بعد يومين...
تم الدفن وسوو العزاء ببيت جوري
وجوري لحد الان منومة بالمستشفى وماصحت صابها انهيار عصبي اثر الصدمة
بالمستشفى...
عد جوري..
جانو بالغرفة فارس ورنيم ورشا وزينة ومهند وفادي
فتحت عيونها شوي شوي
انتبهولها وتوجهو ناحيتها
جوري:وين انا؟؟
رنيم بلهفة ودموع:حبيبتي انتي بخير
جوري شافت دموع رنيم وتذكرت الي صار...نزلت دموعها:رنيم گليلي انه حلم...گولي انو انا حلمانه وانهم ماماتو
رنيم سكتت
التفتت ع فارس:فارس...انت ماتجذب علي صحيح؟
فارس بهمس:اي
جوري:فدوة گلي شنو صار
فارس بهدوء:الي صار انهم تعرضو لحادث قوي ومالحگو عليهم وو..وتوفو
جوري حطت ايديها ع حلگها وتشهق وبهمس:ماما...وين رحتي...اريدج..(كورت ايديها حول نفسها)...منو يضمني بعد..منو يحضني اذا بجيت لو فرحت...ألمن اسولف شنو سويت بيومي...ااااه ياعيون بنتج...اااه ياروحي
تقدم فارس:حبيبتي اهدي...مايصير تحجين هيج ادعيلهم بالرحمة
جوري رفعت نظرها عليها ودموعها مغرگة وجهه:انا صرت وحيييدة...راحت نظر عيني وراح سندي...راحووووو منو بقاليي...محد بقااالي...ااااااه ياييييمة...اااه ياكل دنيتي ....باباااا منو يحميني من بعدك...وينك تدلعني مثل اول...وتنفذ طبااتي وينك ياعزوتي وسندي...ليش ماخذتوني وياكم يادنيتي انتم
حضنتها رنيم...تمسكت بيها جوري حيل وغرست اظافرها بذراعتاها وصوت بجيها ملى الغرفة:اااااااه اريد مامااااا اريد بابااااا
الكل ساكت ومتأثرين من منظر جوري
تقدمو زينة ورشا وحضنو جوري وي رنيم بحيث حاوطوها من كل جهه ويبجون وياها
مهند ماتحمل وطلع من الغرفة ودموعة نزلت وفارس وفادي عيونهم مغورگة دموع بس ماتنزل
____________________________
بعد مرور اسبوع....
خلصت ايام العزاء...
جوري طلعت من المستشفى وحالياً مستقرة ببيت فارس حتة يعتنون بيها
نفسيتها تعبانة كلش وطول وقتها صافنة وسرحانة ودموعها ع خدودها
شگد حاولو وياها وحاولو يطلعوها من عزلتها وكئابتها بس ماگدرو
الظهر ساعة ب2
دخلت رنيم ع جوري للغرفة هي ورشا
رنيم:جوري حبيبتي تعاي تغدي ويانة
جوري بصوت مبحوح:مومشتهية شي بالعافية عليكم
رشا:حبيبتي احنا نريدج يمنة...مايصير تسوين بنفسج هيج
جوري:اسفة بس مالي نفس اكل واريد انام
ماانطتهم مجال يحجون اي شي وتوجهت للسرير وانسدحت وتغطت
رنيم ورشا هزو روسهم بيأس وطلعو
دخلو للصالة
فارس بلهفة:هاه؟؟...مااجت؟؟
رنيم بعبرة:لاء...ماقبلت
فارس مسح وجهه بأيديه:استغفر الله
سعاد:فارس ليش ماتحاول وياها انت؟؟
فارس بأستغراب:انا؟!!!
سعاد بأمل:اي هي تسمع كلامك وانت تگدر تأثر عليها...حاول وياها بلكي والله وتطلع
فارس:وبلكي ماقبلت؟؟
رنيم برجاء:ميخالف عفية حاول وياها...والله مايصير هيج تبقى
فارس بهدوء:ماشي..رح احاول
