نروح لشخص زمااااان عنة
سلطان.....
جان گاعد بغرفتة...وتحديداً بمكتبة...كان متكي ع المكتب وحاط ايديه تحت فكة ..وابتسامة حقيرة مرسومة ع شفاتة
سلطان:هاي جوري وضمناها...والله وكسرت غرورك يافارس...هاي انانيتك اطلعها من عينك...موسلطان الي يوگف بوجهه واحد مثلك...والله لأطلع حب جوري من عيونك...بس اصبرلي ...بس باجر..خل تصير ملكي..واسمها بأسمي..ساعتها يبلش شغلي عدل..واوريك النذالة والانانية ع اصولها
(سلطان ع الرغم من طيبته لكنه غيور ويحب بتملك وهو دائماً جان يغار من فارس لأن الكل جان يحبة وعلاقتة كلش حلوة وي الكل...ولمن انعجب ببنت ودخلت مزاجه...يطلع بوجهه فارس وتطلع حبيبته...احنه مانگول حبها ووصل لدرجة الجنون...لا..مومعقولة بشهرين يوصل حبة لهدرجة وهو اصلاً ماگعد وياها غير مرات تعد ع الاصابع..لكن هو حط براسة انه يتملكها وتصير الة بأي طريقة حتة يثبت لفارس انة قادر يسوي اي شي بس يأشر..يعني هدفه انه يكسر غرور فارس (بأعتقادة) اكثر من هدفه انه يحب جوري ويكسبها)
___________________________
نرجع للبنات...
جانو يفترون وماخلو محل مادخلولة...ويضحكون ع ذاك ويعلقون ع ذاك...
البنات يعلقن ع الشباب ولبسهم..هذاك كشخة..هذاك ويع وكاضيها ضحك
ومنو وياهم...مهند هههه ماخلا واحد بحالة..وسوا البنات مصخرة...ماخلا وحدة ماعلق عليها
حتة الحلوة ماسلمت منة...والبنات فاصلات ضحك...
رنيم:مهينو كافي ولك..بطني ضلت توجعني
جوري:ههههههه اااه يمة...والله اشك احنة جايين عالمود نشتري
زينة:يمعودة اي مشترى واحنا گاضينها ضحك ومسخرة
مهند:ههههه محد گلكم تجون وياي
جوري باوعتله بنص عين:لا والله!!...منو الي گال اجي وياكم مايصير وحدكم
مهند يضيع السالفة:ها..جوري شوفي هذا الفستان كلش حلو يطلع تمام عليج
جوري:اي ضيع السالفة
مهند:هههههه لا جد شوفي هذا الفستان
جوري التفتت وشافتة معروض:اي والله يجنن
رنيم:شلون حلووو
زينة:يلا تعالي شوفيه اذا عجبج اخذيه
جوري:تعالو ندخل
دخلن البنات للمحل يشوفن الفستان
(طبعاً جوري عادي تحجي وي مهند هيج لأن هي هم متربية وياه صح علاقتها مومثل رنيم وهو لكن مع ذلك تعتبرة اخوها وخاصة من اتبرعلها بالدم...حتة فادي ع الرغم من عمايلة إلا انها ماتتدخل بحياتة بس تحترمة وتحطة ع راسها وسبق وگلت فادي وگفاته وگفات رجال تلگاه بوقت الشدة)
المهم نرجع...
دخلن البنات وشافت جوري الفستان وعجبها كلش واكيد مارح تخليه بنفسها..ف اشترتة..(وصفة اخليه بالحفلة من تلبسة)
طلعو من المحل وفرفرو بالاسواق بعد ومن حسن حظهم لگو كل الاشياء الضرورية ورنيم كذلك عجبها فستان وهم اشترتة ولايضل بنفسها...والبنات زينة ورشا..اشترو كذلك الي عجبهم
مهند:خررب...انهد حيلي...لو اموت بعد مااطلع وياكم
رنيم:محد ضربك علة ايدك وگلك تعال ويانة
مهند:انطمي بس...وامشو خل نروح لمطعم نتغدا
جوري ورنيم وزينة:ع حسابك
مهند:خير خير...گاعد ع بنگ انا
جوري:يلا ماصار شي ..كلها كم دينار تدفعها
زينة بدلع لاارادي:يلا هنووودي عفية..تعبنة من الوگفة
مهند تنح:هـا؟!!...اي يلا يلا
جوري ورنيم وحدة باوعت للثانية وبعدها باعو لمهند وحاولو قدر الامكان انهم يكتمون الضحكة
عرفو نقطة ضعف مهند...وهي زينة خخخ
راحو للمطعم ودخلو وگعدو كلهم ع طاولة وحدة
لزمو المنيو وضلو يطلبون الي يعجبهم وضلو ينتظرون الطلب علة مايجي
