نرجع بالذاكرة لذاك اليوم.....
بيوم الامتحان
كلمن حاط الاسئلة ويحل
بهاء التفتت لرنيم وبهمس:رنيم
رنيم رفعت راسها بس ماردت
بهاء:اريد قلم
رنيم:ماعندي بس هذا الي جاي اكتب بيه
بهاء:اي انطينياه
رنيم:لا والله..وانا؟!!
بهاء:مشكلتج
رنيم طنشتة ورجعت تحل
بهاء رجع مرا ثانيه:رنيم
رنيم بنرفزة:شكوووو
بهاء:اريد مساحة
رنيم مدتلة المساحة:هاك
اخذ منها المساحة وتعمد يلمس ايدها
رنيم ارتبكت وبسرعة سحبت ايدها
هو ابتسم ع جنب ورجع يحل
بعد ماخلصو الامتحان سلمو الاوراق وگعدو ينتظرون المدّرسة تنطيهم النتيجة
بهاء التفت لرنيم:اليوم اخر يوم
رنيم بأبتسامة:اي واخييراً رح ارتاح
بهاء تحولت ملامحة للحزن:يعني بعد مااشوفج
رنيم بهدوء:اي
سكتو شوي...بعد دقايق
بهاء:رح اشتاقلج
رنيم ابتسمتلة:انا هم
ورا شوي انطتهم المدّرسة النتائج وطلعو ناجحين....واجة وكت الوداع
رنيم جانت تلم اشياءها
اجاها بهاء:رنيم هاي مساحتج
رنيم:عادي خليها
بهاء:لا مااحتاجها اخذيها
رنيم مدت ايدها عالمود تاخذها
ورأسن بهاء بجراءة سحب ايدها وحط بيها ورقة ووياها المساحة
رنيم انصدمت من حركتة بس قبل لا تنطق بكلمة
توجه للباب وقبل مايطلع التفت عليها وغمزلها
بهاء:باي
رنيم ضلت ترمش وتريد تستوعب حركتة
بعد ثواني...حركت راسها تطرد الافكار...بعدها طلعت وشافت خالد ينتظرها عالمود يرجعون للبيت
وصلت للبيت..توجهت لغرفتها وذبت روحها ع السرير...وتفكر ببهاء،..رأسن تذكرت الورقة الي حطها بأيدها...نست تفتحها
فتحت وانصدمت باللي مكتوب..[هذا رقمي اتمنى اتمنى تتصلين..فدوة انتظر اتصالج]
لا ارادي فتحت فونها وخزنت الرقم بيه وانوب شگت الورقة وذبتها
ضلت لازمة الفون وتباوع للرقم...سدت النقال وحطت راسها ع المخدة ونامت
بعد مرور اسبوع والتفكير قتلها....محتارة يا تتصل يا تتجاهلة...اخير شي قررت ترسلة رسالة
دزت رسالة..[مرحبا..انا رنيم]
رأسن اجاها الرد..[مراحب هلا والله...تأخرتي انتظرتج هواي]
ردت..[ممم بعد انشغلت وماصارلتي فرصة]
رد..[رح اتصل عليج]
ردت..[اوك]
ثواني وجاها الاتصال
ردت:الو
بهاء:هلو
رنيم:اهلاً
بهاء:شلونج؟
رنيم:الحمد لله وانت؟
بهاء تنهد:بخير من سمعت صوتج
رنيم انصدمت:نعم
بهاء بهدوء:رنيم
رنيم:ها
بهاء:احبج
رنيم انصدمت وماعرفت شنو ترد
بهاء:انتي وياي؟
رنيم بأرتباك:اي
بهاء:شنو ردج
رنيم:بشنو؟
بهاء:تحبيني؟
رنيم:مادري
بهاء:شلون يعني ماتدرين
رنيم:مادري ماعرف اذا احبك لو لا
بهاء بمرح:طيب انا رح اگلج اذا تحبيني لو لا
رنيم بأستغراب:شلون؟
بهاء:هسة انتي گلبج يدگ بسرعة؟؟
رنيم:اي
بهاء:تحسين بأرتباك؟
رنيم:اي
بهاء:فرحانة؟؟
رنيم:ها؟؟
بهاء:هههههه جاوبي شبيج
رنيم بتلكك:احم..ايه
بهاء:هذاهو
رنيم:شنو؟؟
بهاء:معناها تحبيني
رنيم مستغربة:وشعرفك
بهاء:لأن نفس مشاعري...گلبي يدگ بسرعة بحيث عبالك الكل يسمعة ومرتبك ماعرف شنو احجي وفرحان انو جاي احجي وياج...وهذا كلة لأن احبج
رنيم:اهاا
بعد مرور شهر تقريباً تطورت العلاقة وواحد تعلق بالثاني وبهاء مجنون برنيم وصل حد الادمان بيها...وصارو يتقابلون...وجانت صديقة رنيم هي المرسال بينهم...يعني هي اهلها فري ف من تجي رنيم لبيتها يجي بهاء ويشوفها هناك...وفد يوم...صديقة رنيم اسمها روان...غارت من رنيم وعجبها بهاء واشتغلت الغيرة والحقد هنا...مرة من المرات من جانت رنيم يمها...روان اخذت نقال رنيم بدون ماتدري واخذت رقم بهاء
من طلعت رنيم من عدها اتصلت ع بهاء
رد عليها:الو
روان:بهاء؟؟
بهاء:اي نعم منو انتي؟؟
روان:انا روان صديقة رنيم
بهاء بخوف:رنيم بيها شي
روان بلشت شغلها:هه انت خايف عليها...وهي تلعب ع الحبلين
بهاء بأستغراب:شقصدج
روان:رنيم وحدة جذابة...لاتحبك ولا شي...هي هيج تحجي وياك عالمود فلوسك...وتطلع وي عشرة غيرك
بهاء انصدم وانلجم لسانة...ابد ماتوقع هيج
روان بخبث:انا اديت الي علي...انا ماريد تنخدع بيها...حبيت انبهك لأن مايصير تستمر ع هيج ..وهسة باي
بهاء:باي
