صعدت رشا للغرفة ودگت الباب
اجاها صوت جوري:دخلي امي
فتحت رشا الباب وبأبتسامة:مرحبااا
جوري:هلا رشاوي
رشا:هلا بيج..شخبارج
جوري حضنتها:الحمدلله وانتي
رشا:تمام...رنيم وين؟؟
جوري:بالحمام جاي تسبح
رشا:اهااا
جوري:تعاي خل نجهزلها الملابس ع ما تطلع
رشا:يلا
توجهو يم الدولاب وفتحو وضلو يدورون لبس مناسب
رشا:اگول جوري
جوري ملتهية تطلع:هلا حبيبتي
رشا:انتي مريضة؟؟
جوري بأستغراب:لا ليش؟؟
رشا:وجهج اصفر وشاحب كلش عبالك مريضة
جوري بكذب:اي ضغط الدراسة
بهاي اللحظة طلعت رنيم من الحمام
جوري:نعيماً
رنيم:الله ينعم عليج
جوري:يلا تعاي بسرعة بدلي حتة اجفف شعرج ونجهزلج
رنيم:ماشي
ضلو البنات يدورون ملابس ويجهزون الاشياء وانگلبت الغرفة عفسة والسوالف والضحك وصارت ونسة
_____________________________
نروح عند هنودي احــم اقصد مهند.....
جان گاعد بمكتبة ويشتغل ويتذمر
مهند:هه گال بنته وياي گال...صارلي 3 ايام اكرف لوحدي وست الحسن ماشرفت...والله خوش ولا لأنها بنت المدير
ترك القلم والاوراق الي بأيدة وتسند ع الكرسي ورفع راسة لفوق وتنهد
مهند:ااااه ياظهري....بلا بشكلكم راعوني شوي...ع الاقل كم يوم خففو الشغل لمن اتعود
گطع عليه تذمرة فتح الباب
وجه نظرة للباب وتفاجأ بالبنت الي دخلت للمكتب
دخلت وبهدوء توجهت لمكانها وگعدت ولاحس ولانفس
مهند مستغرب منها...دخلت فجئا ومن دون استئذان وفوگاها ساكتة
مهند رفع حاجب:نعم اختي...عندج شي هنا؟؟
البنت رفعت نظرها عليه:تحجي وياي!!
مهند فر راسة ووجهة نضرة مرة يمين ومرة يسار وبعدين رجع باوعلها وبرفعة حاجب
مهند بسخرية:ليش اكو احد غيرج هنا؟؟
البنت:اسفة ماانتبهت...تريد شي؟
مهند ودة يگوم ويصگعها ع غبائها...تعوذ من الشيطان واخذ نفس
مهند:سلامتج بس هذا المكتب خاص بية وبشخص ثاني
البنت بتسائل:مو انت الموضف الجديد؟؟
مهند بنفسة:اللهم طولج ياروح
رد عليه ويحاول يكتم غيضة:اي نعم
البنت:الشخص يكون بنت المدير مو؟؟
مهند وصلت عندة ويحاول يلزم اعصابة ويحجي بأدب
مهند بصبر:ايـــه...لو سمحتي اذا رايدة شي گولي شنو واذا لا ياريت تتفضلين جاي تعطليني عن الشغل
البنت بغباء تام:لا مااريد شي...بس انا اشتغل هنا
مهند بتساؤل:انتي منو؟؟... اقصد يعني شنو اسمج
البنت:ليش شرايد بأسمي؟
مهند:مااريد شي..اختي لو سمحتي تفضلي وروحي ع مكان شغلج لأن عندي شغل ومااريد اضيع وقت
البنت:اي بس انا هنا اشتغل
مهند بشك:انتي بنت المدير؟؟
البنت:اي
مهند غمض عيونة ويحاول يهدي اعصابة ويكتم عصبيتة من البنت الفاهية الي واگفة گبالة
مهند بنفاذ صبر:اذا انتي بنت المدير وتشتغلين هنا...شكو ماگلتي من البداية وفضيتي السالفة
البنت:وانا شدراني عبالي تعرفني
مهند:وانا شعرفني بيج..لا شايفج ولا شايفتني...وشوفة عينج انا جديد هنا ف ماتگليلي شعرفني بيج
البنت:ع كيفك اكلتنا وشربتنا هسة شسوينة احنة
مهند بغيض: ربي الهمني الصبر....(ابتسم بغيض واشر بأيدة ع المكتب)..لا سلامتج ماسويتي شي...تفضلي ع مكتبج وشوفي شغلج وخلصيني
البنت:لا تتأمر فهمت
مهند طنشهالأن لو يضل يجادل وياها نهايتة يگوم ويصگعها كف
اخذ تلفونة واتصل...
.......بصوت ناعم:الووو..هنودي
مهند ابتسم:عيون هنودي
البنت گعدت ع مكتبها وسمعتة هيج يحجي ورفعت نضرها عليه وتباوعله بأستحقار
مهند رفع راسة وطاحت عيونة بعيونها...شاف نظرة الاستحقار بعيونها ابتسم وعرف انها سمعتة
......:شلونك
مهند حاب يستفز البنت:بخير دامج بخير
........:ههههههه دوم
مهند:دوم الضحكة ياعمري
........:هههههههه مهند انت شارب شي
مهند يمثل انه هيمان:لا...بس مشتاقلج
........:لالا انت اليوم بيك شي...هههههه مشتاقلي ها
مهند:ههههههههه اي يعني مايصير اشتاق
........:لا يسمعونك بعض الناس
مهند فهم وضحك بصوت عالي:هههههههههههه
البنت بغيض:نصي صوتك لو سمحت...احنا بمكان عمل
مهند طنشها:هههههههه.ألا اگول رنيمووو
رنيم:ها
مهند:شخبار بعض الناس
رنيم بخجل:احـم...اليوم يتقدمون رسمي
مهند صرخ:بـــربــــج
رنيم:ههههههه اي
مهند بفرحة:ع الخير...يلا مبروك مقدماً
رنيم:الله يبارك بيك...عقبالك
مهند:ههههه بعد وكت
رنيم:شيبت وتگول بعد وكت
مهند:هههههههه ع كيفج بعدني ببداية شبابي
رنيم:هههه خوش عليك...وين انت هسة
مهند:بالشركة
رنيم بأستغراب:شنو ماعندك شغل
مهند:ألا عندي...بس اشتاقيتلج
رنيم:هههههه والله اشك انك صاحي اليوم...ناقص حنان
مهند:ههههه والله مو صوجج صوج الي يسئل عنج...الله يعين بهاء عليج
رنيم:اصلاً نيالة انو صرت الة
مهند:اوخـــس يالثقة
رنيم:اگول مهينو..اذا انت ماتريد تشتغل مو ذنبي ترا عندي كومة شغل فوك راسي
مهند:هههههه امداج..يلا انگلعي خل اشتغل
رنيم:هههههه يلا باي
مهند:بايات
سد مهند الخط والابتسامة شاگة الوجه
حط النقال ع جنب ولزم القلم ورجع يشتغل
البنت بفضول:هاي حبيبتك؟؟
مهند رفع راسة وضحك:ههههههه...لالا
البنت:لعد منو؟؟
مهند:اختي بالتربية
البنت:شلون صايرة هاي ههههه
مهند ابتسم بحب:هي تصير اخت صديقي المقرب وانا وياها متربين سوا واعتبرها اختي الصغيرة وكذلك هي خزينة اسراري
البنت:اهااا....الله يخليكم لبعض
مهند من قلب:اميين...بالمناسبة ماعرفنا الاسم
البنت ابتسمت:زيــــنة
مهند:تشرفنا...مهند
زينة:تسلم الي الشرف اخ مهند
ابتسملها مهند ورجع كل واحد لشغلة
وفجئا مهند حجة:انا شايفج قبل هالمرة؟؟
زينة ابتسمت:ههههه اي
مهند بأستغراب:وين؟؟
زينة:قبل فترة شفتك بالباركنغ الخاص بالشركة
مهند تذكر:اهاااا..انتي الي جانت تلم الاوراق
زينة:عليك نور
مهند:ههههه شلون صدفة
زينة:اي...يلا خل نكمل شغل...كضيناها سوالف
مهند:ههههه اوك
