_________________________
نروح عند جوري....
گعدت الصبح ومتمللة...وحبت تطلع تغير جو..ف اتصلت ع رنيم وعزمتها هي ورشا ع المطعم..يتريگون ومنها يمرون ع السوگ...دخلت للحمام غسلت وطلعت لبست بنطرون جينز اسود وبدي ازرق عليه خرابيش مو مفهومة
ولبست شوز سبورت اصفر ولمت شعرها ذيل ولبست سوار ازرق واصفر...وحطت كحل وغلوس ...اخذت سويجها وجنطتها ونقالها ونزلت
دخلت للصالة شافت امها
جوري:صباح الخير
نجود:صباح النور..شو مبدلة
جوري:اي متمللة وحبيت اطلع..عزمت رنيم وشا ورح نطلع نتريگ بمطعم ونمر ع السوگ...تجين ويانة؟؟
نجود:لاحبيبتي..تونسي وي البنات...واي شي تردينة اشتريه ولاتترددين...(وبمزح)..وشگد مابيج خسري ابوج بحجة الخطوبة
جوري:هههههه اوك..يلا باي
نجود:بيباي
باست جوري راس نجود وخدها وطلعت
ركبت السيارة وشغلتها واتصلت ع رنيم عالمود تتجهز وحركت وتوجهت لبيت رنيم
*****************************
عند البنات.....
من بعد ماخابرتهن جوري تجهزو وگعدو ينتظرونها
رنيم لبست جينز ازرق وبدي احمر وعليه رسمة هلو كيتي وشوز ناعم ناصي ولمت شعرها ذيل ولبست ساعة سير اسود وحطت كحل وقلوس احمر
اما رشا ف لبست جينز اسود وبدي بيج ناعم وفوقة جاكيت خفيف اسود و شوز كعب بيج ورفعت شعرها كذلك ذيل ولبست ساعة وسوار بيج وحطت كحل وقلوس وردي
رنيم:فارس وينة؟؟
رشا:بالغرفة...
رنيم:شيسوي؟
رشا:ماكو...كلة مصفن وسارح بعالم ثاني
رنيم تنهدت بحزن:الله يعينة
دگت جوري ع رنيم وگلتلهم ينزلون
نزلن البنات وركبن بسيارة جوري اللكزس السودا
رنيم:سلامووو
رشا:صباحووو
جوري:هلا ومرحبا..صباحوو
رنيم:وين نروح هسة؟؟
جوري:هسة نروح نتريگ بالمطعم وهنوب نمر ع السوگ نشتري الضروريات وبعدها نتغدا بمطعم ونرجع نفرفر بالسوك
رشا:وييييه...يعني احنا والليل
جوري:اي ضروري نخلص اليوم...باجر الحفلة..(بأبتسامة غبية)..وانا كلشي مامشترية
رنيم بصدمة:عود صدگ تحجين.؟؟؟
جوري ببرود:اي
رنيم:بالله مالگينة فستان حلو
جوري بنفس البرود:نلگه...نلگه...يامكثر المحلات
وصلو للمطعم
جوري:يلا نزلو
نزلن البنات ودخلن للمطعم وگعدن ع وحدة من الطاولات
رنيم:يلا بسرعة اكلو حتة لانتأخر ...ورانا فرفرة لليل
رشا:يلا
جوري انتبهت لشخص گاعد ع طاولة
جوري:رنيم..موجنة ذاك مهند؟؟
رنيم التفتت:اي مهند...بس منو الي وياه
جوري ركزت نظرها ع البنية ورنيم نفس الشي
وثنينهن بنفس الوقت:زيــــــنة
وحدة باوعت للثانية
جوري بأستغراب:تعرفيها؟؟
رنيم:اي...وانتي من وين تعرفيها ؟؟؟
جوري:صديقتي من الابتدائية بس بالاعدادية انتقلت
رنيم:ياااا....انا تعرفت عليها بالصدفة بالسوبر ماركت
جوري:اهاااا
رشا:شنو السالفة...اشو انا مثل الاطرش بالزفة
رنيم:هههههه....امشو خل نشوفهم...ونشوف مهينو منين يعرفها؟؟
جوري:يلا
