SECLUDED WORLD [Under revision]

CHAPTER 20: SHIELA

CHAPTER 20:  SHIELA

Erie's POV

"Dito daw dinala ang katawan mo," sabi ko kay Jharisa habang nasa labas kami ng isang ospital.

"Pasok na tayo," sambit ni Zeque at siya na naunang pumasok.

"Excuse me. Saan ang cr?" tanong ko sa nurse na nasalubong namin.

"Diretso lang po kayo Ma'am," turo nito.

"Salamat," sinunod namin siya pero sa halip na sa cr kami pumunta, dumiretso kami sa may hagdan at magmadaling umakyat para makapunta sa kwarto kung saan ang katawan ni Jharisa.

"Ito na siguro yun," turo ni Jiro kung saan may nakasulat na pangalan ni Jharisa.

Agad binuksan ni Jharisa ang pinto. Pumasok kami sa loob at tinignan ang natutulog na pasyente.

"Ito na nga yun. Makakabalik na din ako. Salamat sa tulong niyo," aniya habang nakangiti.

Kinuha ko ang kwintas ko para palabasin na si Jharisa sa katawan niya.

"Jharisa," tawag ko sa kanya. Humarap siya sa akin at mukhang alam na niya ang gagawin ko nung makita niya yung hawak ko. Tinanguan niya ako kaya hindi na ako nagsayang ng oras.

Sinalo ko ang katawan ni Naomi nang matumba ito sa harapan ko. Inupo ko siya sa sahig at hinayaang saniban ito Naomi.

"Nabawasan nanaman," pansin ko sa singsing ko nang mapatingin ako dito. Agad kinuha ni Jiro ang kamay ko saka tinignan ang singsing ko.

"Wala ka bang ibang nararamdaman?" tanong niya sa akin.

"Wala. Bakit?" tugon ko.

"Sabihin mo sa akin kapag may kakaiba kang naramdaman," paalala niya. Tinanguan ko siya kahit na naguguluhan ako sa kinikilos niya.

Umalis na kami ng ospital at nagtunggo sa Magical Cafe. Nauna nang pumasok si Naomi sa amin. Papasok ba na din sana ako pero napansin ko yung babaeng sumisilip sa bintana na para bang may hinahanap sa loob. Nilapitan ko ito.

"Excuse me," hahawakan ko na sana siya nang bigla siyang humarap sa akin at hinawakan ang kamay ko.

"Kailangan kita madala sa kanya."

Humigpit ang pagkakahawak niya sa akin.

"Aaww!"

"Erie!" sigaw ni Zeque sabay lapit nila sa amin.

"Bitawan mo siya!" sambit ni Jiro habang pilit na inaalis ang pagkakahawak ng babae sa akin.

"Aray! Aray!" sigaw ko dahil lalong humihigpit ang pagkakahawak sa akin.

Biglang may humapas sa batok niya dahilan para mawalan ito ng malay. Agad naman ito sinalo ni Zeque. Nakita ko si Zaira sa likod niya.

"Ano ginagawa niyo?" tanong ni Zaira sa amin. Tinignan niya yung babaeng pinatulog niya.