عند فارس.....
من بعد ماخلصت سهرتهم رجع للبيت
دخل للصالة ولگة امة بالصالة
فارس:سلام
سعاد:وعليكم السلام
فارس:شنو وين رنيم ورشا؟؟؟
سعاد:رشا بغرفتها ورنيم راحت لجوري تبات يمها اليوم
فارس بهدوء:اهااا
گعد فارس ع القنفة وسند روحة عليها
سعاد بحنية:ياماما بس گلي الى متى هذا حالك؟؟
فارس بهدوء:شبي حالي؟؟
سعاد:دومك حزين... ونادراً مانشوفك تضحك...شوفلك حل لحالتك لاتضل هيج
فارس اعتدل بجلستة واتكأ ع رجليه بجدية:انا لگيت الحل...بس اريدج توگفين وياي
سعاد بفرحة:شنو...مستعدة اسويلك اي شي بس ترجع نفس اول
فارس :اريد اتزوج جوري
سعاد بهدوء:ورشا ؟!!!!
فارس وكأنة قنبلة وانفجرت بأنفعال:شبيها رشا ها؟؟... شبيها؟؟.گولو بعد مايصير... وهم حرموني ...وطلعو حجج ثانية... وبعدين تعالو احجو... ليش هيج حالتك وارجع مثل اول ....من گتلج اريد اتزوج جوري گلتي رشا...رشا معززة مكرمة هنا.... بس انا مااطيقــــهااا تعرفين يعني شنو مااطيقها...انا احترمتها وتحملتها 3 سنين عالمودكم وعالمودها هي مالها ذنب ان ابوها انسان حقير...بس هذا مومعناها اوگف حياتي عالمودها
سعاد:ياابني انا ماقصدت هيج...بس هي مرتك وشنو رح تكون ردة فعلها لمن تعرف انك رح تتزوج غيرها..هم مالها ذنب
فارس بنفس الانفعال:ياديـــن النبي...رجعت تگلي رشا...گتلج انا مااطيقها ولااحبها ....وطول هاي المدة ذرة مشاعر مانمت بگلبي الها غير مشاعر الاخوة... وانتو بعينكم جاي تشوفون انو ماجاي نتوالم وكله عرايك...
سعاد:طيب شلون رح تگلها انك تحب جوري وجنتو مخطوبين ....واكيد تسأل ليش ماتزوجتها قبلها
فارس بهدوء:للعلم هي تدري اني مغصوب عليها ....وازيدج من الشعر بيت.. ترا انا مالامسها
سعاد بصدمة:نعــــــم؟!!!!....شلون يعني مالامسها!!!!.....يعني تقنعني انك صبرت 3 سنوات وهي گدامك وحليلتك ومادخلت عليها؟؟؟
فارس بنفس الهدوء:اي مادخلت عليها...شنو شايفتني حيوان مااصدگ اشوف انثى حتة افرغ شهواتي....انا مستحيل اعيش حياة زوجية حقيقية الا وي جوري وخلو هذا الشي ببالكم ...بعدين هذا لمصلحتها اني ماالمسها ع الاقل يكون الها مستقبل لمن اطلگها
سعاد بصدمة اكبــْر:ليـــش انت ناوي تطلگهـــااا؟؟؟؟
فارس تعجب من صدمتها ورفع حاجبة:طبعاً اطلگها...مااحلاني اخليها ع ذمتي
سعاد:ليش تطلگها...تريد تتزوج اتزوج بس لا تطلگها
فارس يضحك بصدمة:هههه ماما عود صدگ جاي تحجين.؟؟؟...يعني ترديني اخليها ع ذمتي وتبقة معلگة لاهي مطلقة ولا متزوجة... وتكبر وهي ماشايفة حياتها... وانا اتزوج واشوف حياتي واعيش مرتاح وهي لا...حلال علي وحرام عليها....بيا قانون هذا ويادين يرضاها...گتلج مااطيقها بس مولهدرجة...انا مااطيقها كزوجة بس اتمنالها الخير...والله يسعدها وي غيري لأن انا مااسعدها بالعكس أاذيها
سعاد:انا ماجاي افهمك يافارس
فارس بهدوء:كل الي اريدة منج انكم تخطبولي جوري...ورشا انا اطلگها واخليها تشوف حياتها بس موهسة...اول اتفاهم وي ابوها واضمن انو مايأذيها بعدها اطلگها...اما بالنسبة لجوري ف اريد الخطوبة والزواج بنفس اليوم لأن مامستعد اكرر نفس السالفة
سعاد:ماشي اذا هذا تفكيرك انا مستعدة اخطبها الك
فارس:مو بس تخطبيها...اريدج تقنعين اخوج وتخلينة يوافق
سعاد بقلة حيلة:ماشي
فارس بأستهزاء:وياريت بأسرع وقت...لأن مااضمن اخوج ...هنوب باجر يجينة يگللنة جوري تزوجت
سعاد:فارس شنو هالحجي...خالك مايسوي هيج
فارس ضحك بسخرية:ههههههه تعلميني بي....اعرفة كلش زين الة طلعات تعجبج ههههه
سعاد ضحكت ع كلام ابنها وفهمت انة يقصد العكس:هههههههه يالله منك ....ان شاء الله بعد يومين اروح واخطبها الك
فارس:ليش مو باجر....خير البر عاجله
سعاد:لاباجر مااگدر.... لأن ام بهاء اتصلت علي وباجر رح يجون يخطبون رنيم رسمي
فارس:اهااااا....لعد رنيمو يمتة تجي اذا هي بايتة يم جوري
سعاد:الصبح اتصل عليها تجي..هي ماتدري انهم رح يجون باجر
فارس:اهاااا....يلا انا رايح انام تعبان
سعاد:فويرس باجر مو ماتحضر الخطبة وتطلع منا منا
فارس:هههههه لالا اجي لاتخافين...هاي رنومة اخيتي الوحيدة شلون مااجي لخطبتها
سعاد بأبتسامة:اي عبالي...ووياك اتصل ع بدر وخالد وبلغهم يجون
فارس:ماشي...يلا تصبحين ع خير
سعاد:وانت من اهلة ،
طلع فارس من الصالة وراح لغرفتة عالمود ينام
دخل للغرفة لگة رشا كالعادة گاعدة ع الايباد
فارس:سلام
رشا:وعليكم السلام
گعد فارس ع القنفة واتصل ع بدر وخالد وبلغهم عالمود الخطبة وگلهم يجون
سد الخط منهم وگام بدل ملابسة ولبس بجامة النوم واخذ المخدة واللحاف وطلع من الغرفة وراح لغرفة رنيم وانسدح ع سريرها...(يستغل الفرصة ههههه تعب من القنفة).... وسرح بفكرة ويدعي ربة كون تصير جوري الة
ونام من دون مايحس بنفسة وابــــــد مااهتم لرشا ولاالقالها بال
