مهند:جوري
جوري:ها
مهند:باجر الحفلة مو؟؟
جوري:ايه
مهند:انتي قابلة بسلطان؟؟
جوري بصراحة:لا ماقابلة..بس شسوي
مهند راد يحجي بس قاطعتة رنيم
رنيم:هي هي باوعو..مو جنة ذاك فادي
كلهم التفتتو وين ماتأشر وشافو گاعد ويمة مرام
رشا:منو هذيج الي وياه؟؟
مهند:بعد ماتعرفينة....وحدة من الي يغازلهن
جوري بنظرة خبيثة:شنو رأيكم نحرجة شوي
مهند تحمس:يلا..بس شلون؟؟؟
جوري التفتت ع زينة وتباوعلها بنفس النظرات الخبيثة
زينة:خيــر...شكو تباوعيلي
جوري:هو مايعرفج
زينة رفعت حاجب:اي والمطلوب؟؟
رنيم فهمت:المطلوب انج ترحين تمثلين عليه شوي
زينة:لالا مستحيل
مهند:اي يلا عفية خل نضحك شوي
جوري:انا ورنيم وياج ع اساس صديقاتج
رشا:هههه لعد انتو هسة شنو
رنيم:هههههه اي بالتمثيل نقصد
زينة:امممم اوك...خل نغامر شوي
مهند:اوك يلا روحو...وانا ورشا نباوعلكم منا
جوري:رشا صوري فيديو،...خل نشوف ردة فعلة
رشا:اوك
رشا طلعت فونها وخلتة ع الفيديو
البنات اتجهن ناحية طاولة فادي ومرام
شافو فادي لازم ايد مرام ويتبسم
جوري:سلااام
فادي رفع نظرة ناحيتهم واول ماطاحت عينة بعين رنيم اختفت ابتسامتة
زينة واكفة ورا رنيم وجوري
مرام بأستغراب:اهلاً....تردون شغلة؟؟
زينة همست لجوري من ورا:هو شنو اسمة نسيتة؟؟
جوري ماتكدر تفر عليها ف گالت:فادي شتسوي هنا؟؟
فادي لااا رد مايعرف شنو يسوي...وجود رنيم اربكة
زينة طلعت من ورا البنات
شافت فادي وحطت ايدها ع صدرها وشهقت بصدمة
زينة:فاااادي...(وحولت ملامحها للحزن)...ياخااااين ليش هييج..انا شسويتلك...ليش تخوني
وين وعودك الي...وين حبك...موگلت انك ماتشوف غيري..(نزلت دموع)..خسارة حبي الك يا خسارة
فادي فاتح عيونة ع الااااااخر....مصدووووم ومايعرف شنو يحجي
البنات انصدمو بعد وخاصة من دموعها وعرفو انه لاعب عليها كذلك
اما مرام وماادراك...اكثر وحدة مصدومة...الانسان الوحيد الي عشقتة ووثقت بيه يطلع اكبر خاين
رأسن گامت من الطاولة ودموعها تتسابق ع خدودها
فادي رفع نظرة ع زينة وبعدين وجه نظرة ع جوري وانوب رنيم
وبعدها گام بسرعة وراح ورا مرام
جوري ورنيم التفتن ع زينة وهن مصدومات
زينة مسحت دموعها وضحكت
البنات استغربت وفوگ روسهن علامات استفهام مافاهمات اي شي...توها تبجي وتعتب...وهسة تضحك
زينة شافت ملامحهم وزادت ضحك
جوري بفهاوة:ترا مافاهمة شي
زينة:ههههههههه ااه ياماما...اذا انتو صدگتو التمثيلية...لعد الله يعينك يافادي
رنيم بصدمة:يعني هسة هذا كلة تمثيل؟؟؟؟؟....والدموع والحزن...؟؟؟؟
زينة:طبعاً تمثيل...شعرفني بي انا...وبعدين ماسمعتيني اسأل جوري عن اسمة
جوري طگتها ضحكة.:هههههههههههههههههاي...راح بيها المسكين
رنيم:هههههههه بس شكلة يحبها...لأن فادي مستحيل يروح وراها
جوري:يمعودة عالوا يحبها...بلكي يبطل هاي سوالفة
