رجعن البنات للطاولة شافو مهند حاط راسة ع الطاولة ووجهة احمر من الضحك
جوري گعدت ع الكرسي:زين والله عرفت انه تمثيل...انا ولا عرفت حتة شكيت بالموضوع
رشا:هههههههه الولد كلمة مانطق من الصدمة
رنيم:صورتي؟؟
رشا:اي
رنيم:بلا خنشوف
فتحو المقطع وشافوه وغصووو ضحك
جوري لازمة بطنها:ياماما...بعد مااتحمل...بطني توجعني من الضحك
مهند:هههههه انا ماضحكني غير صدمتكم انتو...عود اسم الله تساعدوها..هنوب انتو انصدمتو
رنيم:ههههه شعجب ماصدگت...الا مسويتها بيك
مهند:اي مسويتها هواااي...ف حفظت حركاتها
جوري:يلا بنات خل نرجع كافي...هم يالله نرتاح وانوب نجهز لباجر
رنيم:اي صدگ
جوري:بنات شنو رأيكم تجيبون اغراضكم وتباتون يمي اليوم..حتة نجهز سوا
رنيم:انا ماعندي مانع
رشا:انا كذلك
زينة:انا هم بس خل انطي خبر لبابا
جوري:اوكي يلا
مهند:وين يلا..خل نتغدا اول...بس تخسروني ماتاكلون
رنيم:هههههه نسينة
ماحسو غير كرسي انسحب وشخص گعد
كلهم التفتو عليه ومن شافوه وشافو نظراته غصو ضحك
بحيث كل من في المطعم التفت عليهم
مهند:ههههههههه شلونك وي الموقف
فادي بحقد:بلا بشكلكم ضيعتو البنت من ايدي
جوري:ههههه واحنة گلنة يحبها وراح وراها يراضيها
فادي:لا شحبها ماحبها....هيج فقط معجب بيها
جوري:يارب كون تحبها هههههه
الكل:امييين
فادي التفت ع زينة:منو انتي؟؟...انا مااعرفج ولا مرا شايفج...حتة تسوين هيج
زينة ضحكت:هههههه والله حتة انا..اصلاً اول مرة اشوفك بس البنات گلولي خل نحرجة
فادي:منو گال
زينة:جوري
فادي:بسيطة جوري...يجي يوم واردها الج
جوري:هههههه مايجي لاتخاف
مهند:فويدي دريت؟؟
فادي:شنو
مهند:جوري هي الي خطبها سليطين
فادي انصدم:شلووووون...ليش ماگال
مهند رفع اكتافة:شدراني
فادي التفت ع جوري:انتي رايدتة؟؟
جوري:لا..بس بابا غصبني
فادي:اذا تردين هسة افركش الخطبة
جوري:لالا مالة داعي...بعد هذا النصيب
فادي:جوري والله احجي جد...اذا مامقتنعة بس گولي
مهند:اي صدگ...نگدر انا وفادي نفركش ابو الخطبة
جوري ابتسمت:مشكورين...بس بعد مالة داعي والحفلة باجر
فادي:ماشي...اذا احتاجيتي شي احنا بالخدمة
زينة كالعادة بفضول:من يمتة تعرفها؟؟
فادي:الله يسلمج انا ومهند وجوري ورنيم متربين سوا وواحد يعتبر الثاني اخوان وعلاقتنة كلش قوية
مهند:فارس هم ويانة..صح احنة اكبر منهن بس مانفرق...وجنة دائماً سوا ولحد الان
زينة:اهااا...الله يديمها
الكل:اميين
خلصو الشلة غدا وبعدها طلعو وضلو يفرفرون ويتونسون وبعد المغرب رجعو للبيت
(فادي بعدة يحب رنيم لكنة تصرف كأنة مامهتم...لأن يحاول ينسة وقرر يتركها بحالها..لأن سعادتها معناها سعادتة ومستحيل يأذيها..لأن الي يحب مايأذي حبيبة)
(اكيد تستغربون تصرفات البنات وي الشباب...بس همة متربين سوا وعادي عدهم هيج وفري ويعتبرون بعض اخوان وماكو شي ينضم عن الثاني...وجانو كلة يجتمعون سوا وشلتهم معروفة بالعائلة..بس ماضلو يجتمعون هيج جمعات من بعد ماتزوج فارس...والمشاكل الي صارت...وبين فترة وفترة يلا يجتمعون)
________________________
عد مرام....
من لمن طلعت من المطعم وراحت لبيتها وهي بس تبجي
حيل مقهورة...ابد ماتوقعت فادي يطلع لعوب وجذاب
هي صغيرة وماعدها ام توعيها ولا اب يحميها ولا اخو يساندها
اخوها لاهي عنها
وشافت الاهتمام عد فادي وحبتة وعشقتة وانطتة ثقتها لكنة كسرها...حطمها
وهي ابد ماتتحمل...بنت قلبها رقيق وحساسة وبريئة
وهذا الشي يقتلها
ضلت تبجي وتبجي لمن حست روحها اختنگت وماتگدر حتة تتنفس
فجئة اغمى عليها
بهاي اللحظة دخل اخوها للبيت..تو راجع من السفر وحس نفسة مشتاق لأختة
ف راح يتطمن عليها
صعد للطابق الثاني وتوجه لغرفتها...طرق الباب بس ماسمع رد...فتح الباب وشافها واگعة بالارض
انصدم وركض ناحيتها
رفعها من الارض وحط راسها بحضنة وضرب خدها بهدوء:مرام مرام...حبيبتي گعدي...انا رجعت...مرام الله يخليج گعدي
ماسمعلها حس رأسن شالها وطار بيها وركب سيارتة وتوجه للمستشفى
وصل للمستشفى ونزلها ع الطوارئ واخذوها منه ودخلوها لغرفة الفحص وهو ضل واگف ينتظر وحيل خايف ومتوتر
بعد نص ساعة طلع الدكتور
طفرلة:ها دكتور...بشر شبيها اختي
الدكتور:البنت تعرضت لصدمة وضغط نفسي قوي واجاها انهيار عصبي
انصدم:شلوووووون....انهيار عصبي؟؟؟...بس هي صغيرة مو مال انهيار
الدكتور:الي تعرضتله مو هين..ونفسيتها كلش تعبانة والظاهر منصدمة من شغلة ف تأزمت عليها وانهارت
بعدة ع نفس الصدمة:زين وهسة شلونها؟؟
الدكتور:كلش تعبانة وبس تهذي بأسم شخص...اظن اسم فادي
بأستغراب:فادي!؟؟؟...طيب ممكن اشوفها؟؟
الدكتور:اي تفضل
دخل للغرفة وشافها متمددة وسرحانة ع السقف ودموعها مغرگة وجهه
بهدوء:مرام
