سلطان انتبه لظل شخص بالسيارة بس ماعرفة لأن منزل القبعة ع عيونة
سلطان:اگول
فادي:گول
سلطان:منو بعد بالسيارة
فادي:هذا واحد حاب يتعرف عليك
سلطان بأستغراب:منو؟
فادي:هسة تعرفة..(صاح)...انزل
نزل فارس من السيارة ونظرات سلطان تتابعة
رفع راسة ووضح شكلة وع وجهه ابتسامة خبيثة:سلام
سلطان انصدم بعدين ابتسم ورفع حاجب:وعلييكم
فارس:شخبارك
سلطان:تمام وانت
فارس مد ايدة:عال العال
صافحة سلطان:دوم
فارس بحركة سريعة لوا ايدة وبركبتة رفس سلطان ببطنة
ركع سلطان ع الارض من الالم
فارس:مو انا الي تغدر بية ياخسيس
سلطان گام من الارض بسرعة وضرب فارس بوكس
تراجع فارس ليورا بس ما وگع
ضل ثواني فار راسة...تالي وجه نظرة ع سلطان وتفل الدم من حلگة.(تكرمون) وملامحة احتدت
ورأسن هجم ع سلطان وضربة بوكس اقوا ورفسة ببطنة و بسرعة ضرب ركبه من ورا خلاه ينحني وبكوعة ضربة ع ظهرة
ووگع سلطان ع الارض
اجة فارس فوگاه ولزمة من ياختة بيد وكمل عليه بوكسات بوجهه
سلطان رأسن ضرب راسة براس فارس وخلاه يبتعد عنة وتالي ضربة بوكس وگعة بالارض وصار هو فوگاه وضل هو الي يوجه اللكمات لوجهه
رادو يتدخلون فادي ومهند بس سبقهم فارس ودفع سلطان وضربة ع بطنة ووگعة ووگف هو وضل يرفس بيه برجلة
وسلطان يصرخ من الالم
فارس فحطان ويلهث من التعب:اسمعني...جوري انساها..
سلطان بالگوة يحجي:ت..تحلم
تقدم مهند:لا بابا انت الي تحلم...هسة تجي ويانة ونروح للمحكمة وتطلگها گبالنة
سلطان يلهث:لو..لو تنطون مااطلگها
فارس رجع رفسة بكل قوتة بخصرة
وصرخ سلطان:اااااااااااااااااه
فادي بتهديد:تطلگها لو نكمل عليك
سلطان بعناد:مااا اطلگ...تفتهمون...ماااطلگ
فادي سحب سلاح من خصرة
تقدم مهند وفارس ورفعوه وثبتوه
وسلطان هالكة التعب مايگدر يتحرك ومستند ع فارس ومهند
اجة فادي:ها..تطلگ؟
سلطان:لا
فادي سحب السلاح وحضر الرصاصة وحطة براسة:ها؟
سلطان بعناد:لااا يعني لااا
فادي رأسن ضرب رصاصة يم رجلة
وشظايا الرصاص لاح رجليه وتجرحت وصرخ:اااااااااااه موووواففففق
فادي:ماسمعتك...موافق ع شنو؟؟
سلطان:ماااشي رح اطلگ بس فكوووني
مهند:اعذرنا مارح نفكك...نروح للمحكمة وتطلگ وساعتها الله وياك
سلطان بمكر:ماگدر امشي وانا مجرح خلوها ع باجر
فارس:نشيلك..ماعدنا مانع...مهند رفعة وياي
