فرحان باع الورد كاعد #يشم عطرج
سبحان رب العرش راسم رسم رمشج
شاعر وعفت السمر بيضة وكمر جنج
شاعر لسانة انعكد محتار #شيوصفج
فدوة لجمالج رحت والخجل لايكلج
خليني يمج ولو شال #بستر لفج
خليني يمج حرز وافكس #عيون تحسدج
خليني يمج مشط يسبح وسط شعرج
خليني يمج كحل خيعونة #اليكحلج
خليني يمج لبس #هنيالي لو المسج
الحمرة غارت صدك سألت شني بشفتج
متأكد انة العطر هوة #اليحط عطرج
الشمس فزعت ركض شافت ضوة بضحكج
وطيور حطت حدر ضنهة الشجر متنج
يامدري شنهي اوصفج جنة وعلي #جنج
.
.
.
.
.
بعد مرور اسبوع من الاحداث...
الشلة درت بعلاقة مهند وزينة طبعاً بفضل فادي الي شهر بيهم ع الجرايد
خلال هذا الاسبوع حسام تقدم لرشا وخطبها من ابو فارس بصفته ولي امرها
وفارس خبل بيه وحسام يغار موووت وفارس ع العناد يحجي عن رشا گبالة...طبعاً كلة جذب بس هو يريد يحرگ گلبة النذالة تمشي بدمة...المهم بعد هذا كلة اتفقو ع كلشي وگالو لناصر وسعاد ان حسام صديق فارس وكل ظنه ان رشا اخت فارس لذلك تقدملها...طبعاً لفقو القصة حته لا يشكون الاهل ان حسام على معرفة وعلاقة برشا
حسام راد الخطبة خلال اسبوع بحجة ظروف وكذا لذلك تقررت الخطبة تتم نهاية الاسبوع الثاني الاربعاء...
البنات جانت عدهم فترة 6 ايام ع الحفلة فأستغلوها بالتمام وجهزو كلشـــي ماخلو شي ينقص
حسام دور حجز لقاعة وطبعاً بصعوبة لگا ودفع المبلغ دبل حتة تجهز القاعة بغضون اسبوع
:
:
:
:
:
مشت الايام بسرعة واجة الثلاثاء...قبل الحفلة بيوم
البنات اتفقو يجتمعون كلهم ببيت جوري...حتة ع راحتهم محد يزعجهم...الثلاثاء من الصبح لليل بس يعتنن بنفسهم حتة يطيحون تعب الايام الي فرو بيها بالاسواق والمولات
گاعدات بالغرفة
جوري وزينة ومرام حاطات اقنعة ع وجههم ومخلين خيار ع عيونهم وگاعدين
رنيم ورشا جاي يدهنون ايديهم بلوشن...خلصو من كلشي
رشا:بنات بس نخلص هسة ننام حتة الصبح مانگعد مطفين
زينة:انا اگول خلي نجهز اغراضنا من هسة احسن
جوري:اي صحيح لأن احنه والظهر يلا نگعد وننثول مانگدر نجهز كلشي
رنيم:انا خلصت كلشي...رح اگوم اجهز ملابسي
رشا:گايمة وياج
مرام:باجر بيش الساعة نروح للصالون؟
زينة:ع الساعة ب3 لازم نكون يمها
مرام:مو جنة من وكت؟...الحفلة ب8 تبلش
زينة:لا مو بعد وكت...احنة خمس بنات وكل وحدة يرادلها وقت وبالذات رشا هم يالله...واذا رحنة متأخرين مارح نشوف دربنا
جوري گامت:صحيح...كلشي ع وكت احسن.(فتحت باب الحمام)..حغسل وجهي
دخلت جوري للحمام وغسلت واخذت شاور ولبست بجامة النوم وطلعت وتالي دخلت وراها زينة وانوب مرام...
كل وحدة حضرت ملابسها والاكسسوارات وكل شي يحتاجوه للحفلة وانوب نامو
:
:
:
:
:
يوم ثاني...ساعة ب1 الظهر
البنات گعدو متأخر وع ماتريگو وصحصحو...جهزو اغراضهم ...وفساتينهم ياخذوهم للصالون لأن مباشرةً من الصالون للقاعة
الشباب اتفقو يتغدون سوا ببيت حسام...تالي يرحون للحلاق يعدلون وكذا
ع الساعة ب7:30 كلها جهزت الشباب والبنات
توجهو للقاعة
البنات جانو لابسات هيج ����
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
