رنيم:تمام....احنة شرح نسوي...ناخذج ويانة...ومن نوصل مكان معين...تتصلين ع حسام تگليلة انا بفلان مكان...يجي عليج وياخذج ويتفق وي بهاء بأي وقت ومكان يرجعج...انتي تطلعين وياه وتتونسين وانا وبهاء نبقة لوحدنة...ونضرب عصفورين بحجر
رشا:اهااااا....بس خاف حسام عندة شغل
رنيم:انتي خابريه هسة وگليلة....والله لو عندة شغل الدنيا....يتركة ويجيج طاير وگولي رنيم ماگالت
رشا:ههههه اوك هسة اتصل
رنيم:يلا بسرعة هنا اتصلي
رشا:اوك
اتصلت ع حسام
ثواني وجاها الرد
حسام:هلا وغلا
رشا:هلا بيك
حسام:شخبارج
رشا بسرعة:تمام...اگول
حسام:گولي
رشا:انت مو ردت اطلع وياك
حسام فز:اي
رشا:انا گدرت ادبر الطلعة
حسام بفرحة:شلون؟
رشا:رنيم تريد تطلع وي خطيبها بس اهلها مايقبلون لوحدها لازم شخص وياها وخطيبها يريد لوحدهم...ف گلتلهم انو انا اروح وياهم...وحروح وياهم ومن نوصل لمكان معين...اتصل عليك واكلك المكان...وانت تجي وتاخذني وتتفق وي خطيب رنيم بالوقت والمكان الي ترجعني بي..وبكذا انا رح اطلع وياك ورنيم تاخذ راحتها وي خطيبها
حسام:حلوووو...ويمتة رح تطلع
رشا:هسة بعد نص ساعة يجي علينة خطيبها
حسام:اووووك انا حجهز نفسي ومن توصلين اتصلي علي وگليلي المكان واجي
رشا:اوك...يلا رايحة اجهز نفسي..باي
حسام:بايات...اعشقج
سدت الخط...
رشا:گال تمام خوش فكرة
رنيم:حلو....يلا ولي جهزي نفسج وانا هم خل اجهز نفسي
رشا:مااااشي....احبج ولج
رنيم:ههههه اي اي طبعاً مصلحة
رشا:ههههههه
طلعت من الغرفة....ونطت رنيم ووگفت گدام خزانة ملابسها وهي محتارة شنو تلبس كاجول او رسمي ...بالاخير اختارت انو تلبس بدله كلوش قصيره ((يعني فوگ الركبة)) منفوشة بشكل يظهر رشاقة خصرها...تجي من فوگ مخصرة واوف وايت وتنزل طبقات لون بنفسجي وتركواز مع حلق وسوار ناعم ولبست گلادة ع شكل ملاك ناعمة تبرز جمال عنقها.... ماحبت تلبس الكعب العالي ف اختارت حفاية نازكة لون بنفسجي فاتح بالتنسيق وي بدلتها النازكة.... واخذت وياها جنطة صغيرة لماعة اوف وايت ظهرت بشكل جذاب وتخطف الانظار....
_________________________________________
اما رشا ف دخلت لغرفتها وراحت بسرعة غسلت وجهه ونعنشت نفسها وراحت تختار ملابس
اختارت تلبس تنورة لون اسود قصيرة ((جوا الركبة بشوي)) مع سويت شيرت لونة احمر عليه كلمة ((love)) مع حذاء احمر كعب متوسط...كفّت اكمام السويت شيرت...ولبست اسوارة وحلق ناعمين... سوت شعرها الناعم كيرلي وخلت فيونكة بسيطة لون اوف وايت حتى تشيل غرتها بشكل نازك مع ميك اب خفيف طلعت حيــــل جميلة وناعمة
سمعت صوت رنيم يم باب الغرفة تصيح
رنيم:يلااا رشااا بهااااء اجة
رشا صرخت:جاااية
اخذت جوزدانها وفونها وطلعت
رنيم باوعت باعجاب:واااو...ريلي ريلي كيوت
رشا:ههههه حتة انتي طالعة ريلي ريلي كيوت
رنيم:هههه يلا امشي بهاء ينتظر
طلعو من البيت وركبو بسيارة بهاء...طبعاً رنيم بالمقدمة يم بهاء ورشا ورا
رنيم ورشا:سلام
بهاء مصفن:.......
رنيم تحرك ايدها گبال وجهه:الوووو
بهاء بفهاوة:ها ها ...هلو
رنيم:هههههه وين بالك
بهاء بعتب:ناوية تموتيني؟
رنيم استغربت:ليش؟
بهاء ذايب:شنو هالجمال...وين اتحمل انا هيج...شوي شوي علي
رنيم استحت وبخجل:وانا شعلي
بهاء اخذ ايدها وباسها:فديتج تخبلين من گاعج
رشا تحمحمت:احم احم...نحن هناا
بهاء:ههههه سوري نسيتج...شوفي انطيج نصيحة...طول ماانتي ويانة خليج حايط احسن...لأن ممكن اسوي اشياء تصدمج
رشا:ارتاح يابة...ماحبقة وياكم
بهاء:وين ترحين لوحدج؟؟
رشا:خلي رنيم تفهمك
رنيم:حبيبي رشا تريد تطلع وي حسام
بهاء قاطعها:منو حسام؟
رنيم:حبيبها
بهاء انصدم:نعــــم؟...شنو حبيبها؟!!....لعد هي مو زوجة فارس
رنيم:زواج ع الورق فقط محد الة علاقة بالثاني....فارس عايش حياتة ويحب جوري...ورشا ضالة هيج ف تعيش حياتها احسن...هي فترة وحتطلگ من فارس
بهاء:اهاااا
رنيم:ييييي ف هسة من نوصل تتصل هي ع حسام وتگلة المكان ويجي هو يتفق وياك بأي وقت ويا مكان يرجعها حتة ترجع ويانة وكأنما جانت ويانة
بهاء:ماشي....اهم شي نضل لوحدنة
رشا:هههههه هذا الي هامك
بهاء:عندج اعتراض؟
رشا:لا ابد شعلي انا...خطيبتك وحر بيها
بهاء:هسة بديتي تحجين درر
بعد ربع ساعة وصلو لمجمع وركن بهاء السيارة بالباركنغ ونزلو واتصلت رشا ع حسام وگلتلة المكان وخلال 10 دقايق اجة واتفق وي بهاء وكذا واخذ رشا وكلمن راح لمكان
