نكعد #وين؟؟
فارشلج غرف بالروح
فوك #ضلوعي بشوية
واذا ماكفن تكعدين كعدي بحضني يمرية
واشبعي من الهواج اشعار
صيري لروحي #بيت وجار
خلي بحبج ادلل
تدرين احنة ورد وماي يعني #بدونج اتذبل..
انة كبور من دونج
انة الباع كلشي لخاطر يصونج
خليني كبالج مراية
واشوفج رايحة وجاية...
خليني مشط بأيديج
خليني ولو عصفور #حاط كبال شباجج
خليني وجه للناس
خاطر اسبق الشافج!!
خليني طفل جوعان سامع بيج صوت امة
سمعي كلمة يفرح حيل
شابع يسمع وغمة!!
واظل وياج حدما ينحفر #كبري
ويسألني الملاك اشكال
عن دنياي عن عمري...
واكلة اشتاك بس #الهة
ماهمتني جنة ونار
بس يهمني اظل يمهة....
واحفر كبري واطلع جاي
من كدما #حنينة وياي
بيهة احتار جنهة امي!!
قبل ماتبدي تحجي وياي
تدعي هواي وتسمي....
رقيقة وجن جنح #فراش
خل احجيلكم عنهة
قل اعوذ من الحساد
اعوذ من الوصل #يمهة!!!
.
في بيت فارس...ساعة 3:00AM
الكل نايم هلكان من التعب...ماعدا فارس...يتگلب بالفراش وموجايلة النوم...گام من الفراش واخذ الفون وباكيت الجكاير وطلع من الغرفة...طبعاً بلا تيشيرت لانه مينام بي...دخل للمطبخ..حط اغراضة ع الطاولة وراح للثلاجة...فتحها واخذ بطل(قاروره)ماي وگعد ع الطاولة والهدوء مسيطر ع المكان...دقايق وسمع صوت خطوات...رفع نظره ناحية الباب...شاف جوري دخلت للمطبخ....لابسة بجامة نوم وردية برمودة....راحت ناحية الثلاجة...فتحتها واخذت بطل ماي وسدتها وشربت الماي وهذا كلة وماانتبهت لفارس الي جاي يباوعلها....التفتت وطاحت عينها ع فارس...بالبداية مااستوعبت وجودة ف اخترعت والماي الي بحلگها كلة ذبتة وفتحت حلگها تريد تصرخ...فارس كأن توقع حركتها...رأسن گام وتوجه ناحيتها وحط ايد ورا رگبتها وايد ع حلگها حتة ماتصرخ
فارس بهمس:شششش...اهدي هذا انا...فارس
جوري رفعت نظرها وحطت عيونها بعيون فارس واستوعبت الموقف...حطت ايدها ع گلبها الي يرگع من الخوفة...فارس وخر ايده عنها بس بقة قريب منها
جوري برجفة:فارس الله ياخذك وگعت گلبي...ياخي شفتني دخلت...طلع صوت تنحنح گول انا هنا مو تضل هيج مصفن
فارس ضحك:هههههه....شمگعدج هالوقت؟
جوري بهدوء:فزيت عطشانة...اجيت اشرب ماي...بس بعد هالخرعة...طار النوم وسنينة....انت شعندك گاعد؟؟
فارس گعد ع الكرسي واخذ باكيت الجكاير:ماجاني نوم وضجت من الفراش ف جيت هنا ادخن
سحب جكارة وحطها بحلگة...رفع القداحة يريد يشعلها وماحس الا انخطفت منة
التفت ع جوري وعفس وجهه:ليييش؟
جوري بنرفزة:كم مرة گايلتلك لاتدخن وانا موجودة
فارس بعصبيه خفيفه:هو انا المن جاي هنا...غير ع مود ادخن....وبعدين انتي مو گلتي تردين تشربين ماي وشربتي...هذهو يلا روحي نامي
جوري زعلت من كلامة:طيب
فرت ورادت تطلع من المطبخ...
فارس بسرعة لزم ايدها ووگفها:زعلتي؟
جوري:لا واتركني ارد اروح انام
فارس:مو توج تگولين طار النوم
جوري بنرفزة:اجااني النوم شلون يعني
فارس:هاي شبيج
جوري سحبت ايدها بقوة:اتركني اروح انام...وانت ابقة هنا دخن ع راحتك
فارس لزمها من معصمها وسحبها ناحيتة...ضربت بصدرة...رأسن قبل ماتوخر حاوطها بأيديه وضمها لصدرة
همس بذانها:اسف ماجان قصدي ازعلج
جوري ساكتة
فارس بهمس:جوريتي...احبج
جوري بخجل:طيب مازعلانة بس اتركني
فارس:ليش؟
جوري بصوت ناصي:فارس انت مالابس تيشيرت
فارس:ههههه عادي
جوري:لا مو عادي...انا استحي
فارس:فدييييت الي يستحي
جوري مستحية حيل:فااارس
فارس بهيام:عيونة...روحة...گلبة
جوري:ماناوي تتركني
فارس بضحكة تدوخ:ههههههه...ماناوي...ف لا تحاولين
جوري ضحكت وبادلته الحظن
فارس:اييووووا...خليج هيج حبابة
جوري بسرعة نزلت ايديها
فارس:لالالا...عمي مانمدحج بعد...بس رجعي ايديج
جوري:ما
فارس اخذ ايديها وخلاهن ورا رگبتة ورجع حضنها
جوري:ههههههه والى متى تضل حاضني
فارس ابتسم:لحد مااموت
جوري:اسم الله عليك يومي گبل يومك
فارس:ششش لتگولين هيج
جوري رفعت نظرها لعيونه:تدري
فارس باوعلها:شنو
جوري:احبك
فارس بهمس:انا مو بس احبج...انا اعشششقج واموووت بيج
جوري:هههه ادري
