سدت جوري الخط
جوري:يلا رح انزل تأخرت
فارس:ماشبعت منج... ابقي بعد
جوري:والله ماأكدر ورشا ضلت تسأل عني خاف تشك
فارس:استغفر الله بكلشي حاشرة نفسها
جوري:يلا حبيبي اهم شي شفتك... ان شاء الله اذا صارت فرصة... اشوفك مرة ثانية
فارس:ان شاء الله
جوري يلا باي
فارس:باي
راحت جوري وقبل لا تنزل صاحلها فارس
اجالها... وباسها بسرعة ع خدها.... وهمسلها بصوت هاااادئ:I LOVE YOU MY ANGLLE
ابتسمت جوري... ونزلت طيران ع البيت ...وهي طايرة من الفرح
وفارس ضل واكف يتابعها لحد ما اختفت من نضرة
اما جوري دخلت عليهم للغرفة وهي سرحانة... وتغني بكل حب وبصوت جذاب ورومانسي
((عشگي انا عشقگ الشيوخ مافيه معنى للرضوخ ماعاش حب بلا شموخ هذا هو الحب الصحيح
لالا لاتفكر او تگول ماني على وصلك ميول مادام عندك الف گول خلك مكانك واستريح))
رانيا تصفگ:عاشوووو
رنيم تصفر:الله حيووووو
بتول:الله حيهم حي هالزول...<<گلبت سعودية ههههه
جوري انطتهم بوسة بالهوا:فوووديتكم والله ..تدرون انو انا اعشقكم
رشا:هههههه شبيج طربانة وعشقانة
جوري تذكرت لمن رشا اتصلت ع فارس ...حست بغيرة بس مابينت
جوري بأسلوب حااالم:اااااه ارروح وطي ع الرومانسية
بتول تهمس للرانيا ورنيم:ولكم هاي رح تفضح نفسها روحو صحوها
رنيم راحت جابت كاس ماي باااارد و ذبته ع جوري
جوري شهقت من بروده الماي
جوري:ياحقيييييرة ليييش هيييج
رنيم:هههههه تستاهلين
رانيا:ههههههه شكد شريرة
جوري تركض وراها تريد تضربها وتصرخ:يا ثووووولة... تعرفيني انا بسرعة اتمرض... والجو بارد ياغبييية
رنيم:ههههههههه احسن... حتة تصحين من احلامج الوردية
جوري لزمت المخدة وشمرتها عليها ....وطاحت رنيم ع السرير ....واجت جوري ونطت فوگها... وشبعتها ضرب
ورنيم تحاول تفك نفسها ما تكدر من كد ماتضحك... وخاصة شكل جوري الي صاير يضحك وهي مبللة
ضلت تضرب بيها لحد ما تعبت وكامت. عنها
البنات يضحكون عليهم
رشا تحرك حواجبها بخبث:عندي الكم شي كلش حلو
رنيم وجوري بنفس الوقت:شنو
رشا:هههههه تعالو شوفو
فتحت النقال وورتهم
جوري ورنيم شهقو.... مصورتهم وهمة يتعاركون
رشا:هههههههه جنكم اطفال ما جنها كل وحدها شكبرها
جوري ورنيم كل وحدة باوعت للثانية...وبعدين وجهو نظرهم لرشا
رشا فهمت مخططهم ....رادت تشرد... لكـــــن وييـــــــــن... هيهـــــات...مو ع العصابة
نطن عليها... ورنيم گعدت فوگها... وجوري اخذت النقال بسرعة ومسحت الفيديو
رشا:يمة رنيموووو.... گومي عني شثگلج
جوري:ههههه بعد انا ما اخذت مرادي... رنيم ابقي لازمتها هسة اجي
طلعت بسرعة من الغرفة وتوجهت للمطبخ تدور بالكاونترات
دخل فارس للبيت بهاي اللحظة... وسمع صوت بالمطبخ.... وتوجه... وشاف جوري كاعدة بالارض ...وتدور ع شي
فارس اتسند ع باب المطبخ وتكتف وبهدوء:حبي شنو جاي تسوي؟؟
جوري اخترعت وشهقت:هييييي.... فارس انت اليوم ناوي توگف گلبي
فارس:فديت كلبج انا
جوري ماردت ورجعت تدور
فارس عقد حواجبة:شنو تدورين
جوري بدون ما ترفع راسها:اريد حبل
فارس باستغراب:حبل!!... شتسوين بي؟؟
جوري رفعت راسها وتحجي بحماس:انا ورنيم متحلفين برشا ونريد نربطها عالمود نستفرد بيها
فارس:ههههه ليش شسوت
جوري:صورتنا انا ورنيم واحنا جاي نتعارك واشكالنا تضحك
فارس:ههههه... تعاي انا انطيج حبل
جوري:عندك؟؟
فارس:اي تعالي وياي
راحت جوري وراه
دخل لغرفتة
جوري اول مره تشوف غرفتة من بعد الزواج
جوري:غرفة منو هاي؟؟
فارس توجه للدولاب يطلع الحبل:غرفتي
جوري بهدوء:انت ورشا
فارس ملتهي يطلع الحبل:اي
جوري ماتريد تبقة بمكان يكون لفارس ورشا تشاركة بي:انا طالعة انتظرك يم الباب
فارس:لا تعاي لكيتة
طلعة من الدولاب وتوجه الها
مد الحبل:هذا الحبل.. وحيلج بيها
جوري ابتسمت ابتسامة بسيطه:اوك
رادت تطلع بس لزمها فارس وبهدوء:شبيج؟؟
جوري:مابية شي
فارس:ليش تضايقتي فجأة... مو توج جنتي متحمسة
جوري:لا ما تضايقت ...بس اريد اطلع بسرعة... خاف تجي رشا وتشوفني هنا وتتضايق
فارس فهم عليها:وشعليها رشا... الغرفة غرفتي ...وانتي الداخلة وهي الطالعة
جوري ابتسمت:هههه حتة تقتلني ...يلا خل اروح اطلع حرتي بيها
فارس:ههههه انطيني الاخبار
جوري:اوك
فارس:تعاي صدگ... ليش هيج مبللة ماتخافين تتمرضين؟؟
جوري:بعدين اسولفلك... خل اروح بسرعة
فارس باس ايدها الي ماسكها وتركها:ماشي
طلعت جوري بسرعة من غرفة فارس وتوجهت لغرفة رنيم
دخلت
رنيم:وينج ساعة انتظر
جوري:همزين ما فكيتيها..(وبضحكه شريرة)...نيـــاهــاهـاهـا.... رحت اجيب حبل عالمود نربطها
رنيم:بعد روحي تفهمين علي
صرخت رشا:لاااااااا وخرو عني
جوري:حلم ابليس بالجنة
لزمنها البنات وربطوها عدل.. ووكفو كبالها...وعلة وجهم اكبر ابتسامة خبث
