عند جوري.....
گاعدة بالصالة وتشوف تلفزيون...
دگ فونها...ردت
جوري:الو
مرام:هلاااوو
جوري:هلاوات...هلا وغلا
مرام:هلا بيج
جوري:شخبارج امورج....وينج يالگاطعة اشتاقينالج
مرام:انا تمام...والله انا هم مشتاقتلكم
جوري:اي واضح كلش
مرام:ههههه لا والله مشتاقتلكم...وعليه رح اجي يمج اليوم
جوري بفرحة:والله؟؟....ياهلا وميت مسهلا
مرام:ههههه ضايجة لوحدي بالبيت...وحسامو طلع وي رشا وبقيت لوحدي
جوري:افااا...تبقين لوحدج وانا موجودة...انتي بس تعاي وتنسين ابو الضوجة
مرام:مرت ابوج خاف ماتنزعج؟
جوري:لالا بالعكس حبابة وماعدها اذية...اصلاً هي بحالها وانا بحالي قلَّ مانگعد سوا
مرام:تمام يعني اجيب بجامتي؟؟
جوري:جيبيها وجيبي كنتورج بعد
مرام:هههههه حلو...ربع ساعة وانا يمج
جوري:وانا بالانتظار
مرام:بااي
سدت الخط جوري وصعدت لغرفتها....غيرت البجامة ولبست جينز وردي وقميص اصفر خفيف مرسوم عليه angry bird ولمت شعرها كعكة عشوائية وربطتها بفيونكا وحطت كحل وروج وردي ولبست حفاية بيضا ونزلت
راحت للمطبخ...دخلت لگت هبة واگفة تسوي كوفي...ماهتمت وراحت ناحية الثلاجة فتحتها وضلت مصفنة
هبة:طالعة؟
جوري:لا بس رح تجي صديقتي تبات يمي...ف جاي اشوف شكو بالثلاجة من حبشكلات وكذا
هبة:اهااا...تحبين اساعدج؟
جوري:تگدرين؟
هبة:اي عادي ماعندي شي
جوري بفرحة:ياريت والله تريحيني
هبة:هههه اوك انتي روحي شيكي ع غرفة الضيوف وبخريها وانا اجهز كلشي
جوري:اووك....مشكووورة
هبة ابتسمت:بالخدمة
طلعت جوري من المطبخ وراحن للصالة...ضافت الها بعض الترتيبات لانها مابيها شي
شوي ورن الجرس...
فتحت الباب ودخلت مرام
مرام بأبتسامة:هلوووو
جوري ردتلها الابتسامة:هلو عيني
مرام:شخبارج
جوري:تماام...دخلي حياج
دخلت مرام للصالة وگعدت:اشو هدوء
جوري:اي هههه هسة نشعل الجو احنة
مرام:ع گولتج
دخلت هبة بأبتسامة:مرحبا
مرام وگفت:اهلاً
هبة:انا هبة
مرام:هلا بيج...انا مرام
هبة:نورتي
گعدو البنات
هبة رادت تطلع
جوري:هبة
هبة:نعم
جوري:ليش ماتگعدين ويانة بدل ماگاعدة لوحدج
هبة:لا حبيبتي اخاف ازعجكم
مرام:لا شسالفة تزعجينة...گعدي گعدي
هبة:ماشي
مرام:شفتي الخيانة
جوري بأستغراب:ياخيانة؟؟
مرام:رنيمو ورشيوا طالعات وي كبلاتهم وانا وياج مگابلين بعض
جوري:يييي....الخاينات طالعات يتونسن ولا گالو
هبة:منو رشا ورنيم؟
جوري:رنيم بنت عمتي ورشا صديقتنة
هبة:اهاا
مرام:اگلج صدگ شخبار فادي؟
جوري:والهي مادري بعد عنة...ملتهي بالشركة
مرام:ماضل يتعرف ع بنات بعد؟
جوري:لا ع حد علمي يگول انه تاب وانتي اخر وحدة جنتي
مرام:اهااا...وزينة شلونها
جوري:ذكرتيني بزوينة صارلي زمان عنها من يوم الخطوبة
مرام بحماس:شنو رأيج تخابريها تجي هنا
جوري:اي والله...وين فوني خل اخابرها
گامت واخذتة من ع الميز ورجعت گعدت...اتصلت ع زينة
ردت:الو
جوري:هلووو
زينة:هلوات يابة هلوات
جوري:شخبارج يالعوبة
زينة:الحمدلله تمام
جوري:وين انتي؟
زينة بطفش:بالشركة
جوري:اووو...عفيه هالشركة...زين اگلج
زينة:گولي
جوري:مرام اليوم يمي...شنو رأيج تجين ونتونس سوا
زينة لوت حلگها:ياريت والله بس علي شغل كومة
جوري:مهند يمج؟؟
زينة بأستغراب:اي..ليش
جوري بخبث:تحايلي عليه وخلي ياخذ الشغل عنج اليوم
زينة تحمست:اووك...بس شلون اتحايل
جوري:تدلعي يمة وسوي روحج ضايجة وتردين تجين يمنة بس الشغل مايخليج وهالله هالله بالدلع...ذوبيه خلي مثل السكران
زينة:ههههه مااااشي...شوي واردلج خبر
جوري:بالانتظار...(بأستفزاز)..زوينة اذا ماگدرتي تطيحين من عيني
زينة تنرفزت:انجبي لج نص ساعة وانا يمج
جوري:ههههههه هذا الحجي الحلو...يلا ولي گلي لمهند
زينة: ههههه ماشي..باي
