طبعاً گعدت تمدح وتحجي وتسئل عن الاخبار ومااعرف ايش ههههه
ورا شوي دگ خالد الباب
فتحت رشا الباب
خالد:رشا گلي لرنيم خل تجي..بهاء يريد يشوفها..
رشا:اوك
راحت رشا وگلت لرنيم وراحت رنيم لخالد
خالد:يلا رنومة تعالي..بهاء يريد يشوفج
رنيم بربكة:هــا؟!!...ليش يشوفني؟؟
خالد:ههههه حتة يشوف شروطج وتشوفين شروطة
رنيم بترجي:خليك وياي
خالد:اوك..يلا الرجال ينتظر
لزم خالد ايد رنيم يشجعها وراحو للصالة الثانية
(1-بيت رنيم كبير كلش وبي عدة صالات وكل وحدة الها ديكورها الخاص
2- بهاء يشوف رنيم النظرة الشرعية..ماادري اذا عدنا بالعراق هيج شي بس خليتها يعني بين قوسين سلكو لأن انا بهيج امور كلشي ماافهم هههههه...<<العن هيج كاتبة كلشي ماتعرف هههه) الموهييييم
دخل خالد للصالة ورنيم لابدة وراه...
بهاء اول مالمحها ورا خالد فز ووگف...
بهاء:لا ماشاء الله شفتها وشبعت بعد
خالد بمزح:هههههههه...اوك تمام لعد...يلا رنومة طلعي
بهاء بسرعة:هي هي هي ...شنو طلعي ماطلعي ... ششفنا منها
خالد:مو توك تگول شفتها وشبعت ...شرايد بعد
طبعاً رنيم تتمنة الارض تنشگ وتبلعها من الاحراج
من بعد ماگعدو ورنيم لازگة بخالد
بهاء بأبتسامة:حبيب...اا..اقصد رنيم شلونج
رنيم بصوت ناصي:الحمد لله
بهاء:حتة انا بخير الله يسلمج
خالد:واصلاً منو سئل عن حالك
بهاء بنرفزة:ياخي انت منو مسلطك علي...اخلص من اخوك تجي انت
خالد:ههههه يلا شوفها وفكنة
بهاء:خل ترفع راسها...شنو اشوف انا بس شعر
خالد:رنومة رفعي راسج
رنيم رفعت راسها وهي حيل خجلانة...اول ماطاحت عيونها بعيون بهاء
ذاب بهاء وحجة لاارادي:ااااه ياگلبي..تموووت...خويلد انطينياها خل اعضها
رنيم اختفت من الاحراج
اما خالد فتح عيونة ع الاخر:شف قليل الادب...انت ماتنطي وجه
بهاء صحة من سرحانة:احم...ياخي هي ليش سموها نظرة شرعية
خالد:هههههه يلا خلص شفتها وردك واضح من الاااه مالتك
بهاء:طبعاً واضح...ماعندي عقل حتة ماتعجبني
رنيم عافتهم وطلعت ركض من الاحراج
خالد ضل يضحك عليها وبهاء رايح بيها
بهاء:اويلي ويلاه...اروح ملح انا
خالد لزمة وگومة:اگول..گوم گوم يالدكتور...وين الثگل فشلتنة
بهاء:هههههه
طلعو من الصالة ورجعو يم الرجال واتفقو ع كلشي
والعقد والحفلة حددو الاسبوع الجاي بيوم الجمعة
اما رنيم من طلعت من بهاء راحت ركض لغرفتها
شوي ودخلت عليها رشا
رشا:هههههههاي...شبيه وجهج صاير علبة الوان
رنيم نطت وتربعت ع السرير وحطت ايديها ع خدودها
رنيم:يمة يمة يمة....ولج فد جريييييئ....تصوري يگل لخالد انطينياها خل اعضها
رشا واگعة من الضحك:هههههههههههههه...لعد الله يعينج
رنيم:ياربي...اذا هاي اولها..ينعرف تاليها
رشا غمزتلها:اهم شي عجبتيه وعجبج
رنيم:اييي...ولج لو شفتيه..بس كشختة تموتج
رشا:شنو لابس؟؟
رنيم بوله: لابس جينز ازرق فاتح وتيشيرت ابيض ماسك ع جسمة وفوگة سترة سودة كذلك ماسكة ع جسمة ومبرز عضلاتة ...اااه منة..<<اهم شي العضلات خخخخ
رشا:ههههههه
