رنيم:خالتي نور وبنتها هم السبب بأنفصال فارس وجوري
رشا:لحظة لحظة خل استوعب...شنو هاي ماجاي اصدگ ...
رنيم:لاصدگي...خالتي جانت تسعى انو فارس يتزوج بنتها... وجانت تكره جوري كره العمى وبنتها نسخة مماثلة الها ...وثنينهم جانو راسمات ع فارس ...ولما خطب جوري تخبلو وضلو يحاولون يفرقون بينهم... لمن نجحو وفرقو بينهم
رشا حطت ايدها ع صدرها:يمة يمة...مااصدگ...اكو خالة هيج تسوي
رنيم بهدوء:كلشي توقعي...
رشا:طيب شلون فرقتهم؟؟؟
رنيم رادت تحجي بس قطع عليها صوت النقال <<عفية هالنقال قاطع اللحظات هع
فارس متصل
ردت:الو
فارس:رنيم بســــرعة بدلي وطلعي انا بالسيارة
رنيم بأستغراب:وين نروح؟؟
فارس:نروح للسوبر ماركت نسيت شنو اشتريلج...تعاي انتي اشتري احسن
رنيم:اوك ثواني واجي
فارس:لاتطولين
رنيم:اوك..باي
فارس:باي
سدت الخط والتفتت لرشا:رشاوي انا رح اطلع وي فارس..واتمنى فارس مايدري باللي كتلج عليه
رشا:ماشي..لاتخافين مارح اجيب سيرة
رنيم:اوك يلا خل ابدل
طلعت رشا من الغرفه ورنيم بدلت وراحت لفارس بسرعه وتوجهو للسوبر ماركت ...
وصلو ونزلو من السيارة ورنيم كالعادة توجهت لركن الحلويات وفارس ينتظرها
جاي تمشي وتاخذ الاشياء الي تحتاجها ومامنتبهة..
فجأة صدمت بشخص وطاحت الاغراض الي بيدها
رنيم:انا اسفة ماانتبهت
البنت:لاعادي ماصار شي
نزلت رنيم تلم الاغراض
اجت البنت وساعدتها
رنيم:شكراً
البنت:العفو
خلصت رنيم مشترياتها واتوجهت للكاشير وشافت فارس ينتظرها حاسبت وطلعت
وهما متوجهين للسيارة
صدمت بيها نفس البنت
رنيم:ههههه شكل لقائنة كل صدمات
البنت:هههههه شفتي شلون
رنيم:ههههه انا رنيم
البنت:تشرفنا...وانا زينة
رنيم:عاشت الاسامي...(ابتسمت)..يلا مع السلامة
زينة ابتسمتلها:باي
توجهت رنيم للسيارة
فارس:ساعة يلا تجين
رنيم:هههه تعرفت ع بنية
فارس:انتي وين ماترحين تتعرفين ع وحدة..كم صديقة صارت عندج
رنيم:اختك اجتماعية ومحبوبة شلون يعني
فارس:بالله!!
رنيم:والله
فارس:طيب يااجتماعية انطمي
رنيم:شكراً
مارد عليها فارس وشغل اغاني بالسيارة
رنيم:فارس شبيك؟؟
فارس:مابية شي
رنيم:ليش عافس وجهك؟؟
فارس بهدوء:اليوم خابرتي جوري؟؟
رنيم:اي
فارس بضيقة:ليش ماترد علي؟؟...ضل بالي يمها
رنيم:يجوز النقال مو يمها او اهلها يمها..وبعدين هي مريضة
فارس نكز:شبيها؟؟؟!!
رنيم:افلاونزا
فارس:البارحة مابيها شي
رنيم:البارحة لعبنة بالماي وهي ماتتحمل وبسرعة تمرضت
فارس:اهاااا
وصلو للبيت ونزلت رنيم ودخلت للبيت اما فارس توجه لجماعتة...
--------------------------
عند جوري....
گعدت من النوم ع صلاة المغرب
گامت وتوجهت للحمام وتوضت ولبست حرام الصلاة وصلت
بعد ماخلصت طلعت من الغرفة وراحت گعدت بالصالة وضلت تفرفر بالTV
شوي ودخل ابوها للبيت
