SECLUDED WORLD [Under revision]

CHAPTER 34: MEMORIES

CHAPTER 34: MEMORIES

Jiro's POV

Ano ba ipapakita sa akin ni Zeque? Bakit niya ako dinala sa mundo ng panaginip?

"Bakit ka sasama kay Samael? Nasisiraan ka na ba?"

Napatingin ako sa may bahay sa tapat ko kung saan nagmumula ang tinig. Sumilip ako sa bintana. Nakita ko si Zeque at Zera na nag-uusap.

"Mahal ko siya. Patawad Zeque," sagot ni Zera. Parang kumirot ang puso ko nang marinig ko yun kay Zera.

"Sinungaling. Hindi siya ang gusto mo makasama. Tingin mo ba hindi ko alam ang tungkol sa inyo ni Jiro?" sambit ni Zeque.

Matagal na pala niya alam ang tungkol sa amin.

"Hayaan mong gawin ko ito. Para din ito sa inyo. Yung sa amin ni Jiro, tinapos ko na nung gabing yun. Masaya ako na kahit sandali nakasama ko siya," nakangiting sabi ni Zera habang tumutulo ang luha niya. Base sa suot niyo, nangyari ito pagkatapos niya sabihin sa akin na si Samael ang mahal niya.

"Hindi ako papayag," sambit ni Zeque.

"Patawad," tugon ni Zera sabay takbo palabas kung saan nakaabang ang isang demon na pinadala siguro ni Samael.

"Zera! Bumalik ka dito!" habol sa kanila ni Zeque pero nakaalis na ito.

"Samael, hindi kita mapapatawad oras na may gawin kang masama sa kapatid ko," galit na sabi ni Zeque sabay suntok sa pader na nasa tabi niya.

Napadpad ako bigla sa palasyo nila Samael.

"Zera," bulong ko habang pinapanood si Zera na sumusuka. Binuksan niya ang gripo kung upang maghilamos.

Biglang bumukas ang pinto at iniluwa nito si Samael.

"Napapadalas yata ang pagsuka mo," sambit nito. Napatayo bigla ng tuwid si Zera habang namumutlang tumingin kay Samael.

"Samael, kanina ka pa ba diyan?" tanong nito. Alam kong kinakabahan ito dahil ugali niya pakiskisin ang kamay niya tuwing kabado siya.

Naglakad palapit sa kanya si Samael saka ito sumuntok sa salamin na nasa likod ni Zera.

"Matagal ko na napapansin ang pag-iba ng amoy mo. Sabihin mo sa akin ang totoo, buntis ka ba?" galit na tanong nito.

"Sama--"

Hindi na natapos ni Zera ang sasabihin niya nang sampalin  siya ni Samael.