب
شوي ودخلت جوري وهي تبجي
فارس انصدم:جــــوري
سعاد مسحت دموعها:جوري حبيبتي شبيج؟؟
جوري تشهق حضنت عمتها ورجعت تبجي:عمة بابا طلع يودي ماما لأهلها ولهسة مارجع
سعاد رجعت دموعها تنزل
ورنيم ورشا مقهورات ع جوري مايعرفون شلون يگلولها
فارس بهدوء:جوري
جوري التفتت عليه وبتوسل:فارس...الله يخليك روح شوفة الله يخليك...انا ادك عليه طول الليل ومايرد
فارس بنفس الهدوء:جوري...امج وابوج سوو حادث بطريق روحتهم
صرخت جوري:شلوووون...ووينهم هسة شصار عليهم؟؟؟....فارس فدوة وديني الهم
فارس:اهدي اهدي...بابا راح يشوف الاوضاع....وماگال وين همة ومانعرف شي
جوري:اريد اشوفهم
فارس بحنان:صبري حبيبتي...وهسة يجي ابوي وينطينة التفاصيل ونروح نشوفهم...بس انتي اهدي ولاتبجين...وادعيلهم
رنيم:تعاي حبيبتي گعدي واخذي نفس وادعيلهم...وان شاء الله مابيهم شي
