رنيم:شنو السالفة؟؟..فهموني اشو تحجون بالالغاز
البنات فهمن ع رنيم
رانيا:هيجي شغلة بينا وبين جوري... من زمان صايرة
رنيم:اهااا
جوري:فتحو واتس وافهمكم بالرسايل
بتول ورانيا فتحو الواتس وسوو گروب بس جوري وبتول ورانيا
بتول:فتحنا
جوري رسلتلهم رسايل وفهمتهم كلشي
بتول بأبتسامة:الله يديمها
جوري:امين
عند الشباب.....
بدر وخالد جانو يباوعون فلم
وفارس لازم النقال
دخل ع الواتس وشاف جوري متصل
رسل:هلو (3>)
ثواني وردت:هلوات
فارس:شنو جاي تسوين؟؟؟
جوري:هيج كاعدة يم البنات نسولف
فارس:العلة خو ما ضوجتج؟
جوري:لالا ماحجيت وياها اصلا
فارس:شعجب يعني معقولة ما تلگفت وسألت؟؟..{فيس رافع حاجبه}
جوري:هههههههه
فارس:ليش تضحكين
جوري:يعني انت تعرفها ف شكو تسأل لا تخليني احش بالبنية
فارس:هههههه عادي حشي براحتج... انا سامحلج
جوري:هههههه كافي عوفك من سيرتها
فارس:اي صدگ ...هسة ع شنو انا مدخلها... خليني بملاكي
جوري:احم احم توك حسيت
فارس:يابعد كل ناسي انتي
جوري:اثتحيت
فارس:مشتاااااقلج
جوري ماردت
فارس:حبي وينج؟؟
جوري:موجودة
فارس:زين اگول
جوري:گول
فارس:اريد اشوفج
جوري:مساع شفتني بعد شتريد
فارس:لالا اريد اشوفج لوحدج... مساع الكل جان كاعد وحتة العلة موجودة
جوري:بس مااكدر البنات كاعدات... هسة يسألني
فارس:انا شعلي بالبنات... فدوة دبريلج حجة
جوري:لحظة هسة اشوف الاوضاع... اذا اكدر لو لا
فارس:ماشي انا بالسطح انتظرج... تعرفين مكاني
جوري:اي اعرفة
فارس:يلا انتظر
طلعت جوري من الواتس حتة تشوف الاوضاع
عند البنات...
قبل 5 دقايق
جانت جوري كاعدة ع السرير بنهايتة يعني منعزلة عن البنات وتراسل فارس
رشا:شبيها جوري منعزلة جنها مو ويانة
رنيم:شعليج منها تركيها
بتول:شنو جاي تسوي
رنيم:جاي تراسل
رشا:منو؟؟
رنيم:وشدراني انا منو خو مو احشر نفسي واسئلها
بعد شوي سدت جوري النقال وكعدت يم البنات
جوري:رنوم وين نقالج
رنيم:هناك ع التسريحة
جوري:فتحيه رح ارسلج صورة
رنيم بلا مبالاة:رسليها هسة.. ومن اكوم اشوفها
جوري بابتسامة حادة كأنها تأمرها:كتتلج كومي اخذيه.. تعرفيني مااحب هيج
رنيم:اوووف منج انتي
جوري:يلا يلا كومي.. بلا كلام زايد
كامت رنيم واخذت نقالها وفتحتة
نطت جوري وكعدت بصفها ورسلتلها رسالة..(فارس يريد يشوفني)
قرت رنيم الرساله وردت..(اي وشسويلج يعني انا)
جوري...(يعني ياحلوة دبريني اريد اطلع من دون محد يسألني)
رنيم..(بلا رانيا وبتول عادي بس رشيوا شنسويلها)
جوري..(اي مو هاي المشكله)
رنيم...(اممممم شوفي انتي سوي روحج انو اتصلت عليج صديقتج وطلعتي تخابريها برا لأن ماتردين ازعاج)
جوري..(اوك وانتي لهي رشا)
رنيم...(ماشي انا والبنات نلهيها وانتي روحي)
جوري..(رسلي رسالة لرانيا خل تدگ علي ع اساس صديقتي)
رنيم..(اوك)
رسلت رنيم رسالة لرانيا..(رانيا جوري تريد تشوف فارس ف اتصلي عليها ع اساس صديقتها دكت عليها وتطلع برا ترد لأن ماتريد ازعاج واحنا نلهي رشا لحد ما تجي)
رانيا قرت الرسالة وردت..(اوك كلي لبتول هم)
رنيم..(رح اكلها يلا اتصلي ع جوري)
رسلت رنيم رسالة لبتول وفهمتها وبتول انطتها الاوكي
ورا ثواني دكت رانيا ع جوري
جوري شافت الاسم وصرخت:وااااااااااا
البنات اخترعن
بتول:شبيج شصاير
جوري:هاي صديقتي عهد ...واااا صارلي زمان ما حاجية وياها
كامت وتوجهت للباب:انا طالعة ارد عليها ...مااريد ازعاج ...اريد استفرد بيها
