گام فارس وراح للغرفة ينام
جوري:واحنه؟؟
رشا:انا بالنسبه الي جوعانة...خل نروح للمطبخ نسويلنه شي ناكلة ونحطلنه فلم ونسهر
رنيم:اوك يلا
راحو البنات للمطبخ وگعدو يبحوشون ويعفسون وتالي حطو فلم وگعدو يتفرجون وياكلون
___________________]_____________________
يوم ثاني الصبح....
عند مرام...
گعدت من النوم غسلت وجهه واخذت فونها وطلعت من الغرفه وراحت غرفة الاكل...دخلت لگت حسام گاعد
مرام:صباح الخير
حسام بأبتسامة:صباح النور...اليوم گاعده من وكت شعندج؟
مرام سحبت الكرسي وگعدت:مو اليوم بيها طلعة
حسام ضحك:هههههه يلا تريگي وگومي بدلي حتة نطلع
مرام بتذكير:ترا انت گلت لليل ف لا تطلعلي شغل منا منا
حسام:لالا ماعندي شي اليوم...فضيت نفسي كلش عالمودج
مرتم ابتسمت:تمام
كملو اكلهم وگامو يبدلون
مرام لبست جينز اسود وقميص كابوي سمائي وشوز ابيض ولمت شعرها ذيل حصان ولبست سوار وساعة وگلادة ناعمة واخذت نظاراتها وفونها وطلعت
حسام لبس جينز ازرق غامق وتيشيرت اصفر وشوز اسود وساعة سودا فخمة واخذ نظارته وفونة وبوكة وسويجة وطلع
ركبو السيارة وتوجهو للمجمع....
