سدت الخط
مرام بحماس:ها ها شگال
جوري:ههههههه من گلتي شكلي حوافق گال اقتلها اذا وافقت
مرام ذابت:فدييييت
زينة:ههههههه شوف شوف ساحت
جوري:هههه وگلي لاتخليها تقبل وكذا
مرام:ههههههه ع اساس هسة صدگ متقدملي واحد
جوري:هههههههه المهم بعد شوي حيجي يجيبلنه اغراض وصيتة من السوبر ماركت
زينة بتفكير:باعو...هسة هو مو يجي...خلي مرام تفتح الباب وانا وياج جوري نباوعلهم من الشباك ونشوف شيصير
جوري:اووووك
دخلت هبة وبيدها صينية العصير والكيك
زينة:هلا والله هلا وغلا...جنج حاسة اني ميتة جوع
هبة:هههه بالعافية
حطت الصينية ع الطاولة وانطت لكل وحدة ماعونها والعصير واخذت حصتها وگعدت
زينة:اگول هباوي...شگد عمرج
هبة:35 سنة
زينة ومرام انصدمو:جذب
هبة:ههههه والله...ليش
مرام:مامبييين ابد...عبالك بگدنة
هبة خجلت:ههههه شكراً
زينة تتشكى:ياربي خليني مثل هبة...شگد مااكبر يبقة شكلي صغير
جوري:وانا هم ياربي
مرام:وانا هم
هبة:ههههههه بعد وراكم مشوار طويل...لاحگين ع الكبر
زينة:لا ندعي من هسة لحد مانكبر حتة نضمن نفسنة
دگ الجرس
طفرن البنات كلهن
جوري بخبصة:يلا يلا مرام گومي فتحي
زينة مثلها:لحظة لحظة خنعدلها
هبة:انتظري خل نعطرها
مرام:بسرعة لا يروح
البنات رتبو ملابسها بسرعة وعطروها
هبة ضربتها راجدي ع خدودها
مرام انصدمت:اايي
هبة:حتة تصير خدودج حمرا
مرام لازمة خدودها:اكو شي اسمة بلاشر
هبة ضحكت:طبيعي احلة
جوري:موهينة
زينة وجوري لزگن بالشباك
طلعت مرام تفتح الباب...فتحتة وشافت فادي واگف بهيبتة وگلبها ضل يدگ...مشتاقتلة كلش
جان لابس جينز ثلجي وتيشيرت اسود وحذاء سبورت اسود وسلسلة برگبتة....جان شايل اكياس هواي
رفع راسة وشاف مرام...ابتسم ابتسامة تاخذ الگلب قبل العقل:هلو والله مرام
مرام متوترة:هلا بيك
فادي:شخبارج
مرام:تمام...وانت
فادي:الحمدلله
مرام:انطيني عنك الاغراض
فادي:لا ثگيلة الاكياس...خلي انا ادخلهم
مرام:ماشي
دخل فادي من باب المطبخ وحط الاغراض...وطلع وشاف مرام ع وگفتها...جاها من ورا وقرب يم ذانها وهمس:محلوة
مرام گمزت:هئ...خرعتني
فادي:ههههه...شعجب هنا انتي
مرام:گاعدة بالبيت لوحدي وضايجة ف جيت يم جوري اتونس
فادي:بعدة اخوج هاملج؟؟
مرام:لا بالعكس...تغير كلش وضل يجي للبيت وساكن وياي وكلش مهتم بية
فادي ارتاح:حلوو...الله يديمها
مرام:امين
فادي:يلا انا رايح تردين شي؟
مرام:لا سلامتك
فادي:باي
مرام:باي
طلع فادي وركب سيارتة وراح...جوري وزينة رأسن طلعو لمرام
اما عند هبة...من اجة فادي والبنات التهو يباوعون لفادي ومرام ومامنتبهين الها...بسرعة اخذت فون جوري...ودخلت ع السجلات واخر المكالمات...جان رقم فادي موجود لأنه اخر واحد اتصلت عليه جوري....بسرعة سجلت الرقم بفونها وطلعت من السجل وسدت فون جوري ورجعتة بمكانة
دخلو البنات للبيت
هبة:ها شصار
زينة:ماندري...تعاي گعدي گعدي خنسمع شتگول
گعدو البنات ومرام ضلت تسولفلهم شصار
گضوها البنات سوالف وضحك وسهرة معتبرة...وتالي حطو العشا وتعشو وكذا
