اتصلت رشا ع المطعم وگلتلهم الطلب...گامن البنات غسلو ولبسو بجايم البيت وگعدو ينتظرون الطلب
بعد ربع ساعة وصل الطلب
جوري:خل نبقة بالغرفة احسن
البنات:اوك
حطو العشا وكل وحدة اخذت طلبها وگعدو ياكلون والصمت سيد الموقف
قطع عليهم هدوءهم رنين نقال
زينة:نقال منو يدگ
جوري:مونقالي
رشا:ولا انا
زينة:يانقالي يانقال رنيم..لأن نفس النغمة
رنيم وهي تاكل:روحي شوفي
گامت زينة تشوف النقال وطلع نقال رنيم
زينة:رنيم نقالج
رنيم:منو
زينة:رقم غريب...انگطع الاتصال
رنيم:اذا رجع دگ اشوف
زينة مدتلها النقال ورجعت تاكل
رنيم گامت:الحمدلله
دخلت للحمام تغسل وبدخلتها رجع نقالها يدگ
جوري:رنيمو لحگي نقالج دگ
اجت رنيم تركض..اخذت النقال وتربعت بالارض يم البنات
جوري:فتحي سبيكر
ردت وفتحت سبيكر:الو
صوت رجال:سلام عليكم
رنيم بأستغراب:وعليكم السلام...نعم اخوي
الرجال:هذا مورقم رنيم ؟؟
رنيم رفعت راسها للبنات وبأستغراب:اي نعم...منو حضرتك
الرجال:انا بهاء
رنيم انصدمت وانلجم لسانها وجوري ورشا فتحو عيونهم بصدمة
بهاء بأستغراب:وياي؟؟
رنيم بأرتباك:هـا.!!..اي وياك
بهاء:شلونج؟
رنيم مرتبكة كلش:زينة
بهاء عرف انها مستحية:امممم رنيم...عندي سؤال؟؟
رنيم:شنو؟
بهاء:انتي ماتتذكريني؟؟
رنيم مستغربة:اتذكرك؟!!
بهاء:ماتتذكرين من جان عمرج17 سنة
رنيم:لا
بهاء:انا رح انطيج تلميح واذا تذكرتي انطيني خبر
رنيم:گول
بهاء:بهاء محمد ال.....،،،التقيتي بيه عند مدّرسة..(استاذة).. الرياضيات
رنيم انصدمت ع الاااااخر وفتحت عيوونها ورجعلها شريط ذكرياتها قبل 5 سنوات
بهاء شافها سكتت ف عرف انها جاي تتذكر:يلا باي...اشوفج ع خير
رنيم بهمس:باي
سدت الخط وهي مصدومة ومامصدگة انه نفسة بهاء!!!...بهاء رجع!!...بقة ع وعدة.!!!....بس شلون رجع؟؟؟
جوري نفس صدمتها لأن تعرف سالفتها
جوري:لاتگولين نفسة بهاء
رنيم هزت راسها وبصدمة:نفسة...ولج هو هو ....بس..بس شلون رجع...مو ع اساس تزوج؟؟
جوري:مادري...بس مستحيل يطلع متزوج مدام خطبج
رشا:شنو السالفة...كلشي مافاهمين
رنيم:ولج هذا بهاء اعرفة من زمان...وجان يحبني ويريد يتقدملي بس انا رفضت
زينة:ليش؟
رنيم:جنت صغيرة بوقتها مو مال زواج
رشا:وشلون عرفتيه
رنيم:التقيتة بالصدفة عند مدّرسة الرياضيات الي رحتلها تدرسني
رشا وزينة اعتدلن بجلستهن وصارن مقابيل رنيم
رشا بحماس:احجي بالتفصيل من طق طق لسلام عليكم
رنيم:شوفي يامحفوظة السلامة....من جان عمري 17 سنة ...جنت فاشلة دراسياً وخاصة الرياضيات...ماادرس ابد...المهم ف قبل الامتحانات ...اهلي ودوني لمدّرسة حتة تدرسني..ومن رحت جنت البنية الوحيدة عدها والباقي كلها شباب...من ضمنهم بهاء...طبعاً جبير هو بس متأخر بالدراسة وهم جاي يدرس ...(ضحكت)..طبعاً اول ماشفتة تخرفنت عليه لأن احلا شاب جان من بين المجموعة الي موجودة
رشا:ههههه من صغرج ماتگعدين راحة
رنيم:هههههه
زينة بحماس:يااختي تركي الضحك هسة وكملي...تحمست
رنيم:اي...المهم بالبداية ماكو شي بيناتنا بس هو جان يباوع وعيونة كلة علي...هنوب شوي شوي ضل يتقرب يعني يسولف ويحجي وانوب تطورت علاقتنة وضلينة نسولف ونضحك وطبعاً انا متونسة عليه ههههههه...لحد اخر يومين ...المّدرسة خلصت شرح المادة وسوت النة امتحان تختبرنة...هنا يبلش الاكشن
جوري:ههههههه بوقتها جنت اشك انج صغيرة
رنيم:ههههههه مراهقة كلشي توقعي
رشا:اذا مراهقتكم هيج...الله يستر لعد
رنيم:ترا بعدة مابلش الاكشن هههههه
زينة:هسة هي غير تكمل...بس تتمضحك..كملي السالفة والتالي ضحكي ع راحتج
رنيم:هههههههههه...گتلج لحد اخر يومين...باليوم الي جان عدنة امتحان..........................
