التفتت عليه وانصدمت بوجودة
تقرب ناحيتها...رأسن رمت نفسها بحضنة..الوحيد الي محتاجتة بهاي اللحظة
بندم:شبيج ياروح اخوج
مرام تشاهق:حساااام...لاتتركني...الله يخليك...بس انت الي بقيتلي..لا تتركني
حسام حس نفسة حقير لانة جان هاملها
زاد من حضنها:حبيبتي اهدي...مارح اتركج..والله مارح اتركج..اسف...عذريني لأن اهملتج
مرام:لا تروح وتخليني مرا ثانية..انا محتاجتلك
حسام:صدگيني مارح اتركج بعد....حبيبتي شنو صارلج...منو سوا بيج هيج؟؟
مرام متعودة ماتضم شي عن اخوها ف گلتلة ع كلشي
حسام انصدم وحقد ع فادي كلش وحلف الا يأدبة
حسام:اهدي حبيبي...وفادي انا اوريه شغلة عدل
مرام بسرعة:لاتأذيه
حسام:لا ماأذيه لاتخافين...بس رح يجيج يتوسل ترجعيلة
مرام:الله يخليك الي
حسام يمسح ع شعر مرام بهدوء لحد مانامت بحظنة وبگلبة يتوعد لفادي ومارح يعديها ع خير
______________________
عد فارس....
جان منسدح ع السرير وسرحان ولحد الان مامصدگ ان جوري انخطبت لغيرة!!...راحت لغيرة؟!!!!
عدل جلستة وگعد وحط ايديه ع ركبة... وطلع باكيت الجكاير وسحب وحدة وحطها بحلگة ويدخن
سحب نفس قوي ونفث الدخان وانتشر گدام وجهه...صار يتذكر لمن جانو مخطوبين وعلنو الخطوبة
تذكر ردة فعل خالتة وشلون يبين عليها الحقد والغيرة
نرجع بالذاكرة لورا......
سوو اجتماع للعائلة والكل حضر
اهل فارس واخوانة وزوجاتهم واهل جوري وكذلك ام اسيل اخت فهد وسعاد
ناصر:احم..سمعوني...انا اليوم جمعتكم حتة اگلكم شغلة
نور(ام اسيل):وشنو هي الشغلة؟؟
ناصر:فارس وجوري انخطبـــــو
نور انصدمت:شلووووون...وليش ماگتولي
فهد:لعد احنة شنو جاي نگول
نور:اي ليش ماانطيتوني خبر من البداية
سعاد:ماردنا نحجي ونحط امال بدون الموافقة
نور بحقد:وان شاء الله وافقت؟
سعاد ابتسمت:اي وافقت
نور من ورا گلبها:ايــه عالخيــــر
ناصر:المهم...ان شاء الله ع نهاية الاسبوع نسويلهم حفلة لخطوبتهم
نور:ع شنو حفلة ماكو داعي
رنيم نطت:لا شنو ماكو داعي...نريد نفرح بيهم
نور بهمس:اي فرحي....شرايدة بعد
دخل فارس بهاي اللحظة للصالة:سلام
الكل:وعليكم السلام
اسيل بدلع:فارس شلونك
فارس من دون نفس عارف حركاتها:زين
توجه لناحية جوري وگعد يمها ولزم ايدها
نور فتحت عيونها ع الاخر:خير خير...عيني عينك گاعد يمها ولازم ايدها
فارس بأستغراب:شكو بيها....مامسوي شي غلط انا
اسيل بغيرة:گلنة انخطبتو ...بس بعدكم ماعقدتو حتة تاخذ راحتك
فارس ابتسم ابتسامة جانبية:ومنو گلج ماعقدنة...احنا عقدنا وخلصنة وصارت حلالي...خبرج عتيگ
نور:بعـــــد!!....اذا انتو منتهين من كلشي
فهد:هسة انتي ع شنو حارگة اعصابج....دريتي وهذا هو
فارس طنش الكل والتفت لجوري وهمس بذانها:اشتاقيتلج
جوري خجلت وماردت
اسيل بغيرة:رجاءاً خل مغازلتك لبعدين...من تكونون لوحدكم
فارس بأستهزاء:حااااضر
وگف ووگف جوري وياه والتفتت للكل:احنا طالعين شوي ونرجع
سعاد:وين رايحين؟
فارس:رايحين نتمشى شوي ع الكورنيش
فهد:لاتتأخرون
فارس:ماشي
اخذ جوري وطلعو من البيت
ركبو السيارة...شغل فارس السيارة وقبل لا يحرك
فارس بهدوء:حبيبي
جوري التفتت وماحست غير بوسة سريعة ع شفايفها
فارس ابتسم:مساع ماسلمت عليج عدل
جوري خجلانة وماردت بولا كلمة مامتعودة ع فارس هيج يسوي
فارس ابتسم لخجلها..لزم ايدها والتفتت وحرك السيارة وتوجهو للكورنيش
