فارس فك ايديها...وحاوطها من خصرها بأيد ..وقربها منة اكثر... والايد الثانية بعدها ع خدها
جوري حست الدم انفجر بوجههة من الخجل
فارس بهدوء وبهمس:رفعي راسج
جوري مارفعت راسها
فارس:حبيبي
جوري بهمس:همم
فارس:باوعيلي
جوري بصوت يالله ينسمع:ف..فاارس..ااا.. لازم ..انزل ...ت..تأخرتت عل...عليهم
فارس:لا ما تأخرتي... خلج شوي
جوري بخجل الدنيا:زين فكني
فارس ما رد عليها.... وحط ايدة ع ذقنها .. ورفع راسها بهدوء
تلاقت عيونهم وي بعض ...كل واحد سرح بعيون الثاني... تاركين المجال للنظرات تعبر عن حبهم وعشقهم
فارس نزل نظرة ع شفايفها وميل راسة وباســـها ع ثغرهـــا بهـــدووء
جوري ارتخى جسمهاا كلة من القبلة وراحت بعالم ثاني
قطع عليهم اللحظات رنين النقال
جوري بعدت عن فارس.... وحييييل مستحية ووجههة احمر
فارس ما تركها بقة محاوط خصرها
جوري بخجل:فارس اتركني... ورد ع النقال
فارس بصوت ذايب:خل يولي النقال
جوري تريد تفك نفسها منة بأي طريقة:رد يمكن مكالمة ضرورية
فارس فكها وطلع النقال
جوري ما صدكت ع الله انو فكها... رادت تشرد بسرعة ...بــــس ويـــــــن...مو علة فارس
رأسن لزمها من ايدها وماخلاها تتحرك
رد ع النقال بنرفزة:الوو
رشا:فارس انت وينك؟؟
فارس:ليش شتردين مني؟؟
جوري عرفت انو رشا المتصلة وحست بغيرة
حاولت تفك ايدها من فارس عالمود تروح... بس فارس حس بيها وضغط ع ايدها اكثر
فارس:رشا خلصيني شتردين
رشا:جاي اسألك عن جوري... اشو طلعت تخابر صديقتها ومارجعت
فارس يحاول يلزم اعصابة:وانا شدراني بجوري ...اكيد بعدها جاي تخابر... يعني انتي ماتعرفين سوالف البنات
رشا:يعني ماشفتها بالسطح لو بأي مكان؟؟
فارس:انا مو بالسطح
رشا:لعد وين؟؟... خالد يگول انو رحت للسطح
فارس بگلبة:الله يلعنــــك يــا خـــويلد...( رد ع رشا):..صعدت ردت ادخن ولكيت الباكيت مخلص ....ورحت اشتري... (بأستهزاء)..اسئلة ثانية انسة رشا؟
رشا:زين يمتة تجي؟؟
فارس بجد عصب اصلاً من يمتة هي تسأل عنة:اووووووه ...شبيج انتي اليوم بس تتسئلين... بكيفي يمتة مااريد ارجع ارجع
سد الخط بوجههة
جوري عرفت انو عصب وخرب مودة
لأن هو اصلاً يضوج منها حتة وان كانت مامسوية شي ...مجرد تفكير انها زوجتة تزعجة ف مابالك تتسئل
جوري بهدوء:هدي لا تتضايق
فا بنرفزة:وربي مو طايقها... اكرههة اكرههة ...ليش محد يفهمني
جوري تحاول تمتص غضبة:عوفك منها لا تخليها تخرب مزاجك... ما تستاهل السالفة
فارس زفر بضيق
جوري حبت تطلعة من ضيقتة ف گالت:اممم... اگول... ما ودك تعرف شنو بالسلسلة؟؟
فارس باوعلها وشاف ابتسامتها الي يعتبرها بلسم الة...بس يشوفها ينسة كلشي
فارس بابتسامة تذوب:شنو بيها
جوري نزعتها وحطتها بأيدة:انت شوف
اخذها فارس وفتحها... شاف صورتـــة داخل السلسلة
باوعلها بنظرات كلها حب وعشق:ويلوموني بحبج
جوري ابتسمت:سبق وان كتلك ...ما يمحي حبك من كلبي الا الموت
فارس بسرعة:اسم الله عليج... كم مرة گايلج لا تگولين هيج
جوري اكتفت بابتسامة
فارس سحبها من ايدها ورجع حضنها بقوة وگانة يريد يدخلها بضلوعة... يريد يحس بحنانها الي فقدة من 3 سنين
بعد 5 دقايق وهمة علة وضعهم... حاضنين بعض بدون كلام ...بس يردون يحسون بحنان بعض ...كلمن محتاج حظن الثاني
دگ نقال جوري... بعدت عن حضن فارس وردت
جوري:ها
رنيم بصوت ناصي حتة محد يسمعها:وجعا... تراج مصختيها يلا ...صارلج نص ساعة.... رشيوا كلساع تسأل عنج
جوري:اوك اوك جاية
رنيم:بسرعة
