صرخت:فههههههد...سعاااااد...نااااااصر...نجوووووود
الكل اجة ع صريخها
فهد:خير شصاير...شبيج تصرخين...شكو
نور:تعالو شوفو فارس شجاي يسوي
سعاد:شبي...شسوا؟؟
نور:ماخذ بنتي بالغرفة لوحدهم..وحاضنها ولو مادخلت جان الله يعلم شسوا بيها
البنات كلهم شهقو من الصدمة
وبدر وخالد فاتحين عيونهم ع الاخر
وفهد وناصر بدت ع ملامحهم العصبية
ناصر:صدگ الي جاي تحجي
فارس ببرود:لا جذابة
نور:هيييي...تجذبني ياولد امك
فارس:مااجذبج بس الي جاي تحجينة مو صحيح
نور:اسيل...فارس شنو جان يسويلج؟؟
اسيل بحزن مصطنع:انا وفارس نحب بعض...وهو واعدني نتزوج...بس بالاول يتخلص من جوري
فارس فتح عيونة بصدمة:نعم نعم نعم..... عيدي ماسمعت...شنو نحب بعض شنو واعدج...شجاي تخرفين انتي؟؟
اسيل:لاتنكر..اصلاً انت الي گتلي روحي لغرفتي وشوي والحگج
نور:شفتو شفتو...يعني انا مااجذب
فارس:شنو الي يثبت انو كلامج وكلامها صحيح
اسيل:الرسائل الي بيني وبينك
فارس عقد حواجبة:اي رسائل؟؟
اسيل:لاتنكر...انت رسلتلي رسائل مساع
رنيم بعصبية:انتي جذابة..تتبلين ع فارس
اسيل:شوفو الفون وتأكدو
ناصر بحدة:وين فونك
فارس اخذة ومدة اله بثقة
فتح ناصر الفون ودخل ع الرسائل مالگة شي
ناصر:ماكو شي
اسيل:ع الواتساب
فتح الواتس وشاف الرسائل وانصدم ووجهة صار احمر من العصبية
رأسن رفع راسة وضرب فارس كـــف رن صداه بكل الغرفة
ناصر بعصبية:ايا قليل التربية
فارس مصدوم:والله ماراسل اي شي والله جذابة
ناصر:لا تحلف بالله...هاي الرسائل لعد شنو
فهد اخذ الفون وقرا الرسائل وهم انصدم
(اسيل رسلت من فون فارس..روحي لغرفتي وشوي والحگج اشتاقيتلج اريد اكون وياج لوحدنة وهي رادة ..ماشي حبيبي)
تقدم فهد ببرود:هسة ترمي الطلاق ع جوري
جوري شهقت بصدمة وفارس انلجم لسانة ومايگدر ينطق بحرف
ناصر:يلا طلگها...جوري ماتتشرف تاخذ واحد مثلك
فارس بصراخ:مستحيييل....والله لو على موتي
فهد بحدة:تطلگها وغصبن عليك..(بصراخ)..فهــــمت
فارس بعناد:لا مافهمت...وجوري مارح اطلگها لو تنطون
ناصر بعصبية:رح تطلگها وهسسسة...گدام الكل وعقاباً الك ماتتزوج اسيل..
فارس بعصبية:عقابيش...انت شتحجي...شجابني ع اسيل...اصلاً انا مااطيقها
ناصر:لا واضح ماتطيقها...من رسائلك الغرامية
جوري ساكتة وبس دموعها الي تنزل
ناصر:قسماً بالله يافارس...اذا ماطلگتها لأغضب عليك ليوم الدين <<هالعائلة ماعدهم غير الغضب��
فارس:اغضب علي...اما جوري مستحيل اطلگها...لأن انا صادق والي ميصدگني كيفة
جوري واخيراً نطقت:لااا...لا تغضب عليه..(التفتت ع فارس)..فارس طلگني
فارس بصدمة:جووووري؟!!!!...انتي مصدگتهم؟؟!!!!...والله جذب وربي انا احبج انتي
جوري:ادري انه جذب...وانا مصدگتك انت...بس طلگني
فارس شوي ويبجي:جوري لا...والله مااگدر فهميني...اموت والله
نور بأستهزاء:يمتة تخلصون هالمسخرة...طلگها وفكنة ياوسخ
فارس فر عليها وبصراخ:انتي مالج دخل
نور:لا تعال اخذلك كف احسن
فهد:يلا بلا تطوالة وتمثيل...طلگها وفكنة
فارس خنكتة العبرة:جوري
خالد تدخل:بابا...فارس جذاب اوك ...بس لا يطلگ جوري
بدر:اي صدگ...هي مصدگتة وهو يحبها...خليه هو يصلح غلطة وياها
فهد:وانا مستحيل اخلي بنتي بذمة واحد خسيس مثلة
