عند رنيم...
گاعده بغرفتها وتنتظر فارس ع احر من الجمر وكلام جوري يدور براسها
جوري:صدگي بأجر رح يفاتح فارس بالموضوع ولا ليش طلب منة يقابلة وما كال بالنقال
صحت من سرحانها ع صوت النقال
ردت:الو
مهند:هلا والله
رنيم:هلا بيك اخبارك
مهند:تمام الحمد لله انتي شلونج
رنيم:بخير..وينك هالايام ماتنشاف
مهند:والله جنت مشغول بالوظيفه واخيراً توظفت وكله كرف
رنيم:يووو الله يساعدك
مهند:شكو ماكو شنو الاخبار
رنيم:ماكو ع حطة ايدك
مهند:شخبار فارس وحبيبتة
رنيم:جوري! ...يووووو لا تحجي
مهند:ليش شصاير
رنيم:ياخي احنا ماصدكنا يرجعون لبعض وتتحسن نفسيتهم... طلع هسة شي جديد
مهند:لاحووووول... شنو صاير بعد
رنيم:رشا بدت تحب فارس وتريدة يحس بيها... وحجت گدام جوري
مهند:زين همة شعليهم من رشا
رنيم:جوري تضايقت كلش... وانا اعرفها كلش زين ...اكيد رح تگطع العلاقة عالمود رشا.. لأن بنظرها انو فارس من حق رشا لأنة زوجها... واصلا هي مساع گلتلي غلط مني انو رجعت علاقتي بفارس
مهند:زين فارس شنو موقفة؟؟
رنيم:فارس بعد مايدري بشي... هالحجي البارحة صار
مهند:طبعا هذول الاثنين ابدا ماعدهم حظ
رنيم:اي والله... انا مقهورة ع جوري حالتها حالة المسكينة ...<<تفكر بالكبسة مسكينة
مهند:جوري دومها تضحي عالمود تسعد غيرها لو ع حساب نفسها
رنيم:اي بس هي هيج مارح تسعد فارس
مهند:بس تسعد رشا وتتركلها فارس لأنها تعتبر رشا اختها
رنيم:اوووف الله يصبرهم
مهند:زين ماگتيلي شخبار حبيب الگلب
رنيم خجلت:ووجع
مهند:توجعج
رنيم:احم احم اليوم فارس رح يشوف بهاء
مهند بصدمه:وين؟؟...وشيسوي؟؟
رنيم:ههههه البارحة اتصل بهاء ع فارس... وگله اريدك بموضوع ولازم نتقابل
مهند:اي وبعدين
رنيم:ولا قبلين... هسة فارس طالع راح يشوفة... وانا انتظرة يجي واعرف الاخبار
مهند:صدگي هسة يطلب ايدج من فارس
رنيم:هههههههه نفس حجي جوري..انتو شسالفتكم تحجون نفس الشي
مهند:هههههه ليش
رنيم:البارحة هم كلتلي صدگي هسة يطلب ايدج... وهم من كتلها ع سالفة فادي وكتلها كون يجي واحد يتقدملي قبله وااوافق انطتني نفس موشحك
مهند:ههههههه القلوب عند بعضها
رنيم:اگول يا فيلسوف زمانك ...شجاب القلوب بالنص
مهند:هههه شدراني هيج طرا علة لساني هاي الجملة
رنيم:اكول انكلع يلا خل اكوم اشوف فارس اجه لو لا
مهند:اي طبعا السالفة بيها حبيب القلب طبعا تنتظرين
رنيم:مهييينو وثول انطم احسنلك
مهند:ثول يثولج يالغبيه لا تغلطين
رنيم:عاد انت الي لسانك يقوطر عسل... اگول خل اروح احسلي
مهند:انگلعي اصلا صوجي انا الي مضيع وقتي عليج
رنيم:يلا يلا باي
مهند:وجع باي
سد الخط بسرعة
رنيم:الحقير لازم ينرفزني هوووف
طلعت من غرفتها وراحت للصالة وگعدت ع التي في
ضلت تفرفر بالقنوات وما لگت شي
ورا شوي دخل فارس للصاله:سلام
رنيم:وعليكم
