في غرفة رنيم.....
دخلت رشا للغرفة وشافت رنيم منسدحة ع السرير وصافنة ومبين عليها متضايقة
تقدمت ناحيتها وكعدت ع السرير
رنيم انتبهت إلها بس مااهتمت
رشا:رنومة
رنيم طنشت وماردت
رشا:رنيــــــم
رنيم ع نفس حالتها
رشا:رنومة لا تزعلين مني أنا ماجان قصدي احجي عنها بس فهمت غلط
رنيم بحدة:مرا ثانية فهمي عدل يلا تحكمين
رشا:اسفة ماعيدها
رنيم:وشحدج تعيديها
رشا:زين سؤال
رنيم:جواب
رشا:انتي تحبين جوري أكثر لو أنا
رنيم:اعتدلت بجلستها:شوفي رشاوي خل أكون صريحة وياج..جوري اختي وصديقتي وأنا وياها متربين سوا من صغرنا لهذا مأكو شخص يوصل لمعزتها بكلبي
رشا:ولا انا؟؟
رنيم بصراحة:ولا انتي..انتي معزتج خاصة ويشهد الله علي اعتبرج اختي واكثر لكن جوري غير
رشا:شنو الي عند جوري ومو عندي
رنيم:حبيبتي هي مو سالفة مقارنة بس مثل ماكتلج إحنا من الصغر سوا ف شي طبيعي اتعلق بيها لهدرجة
رشا:إها
رنيم:زين يلا كومي خل نروح يم اخواني
رشا:راحو قبل شوي
رنيم:ياانذال ماكالو ...حته ماسلمو علي
رشا:هههههه كومي كومي
رنيم:اوريهم الحقراء
تصالحو رنيم ورشا بس مع ذلك رشا منزعجة من جوري لان محصلة الاهتمام الكبير بس مابينت كدام رنيم لان ماترضا عليها
@@@@@@@@@@@@@@@
عند جوري....
بعد ماطلعت من المستشفى ووصلت للبيت راحت لغرفتها تريح
وخطر ع بالها تتصل ع رنيم حتة تفهم شنو سالفة فادي واتصلت عليها بس جانو إخوانها يمها حجت وياهم ودردشت وبعدها سدت الخط
-------------------------------
بعد عدة ايام......
""""""'"""""
عند جوري..
جانت كاعدة بغرفتها ع اللاب وملت منة ف كامت وطلعت من غرفتها وتوجهت للصالة يم امها وابوها
الام والاب جانو يحجون بصوت ناصي ومن دخلت جوري سكتو
جوري باستغراب:شبيكم سكتو
الام:لا ماكو شي
جوري:عن شنو جنتو تحجون؟؟
الاب:ولاشي موضوع بيني وبين امج
جوري:آهااا..بابا
الاب(فهد):نعم
جوري:اريد اطلع للسوك
الام(نجود):ياسوك انتي..توج طالعة من المستشفى
جوري:ماما انا مابية شي تحسنت وضايجة اريد اطلع... وهم اشتري شغلات للكلية مابقة شي ع الدوام<<طبعاً العطل من راسي لأن شعرفني بالكلية هههه
الام(نجود): علة كيفج باقي شهر بعد
جوري:ميخالف أجهز من هسة احسن بعدين يبقة بس الموحلو
الاب(فهد):اوك خلص العصر نطلع للسوك
جوري:ماشي أنا رح انام علة ما يجي العصر
الام(نجود):ماشي
راحت جوري لغرفتها تنام
التفتت نجود ع فهد
نجود:يمتى ناوي تفاتحها بالموضوع؟؟
فهد:مو هسة يجوز بأجر اكلها
نجود:زين انت ليش تكلها إذا انت اصلاً عارف جوابها
فهد:لا هالمرة غير
نجود باستغراب:شلون يعني مافهمتك؟؟
فهد:هالمرة رضت ولا مارضت غصباً عليها
نجود بصدمة:تغصبها؟؟؟!!!
فهد ببرود:أي اغصبها إلا متى تبقة هيج
نجود:مارح تقدر تغصبها جوري عنيدة وأنا اعرفها زين ....مستحيل تقبل
فهد:أنا كلت كلمة ومستحيل اثنيها ترضى غصباً عليها
نجود:شنو رح تسوي؟؟
فهد:باجر تشوفين
نجود:فهد إذا صار بالبت شي مارح اسامحك.... احنا ماصدكنا أنها طلعت من عزلتها
فهد:لا تخافين مارح يصير بيها شي
نجود:فهد ترا أنا ما مستعدة اخسر بنتي وحيدتي اهم شي هي
فهد بعصبية:خلص سدي الموضوع وجوري تقبل غصبا عليها فهمتي...(وكام وراح لغرفتهم)
نجود بكلبها:طول عمرك تمشي الأمور ع كيفك البت رح تموت بسبب تحكمك وتكول لمصلحتها...أي مصلحة كلشي ماشفنة منها غير اذية جوري واذيتنة وياها اووف منك الله يصلحك
