گام وتوجه للغرفة...طرق الباب...ماكو حس..مرة ثانية...ونفس الحالة
فتح الباب بهدوء..دخل وسد الباب بنفس الهدوء
تقدم ناحية السرير....شافها متغطية ومنطتة ظهرها
فارس بهدوء:جوري
جوري:لارد
فارس:حبيبتي
جوري:كذلك لارد
فارس بحنان:ملاكي
ماردت...رفع الغطا عنها ولزمها من كتفها وفرها عليه....
شافها مغمضه عيونها ودموعها ماخذة مجراها ع خدودها الناعمة
لزم ايديها ورفعها وگعدها
صارت گاعده ع السرير بس بعدها مغمضة عيونها ماراضية تفتحهم
فارس گعد گبالها وبهدوء:فتحي عيونج
مافتحت بس شهقات خفيفة تفلت منها
فارس بحنية:لخاطري
فتحت عيونها بهدوء
فارس حاوط وجهه بأيديه ومسح دموعها بأبهامة وبحنية وكأنة يحاجي طفلة:حبيبتي انتي تردين ماما وبابا يتعذبون؟؟
جوري حركت راسها بالنفي ودموعها مستمرة
فارس كمل بأبتسامة:همة يحبونج ومايردوج تتأذين...من تبجين رح يتعذبون...وبس تبتسمين يرتاحون...كل دمعة منج تعذبهم وتقتلهم...وانتي اكيد ماترديهم يتعذبون...اريدج ترجعين جوري الي اعرفها...ملاكي المرح ألي البسمة ماتفارق شفاتة...ملاكي ألي بأبتسامة تخلي الكل يبتسم وياها وتبدد همومة...ملاكي صاحب القلب الطيب...ملاكي الي اطلقت عليها لقب ملاك لأنها صدگ ملاك...
جوري تشهق:بس ا..انا صرت...صرت وحيدة
فارس:لا ابد...انتي مووحيدة...امج وابوج حواليج...همة يشوفونج بس انتي ماتشوفيهم...تگدرين تشوفيهم بگلبج...لأنهم متربعين بيه صحيح؟؟
جوري:صح
فارس:وانا يمج ورنيم ورشا وخالد وبدر ومهند وفادي والكل الكل وياج والكل ينتظر منج ابتسامة...روحي شوفيهم..كلهم ضايجين وحتة مايسولفون لان انتي ماموجودة...انتي حلاة الجمعة...انتي الي تكملين جمعتنا...احنا حواليج وابد مانتركج لوحدج...لاتگولين انتي وحيدة
جوري:اوك
فارس ضمها بحنية:وهسة ابجي حتة ترتاحين كلش...طلعي هاي العبرة الواكفة ببلعومج
جوري شدت ع حضنة وضلت تبجي وتبجي وتبجي
فرغت كلشي ع صدر فارس...لطالما كان ولازال الشخص الوحيد الي يگدرلها...والي يعرف شلون يطلعها من حزنها
بعد ربع ساعة هدت جوري...ابتعدت عن حضن فارس
جوري بصوت مبحوح:رح اغسل وجهي واجي
فارس:انتظرج هنا..غسلي ونطلع سوا
جوري :اوك
