رنيم لزمت ايد رشا..خافت من ردة فعلة هسة اذا عرف
جوري بهدوء:سلطان
فارس انصدم بس يريد يتأكد:سلطان منو؟؟
جوري بهمس:صديقك
فارس طلعت عيونة من الصدمة:شلووووون...سلطااان!!!!
سعاد:فارس شبيك...ليش تصيح
فارس گام من مكانة:مابية شي...انا طالع
طلع بسرعة من الصالة ورگع الباب بقوة
البنات غمضو عيونهم من قوة الصوت
جوري خنگتها العبرة:انا رايحة انام شوي
طلعت من الصالة وراحت للغرفة وذبت روحها ع السرير ونزلت دموعها...جانت تحاول تتناسى هذا الموضوع وتتصرف طبيعي...بس هذا شي فوگ طاقتها
انفتح الباب ودخلن رنيم ورشا
گعدو يمها ع السرير
رنيم بهدوء:جوري حبيبتي
رشا:جوري سمعيني
جوري التفتت عليهم
رنيم:ياعمري شبيج...احنا ماصدگنة تطلعين من عزلتج...وتالي ترجعين تبجين
رشا بحنية:گولي شنو مضايقج...لأن سلطان مااتصل عليج؟؟
جوري تشاهق:لا...بس انا بعد مااتحمل...انا ماطيقه ماطيقه...تعبت والله تعبت
رنيم حضنتها:بس ياعمري اهدي
جوري:شلون اهدا شلوون
رشا:حبيبتي سمعيني...انتي مو گلتي ابوج جان غاصبج؟؟
جوري:اي
رشا:هسة محد يگدر يغصبج ع شي...فارس هسة يگدر يفركش الخطبة ومحد يگدر يحجي وياه وتتخلصين منة
جوري:بس سلطان قوي
رشا:وفارس مو ضعيف هم.ولا تنسين انو فادي ومهند اقوياء....كل واحد منهم الة نفوذ الي يجيب مليون راس...اكيد يوگفون وياج...ويخلون سلطان يطلگج غصباً ع الي جابوه
جوري بفرحة:يعني اگدر اخلص منة
رشا بآبتسامة:اكيد حبيبتي...هذاهو ارتاحي ولاتفكرين بعد بسلطان...اعتبريه انتهى
جوري مسحت دموعها وابتسمت:طيب
رنيم بحماس:عندي فكرة
جوري:شنو؟؟؟
رنيم:ندخل للمطبخ ونگعد نطبخ ونتملعب
رشا بحماس:اي اي يلا
جوري:يلا
گامو البنات ودخلو للمطبخ وگعدو يخبصون ويطيحون هذا ويكسرون ذاك والمواد ع الكاونتر والطاولة والمواعين نصها بالارض
لعبو جولة والضحك والصراخ مالي المكان
_______________________
