فارس صفن بوجهه...انحنى عليها وباسها ع خدها ورجع يباوعلها...جوري ساكتة وتباوع عليه...شوي ورجع انحنى عليها وباس شفايفها بهدوء...ثواني وبادلته القبلة... فارس رفع ايده وخللها بشعرها...وضغط ع شفايفها بقوة
جوري تأذت منة...فارس اخذه الحماس وعض شفتها حيل وجرحها
جوري وخرت عنة:ااي..اذيتني
فارس:ههههه سوري اخذني الحماس
جوري:هههه طيب يلا كافي خل اروح انام
فارس بسرعة:وين وين؟؟...بعدني ماشبعت
جوري:انت لو تضل طول عمرك ماتشبع
فارس:احد يشبع من العسل
جوري بخجل:فااارس
فارس:ههههه بعد مانحجي
جوري:تسوي فضل...يلا خل اروح
فارس انحنه عليها بسرعة وطبع قبلة خفيفة ع شفتها وتركها
جوري وخرت عنة وراحت يم باب المطبخ واشرتله باي ورد عليها فارس بأبتسامة
__________________________________________
بعد مرور يومين.....
جوري رجعت لبيتها وعايشة وي هبة عادي لاتحتك بيها ولا شي كلمن بحالة...هي ترتاح وهبة كذلك
__________________________________________
عد رنيم.....
گاعدة بغرفتها ومنسدحة ع بطنها ع السرير ورافعة رجليها وتحجي بالفون وي بهاء
بهاء:رنومتي
رنيم:عنونها
بهاء:فديت عنونها...شكد احبج ولج
رنيم:مو مثلي...انا اكثر باضعاف
بهاء:اويل گلبي انا...ماتحمل
رنيم:ههههههه
بهاء:رنومتي اريد اشوفج
رنيم:تعال لبيتنة
بهاء:لالا اريد لوحدنة...لان لو اجي لبيتكم فارس اللزكة حيبقة فوگ روسنة وماگدر اسوي شي
رنيم:ههههه لعد شلون
بهاء:گلتيلي شلون...اخابر ابوج واستئذنة واجي عليج واخذج ونطلع سوا تالي نتعشة بمطعم ونضل نفرفر وتالي الليل ارجعج
رنيم:اووك
بهاء:خوش لعد انتظريني عشر دقايق واردلج خبر
رنيم:ماشي
بهاء:باي مؤقتاً...احبج
رنيم:بايات
سدت الخط
اندگ باب غرفتها
رنيم:ادخل
دخلت رشا:هلاووو
رنيم:هلوات عيني دخلي دخلي
گعدت رشا يمها ع السرير:شنو جاي تسوين؟
رنيم:جنت اخابر بهاء...وينج ولج صرنة مانشوفج كلة بغرفتج
رشا:هههههه وي حسام
رنيم:اهاااااا هييج الحجي
رشا:يييي
رنيم:يلا دام هيج معذورة
رشا:اگول رنوم
رنيم:بسم الله مصلحة...گولي عيني
رشا:ههههه وجع ياغبية
رنيم:ههههه گولي شكو
رشا:حسام طلب اطلع وياه
رنيم:اي طلعي
رشا:وج شلون اطلع...شگل لاخوج....هو يعرف انو ماعندي احد اروحله واذا ردت اطلع..اطلع وياج ووي جوري
رنيم:هههههه وصار اخوج....حتة اسمة مايخليج تگولينة
رشا:ولج سكتي...فد غيووور...ليل نهار يگلي لا تگولين اسمة ولا تحجين وياه ابد ولا تگعدين يمة وبلا بلا بلا ....اگلة شسالفة هو اصلاً هيج هيج مامعبرني...يعني من رجعت علاقتنة...حيبدي يعبرني...يگلي انا مجرد فكرة عايش وياج بنفس البيت تقتلني انوب يعبرج...غير اموت
رنيم:ههههههه خطية...هم حقة الولد....گليلة يابة بالنبي مامعبرني اذا هو قبل يومين جارح شفة جوري
رشا انصدمت:نعــــــم!!!!
رنيم:ههههه يا مادريتي؟
رشا:لا...ليش جرحها...شمسوية
رنيم:ههههههه طبعاً وين تدرين...اذا انتي طول اليوم بالغرفة بس بالوجبة تطلعين
رشا:ههههه سولفي سولفي بلة شصار
رنيم:شوفي...بيوم الخطوبة...طبعاً احنة كلنة نايمين...الفجر فزيت مالگيت جوري يمي...ورا ربع ساعة دخلت للغرفة...گتلها وين جنتي گالت بالمطبخ اشرب ماي...انتبهت لشفتها الجوا لگيتها مجروحة...سئلتها گالت عضيتها بالغلط...ماعبرت علي سالفتها لان شفايفها مورمة هم....گتلها لعد شبيها شفايفج مورمة...گالت ماكو شي...انا لحيت عليها لحيت گلتلي جنت وي فارس بالمطبخ هنا فهمت السالفة
رشا بغباء:شتسوي وي فارس بالمطبخ؟؟
رنيم:ههههههه شتسوي يعني...بربج ثنين يحبون بعض ولوحدهم بالمطبخ من فجرية الله...شترديهم يگعدون يلعبون دومنة....اكيد يستغلون الفرصة
رشا:اهاااااا....خرب يومهم مو هينين....يراد نتعلم منهم...ذول الثنين ولا مرة فوتو فرصة
رنيم:اي والله صدگ يراد نتعلم منهم...خبره هههههه
رشا:احنة دخلنة موضوع بطن موضوع وماگتلج شنو اريد
رنيم:اي صدگ شنو
رشا:گتلج حسام يريد اطلع وياه...ف اريدج دبريني شلون اطلع بدون مايحس اخوج
دگ فون رنيم:لحظة شوي
ردت:هلا حبيبي
بهاء:حياتي گلت لابوج...بس گال اذا تردون اخذو شخص وياكم ماتطلعون لوحدكم انتو بعدكم توكم مخطوبين
رنيم جتها فكرة:حلووو...خلي ناخذ رشا ويانة
بهاء بنرفزة:هو شنو الحلو....انا اريد اطلع وياج لوحدنة تكليلي رشا
رنيم:ههههههه شوف....انا رح اجيب رشا وياي وبعدين افهمك
بهاء بقلة حيلة:اوك لعد جهزي روحج نص ساعة وانا يمج
رنيم:اووك...يلا باي
بهاء:بايات
سدت الخط
رشا:شو انتي بكيفج تحجين...منو گلج انا اريد اروح وياكم
رنيم:وج سمعي ياغبية....انتي هسة مو تردين تطلعين وي حسام ؟
رشا:اي
