راحت جوري ودخلت هبة لغرفة الضيوف
گعدت جوري ع الكنبة وحطت رجل ع رجل:گعدي
گعدت هبة
جوري:يلا شنو الموضوع الي ترديني بيه؟
هبة بهدوء:يمتة ترجعين؟
جوري رفعت حاجب:وين؟
هبة:للبيت بعد وين
جوري:ومنو گلج انا رح ارجع
هبة بحزن:جوري لا تحسبين انو انا متونسة لموت اهلج...لا يشهد الله علي اني حزينة بگد ماانتي حزينة...انا من دخلت لبيتكم ماجنت ناوية شر بس انا جنت احب ابوج...وبس اريد قربة واعيش وياه
جوري بحدة:ومافكرتي بأمي...مافكرتي بشنو يصير بيها من تبوگين زوجها وتغيرينه عليها
هبة:فكرت...فكرت لمن مليت...بس بالنهاية گلبي غلب عقلي...ماگدرت ع بعد فهد..ماگدرت
جوري ببرود:والمطلوب هسة مني؟؟
هبة بتوسل:اريدج ترجعين وياي...انا طول عمري وحيدة...ولمن لگيت العائلة...مافرحت بيها بسرعة راحت...ف ماريد ابقة وحيدة...الله يخليج تعالي وياي...البيت جبير واخاف بيه لوحدي
جوري حن گلبها:طيب رح ارجع...بس مو هسة
هبة بسرعة:يمتة لعد؟؟
جوري:بعد شهر...بعد خطوبة رنيم
هبة بهدوء:امج وابوج ماصارلهم فترة من توفو وتردون تسوون خطوبة وحفلة
جوري بأسلوب فظ:اظن مالج علاقة بهذا الشي...احنا بكيفنة نقرر ومايهمني رايج...مرة ابوي مو معناها صرتي من العائلة...انا صعب اثق بالشخص واعتبرة مقرب...ف لا تتدخلين بأمورنا العائلية
هبة:يعني انا مو من ضمن عائلتج
جوري بصراحة:لا مو من ضمنهم...يرادلج وقت يلا تصيرين...انا ماعرفج عدل حتة اعتبرج منهم
هبة:ماشي...خلي الايام تعرفج بية وان شاء الله اكون من عائلتج
جوري بلا اهتمام:نشوف
هبة:يلا انا رايحة
جوري:الله وياج
طلعت هبة من البيت وراحت جوري للصالة
رنيم:شرادت منج؟
جوري:تريدني ارجع للبيت
فارس بسرعة:وشگتيلها؟؟
جوري بهدوء:رح ارجع بس مو هسة...بعد شهر
رنيم:شمعنة؟
جوري:من تخلص خطوبتج
رنيم:ومنو گال انا خطوبتي بعد شهر
جوري:احنا أجلناها عالمود ماما وبابا...المفروض تكون هذا الاسبوع...بس الله ماكتب...ف لهذا خليها بعد شهر...حتة ترتبين امورج عدل
رنيم:بس انا ماريد
جوري:رنومة ترا ازعل عليج والله
رنيم:لالا...هذاهو بعد شهر بعد شهر
جوري ابتسمت:طيب حتة من باجر نبدي نجهز...حتة ع راحتنة
رنيم:اوك
سعاد:اگول جوري
جوري بأبتسامة:هلا
سعاد:خطيبج ماتصل عليج..لو سئلج عن احوالج؟
جوري اختفت بسمتها وبهدوء:لا
سعاد بأستغراب:ليش؟
جوري:احسن لا يتصل...مرتاحة منة
سعاد:حبيبتي مايصير هيج تحجين عنة
جوري بنرفزة:اصلاً انا ماطايقتة...تزوجتة غصب
فارس يسمع الحجي ومحروگ گلبة
سئلها بهدوء:هو منو؟؟
