صباح جديد.....
في بيت جوري.....
گعدت رنيم الصبح ومالگت جوري يمها ع السرير
التفت لگتها واگفة يم الشباك وسرحانة...تنهدت بحزن وگامت واتجهت ناحيتها
رنيم بهدوء:صباح الخير
جوري بأبتسامة خفيفة:صباح النور
رنيم:شلونج اليوم
جوري بهدوء:شوفة عينج
رنيم رادت تحجي بس دگ نقالها....راحت تشوف منو المتصل ولگتة امها
ردت:الو
سعاد:هلا رنيم
رنيم:هلا ماما
سعاد:رنيم تعاي للبيت هسة
رنيم:ليش هسة...العصر اجي
سعاد:لا ولج...اليوم يجون اهل بهاء يخطبونج رسمي ولازم تكونين موجودة
رنيم بصدمة:هـــا؟!!!!...وليش ماگتولي انو اليوم يجون...انا مامجهزة روحي
سعاد:عادي مصار شي ....وعندج وقت منا للعصر تلحگين
رنيم:ماشي...هسة اجي
سعاد:رح ادز فارس يجي ياخذج
رنيم بسرعة:لالا....ماكو داعي يجي...جوري تجيبني بسيارتها
سعاد:خاف تزعجيها
رنيم:لاماتگول شي
سعاد:خل تجي وياج للخطبة
رنيم التفتت ع جوري:مااظن تقبل تجي
سعاد:ليش ؟؟
رنيم:عدها اشغال ضرورية
سعاد:اها ع راحتها...يلا انتظرج حتة تجهزين نفسج
رنيم:ماشي..باي
سدت الخط ورجعت يم جوري
رنيم:رح ارجع للبيت...تگدرين توصليني؟؟
جوري:ليــش؟؟..ابقي للعصر
رنيم:مااگدر گلبي...بهاء اليوم رح يجيب اهلة ويخطبني رسمي ولازم اكون موجودة
جوري بفرحة:صـــدك...مبروك حبيبتي
رنيم ابتسمت لفرحتها:الله يبارك بيج...مابعد صار شي بعدهم
جوري بضحكة:ههههه وتتوقعين بهاء يفرط بيج...حارب فادي ودنيا وتالي يتركج هههههه
رنيم خجلت:ههههه وجع شنو هاي
جوري:هههههه طيب شنو رح تلبسين؟؟
رنيم:ماادري والله محتارة
جوري نگزت:انا عندي فكرة
رنيم بفرحة:شنو؟؟
جوري بحماس:تبقين يمي..وندورلج من ملابسي عندي كومة... وهنوب انا اسويلج شعرج واحطلج سمبل ميك اب وبعدها اوديج للبيت جاهزة... شنو رأيج؟؟؟
رنيم:اوك تمام...خوش فكرة...رح اتصل ع ماما ابلغها
جوري:يلا يلا بسرعة حتة نبلش شغل
اتصلت رنيم ع امها تگلها ع الفكرة
اما جوري ف حيل تحمست لتجهيز رنيم وفرحانة كلش عالمودها ونست حزنها حالياً
طلعت من الغرفة ترگض حافية وببجامة النوم وشعرها مبعثر بس منطيها منظر طفولي
نزلت من الدرج بحماس وتوجهت للصالة
دخلت ولگت امها گاعدة
جوري:ماما ماما ماما
نجود اخترعت عبالها بيها شي: خير شنو صاير؟؟؟... شبيج؟؟؟
جوري وصلت يمها وهي فحطانة:هه ..مابية شي ...اوووه خل اخذ نفس...
اخذت نفس وبعدها نطت ع امها وباست راسها وخدها وحضنتها حيل
نجود بادلتها الحضن وهي مرتاحة ان تشوف جوري هيج متحمسة تعرف انو محد يگدرلها غير رنيم
ابتعدت جوري عن حضن امها
جوري:اشتاقيتلج...واسفة ع تصرفي وياج بس جنت متضايقة
نجود:حبيبتي انا هم اشتاقيتلج...واهم شي طلعتي من عزلتج انا عاذرتج ياروحي
جوري:اي..المهم امي سمعيني
نجود:عيوني
جوري:تسلم عيونج...رنيم اليوم رح يجون الناس الي خطبوها ويسوون الخطبة رسمي
نجود بفرحة:جـــد...الف مبروك
جوري:المهم ف هي رح تبقة يمي ...ونگعد انا وياها عالمود اجهزها.... والعصر قبل مايجون ارجعها لبيتهم جاهزة
نجود ابتسمت:ع راحتكم سوو الي يعجبكم
جوري:اوك وهم نريد نصايحج الحلوة
نجود:تأمرون كم جوري ورنيم عندي
جوري:ههههه اوك...يلا گايمة ابدل ملابسي ونتريگ وبعدها نبلش
نجود:ماشي...انا مجهزة الريوگ....ع طاولة الطعام تلگونة
جوري گامت وباست خد امها:تسلمين يااحلا ام
نجود:الله يخليج الي ياروحي
اكتفت جوري بأبتسامة ورجعت صعدت لغرفتها
دخلت للغرفة
جوري:ها گلتي لعمة؟؟
رنيم:اي گتلها وگالت ع راحتج اهم شي تجين قبل لايجون
جوري:تمام...اگلج لو داگة ع رشا تجي تتونس ويانة
رنيم:ماادري ...گلت خاف تزعجنا
جوري:لا ليش تزعجنا..بالعكس تتونس بدل گعدتها لوحدها بالبيت
رنيم:ماشي هسة ادگ
اتصلت رنيم ع رشا وفهمتها السالفة وگلتلها تجي عالمود تتونس وياهم
_________________________________
في بيت فارس...
گعد فارس من النوم واستغرب بالبداية من المكان بعدين استوعب انه نام بغرفة رنيم
گام وراح لغرفتة وماشاف رشا ودخل للحمام يسبح
وبعد10 دقايق طلع ولبس جينز وتيشيرت احمر وشوز احمر بأسود ولبس نظارتة واخذ سويجة وبوكة وطلع
قبل مايروح للدوام مر ع الصالة وشاف امة ورشا
فارس:صباح الخير
الكل:صباح النور
فارس بأستغراب:شنو رنيم مااجت
سعاد:لا مارح تجي هسة...جوري گلتلها تبقة وهي تجهزها وتجيبها بعدين
فارس:اهااا...يلا انا رايح للدوام تردون شي؟؟
رشا:فارس تگدر توصلني لبيت جوري؟؟
فارس:شتسوين؟؟
رشا:اروح يم البنات اتونس شوي وياهم
فارس:اوك يلا تجهزي بسرعة....انا بالسيارة انتظرج
رشا طفرت بسرعة:اوك..ثواني
فارس:يلا مع السلامة
طلع من البيت وركب سيارتة الدودج التشارجر الحمرا وشغلها واضل ينتظر رشا
ورا 5 دقايق اجت رشا وصعد...حرك فارس السيارة ووصل رشا لبيت جوري وطول الطريق هدوء بينهم ماحجو ولا كلمة
وصلو يم بيت جوري ونزلت رشا وتوجهت للبيت ودخلت
حرك فارس سيارتة وتوجه لشغلة
دخلت رشا للبيت وشافت نجود بالصالة
