نرجع لقبل 3 سنوات...
بالفترة الي سببت بيها نور وبنتها مشاكل وسببت انفصال جوري وفارس...
وشلون عرفو انها هي الي دبرت المشاكل وهي سببت الانفصال....
العائلة مجتمعة ببيت ابو فارس...
اهل جوري...اهل فارس...نور وبنتها اسيل
الشباب والبنات گاعدين ع جنب
والشياب ع جنب
فارس..جوري...رنيم..اسيل...رانيا...بتول...خالد...بد ر
دگ نقال اسيل برنة رسالة
فتحتها وجانت الرسالة من امها
[گومي بهدوء وروحي لغرفة فارس وسوي الي گتلج عليه]
اسيل:انا رايحة للحمام
طلعت من الصالة وتسحبت بهدوء ودخلت لغرفة فارس
ضلت تنقل نظرها بالغرفة تدور ع شي
طاحت عينها ع فونة
بسرعة اخذتة وفتحتة وحمدت ربها مالگت بي رمز...شافت الخلفية صورة جوري وفارس حاضنها من ورا والصورة مبينة سلفي
اسيل بحقد:الله ياخذج جوري...متنعمة بحبة وانا محروگ گلبي
فتحت الواتس ورسلت من فونة رسائل لفونها وهي ردت ع الرسائل من فونها ف صار ع شكل محادثة بينها وبين فارس
انوب رجعت الفون بمكانة
وگعدت ع السرير
اما بالصالة يم الشباب...
محد فقد اسيل..لأن يعرفون اكيد التهت بفد شي
رنيم:جوري سمعتي اغنية انا مجنونة بالغيرة؟؟
بتول:انا سمعتها...كلش حلوة
جوري:لا ماسمعتها...سمعوني
رنيم:انا مامنزلتها بفوني...شفتها ع tv
جوري:بتول موجودة بفونج؟؟
بتول:للأسف حتة انا ماموجودة
رانيا:انا هم اريد اسمعها
فارس:انا عندي هاي الاغنية
جوري:انطيني فونك خل اسمعها
فارس:لحظة
دور الفون بجيوبة مالگاه
فارس:يمكن بالغرفة...اروح اجيبة واجي
جوري:اوك
راح فارس للغرفة...دخل وانصدم بوجود اسيل
فارس بأستنكار:انتي شتسوين بغرفتي؟؟
اسيل بدلع:واخيراً اجيت...صارلي ساعة انتظرك
فارس عقد حواجبة وبدت العصبية تبين بوجهه:شتردين مني؟؟
اسيل گامت وتوجهت يمة ولزگت بيه وبصوت مااايع:فارس ليش متحس بية...انا احبك
فارس عصب بس ميگدر يصرخ لايطلع صوتة وبهمس:احترمي نفسج وعن قلة الادب...انا مرتبط والي احبها بنت خالج...احترمي العشرة الي بينكم ع الاقل
اسيل بنرفزة:شنو شفت بجوري حتة تحبها... اشو تلعب النفس
فارس ابتسم بأستفزاز:ولأنها تلعب النفس احبها...ويلا هسة طلعي برا...ترا والله افضحج گدامهم
اسيل ابتسمت وخرت عنة وانطتة ظهرها وتلعب بفونها وببرود:ماتگدر تسوي شي
فارس:لاتتحدين..انتي موگدي صدگيني...وهذا لعبج مو علي افتهمتي
اسيل فرت عليه وابتسمت وتقدمت ناحيتة ولزگت بصدرة وحطت ايديها ورا رقبتة وبدلع يذوب:ماشي حبيبي...اوعدك انو انتظرك
فارس راد يدفعها وتو فتح حلگة يريد يحجي..
بس ماحس الا الباب انفتح...
دخلت نور وشهقت:هـــــــئ...انتو شجاي تسووون؟؟؟
فارس دفع اسيل عنة وببرود:ماجاي نسوي شي...بس شوفي قليلة الادب بنتج شتسوي
نور
