فارس:ياربي ارحمني...والله مااگدر اعيش بدونها...ليش ياجوري ليش تركتيني...شلون اعيش...شلون اتنفس ...وشلون وشلون...گليلي شسووووي...والله تعبت...حياتي مالها معنى بدونج....
صرخ:اااااااااه يااللهي
فجأة انفتح الباب...
دخلو رنيم ورشا مرعوبات...
جانو توهم جايين من الحفلة وسمعو صوت فارس
رنيم تقربت يمة وترجف:فارس حبيبي
فارس شاف رنيم:رنيم ليش راحت..ليييش...ليييييش
رنيم گعدت يمة ع السرير وخانگتها العبرة ع شكل فارس..حالتة تگطع الگلب..
هي اكثر وحدة تعرف شگد فارس متعلق بجوري...
نزلت دموعها:فارس مايصير تسوي بنفسك هيج...ياعمري البنت راحت لنصيبها
فارس گعد ووجهه احمر من البجي:وانااا...انا شسوي...وين ارووووح ...ويييين
رنيم حضنتة:ياروحي انت...لازم تنساها وتشوف حياتك...جوري راحت بعد
فارس شد عليها ويحجي وشهقاته تقطع كلامة:ش..شلون انساها وهي روحي...شلون انسساهااا وهي نفسي...شلوووون...انا ... انا اموت من بعدها.... امووووت
رنيم:اسم الله عليك ياعيوني انت
فارس ضل حاضنها ويبجي بصوته كأنة طفل
نقطه ضعفة جوري...گدامها يصير طفل...فقدها كأنة فقد روحة...هي الوحيدة الي يبجي عليها دم...
رنيم تبجي وياه
ورشا واگفة ع جنب وكذلك تبجي...اول مرة تشوف فارس بهالضعف
دائماً بنظرها القاسي...ماعندة مشاعر...بس ابد ماتوقعت حب جوري هيج يسوي بيه
مرت نص ساعة وهدا فارس...بس شهقاتة تطلع بين حين واخر
وخر عن رنيم وانسدح ع السرير وبسرعة غفى ...تعب من البجي..بس ارتاح شوي...فرغ القهر الي يحس بيه بالبجي
رنيم مسحت الدموع الي ع خدة وغطتة وطفت الاضوية وطلعت من الغرفة ولحگتها رشا
دخلو لغرفة رنيم
بس دخلو رنيم شبگت رشا وضلت تشهق من البجي
رشا بحنان:رنومة حبيبتي اهدي...مايصير هيج تسوين ياعيوني انتي
رنيم تشهق:عمري ماشفت فارس بهالضعف...اااه ياربي...حسبي الله عليك يافهد...وحسبي الله علة خالتي...بسببها فرقتهم..قتلت روحين...شنو استفادت بعملتها...ااه ياربي
رشا اخذتها وگعدتها ع السرير وگعدت وياها:ياعمري انتي لاتدعين عليها..هي عد ربج والله يحاسبها علة اعمالها...وجوري وفارس مالهم نصيب لبعض مايصير نعترض احنه ع حكمة الله...ومنو يدري يجوز فارس مع الايام ينسى جوري...ويجوز جوري تحب سلطان ويسعدها هو
رنيم بأنهيار:مارح يسعدهاا اهئ اهئ...رحتلها للغرفة قبل لااروح...شفتها تبجي وسألتها طلع سلطان حقير...حقيير يارشا
رشا بأستغراب:ليش شبي؟؟
رنيم:متزوجها بس عالممود يحرگ گلب فارس ،...مو عالمود يحبهاااا...مايحبهااا
رشا انصدمت وماعرفت شتگول:اهدي انتي وربج كريم...واكيد مايتجاوز حدودة جوري گدها صدگيني ...هسة انتي نامي وارتاحي
بعدت رنيم عن حضنها وانسدحت وتغطت ونامت
طلعت رشا من الغرفة ودخلت لغرفتها...انسدحت ع الكنبة ونامت هي الثانية
________________________
