SECLUDED WORLD [Under revision]

CHAPTER 49: THE BOOK OF PROPHECY

CHAPTER 49: THE BOOK OF PROPHECY

ERIE'S POV

"Ito na yung list na hinihingi niyo," sabi ni Clara sabay abot ng checklist.

"Salamat. Uumpisahan na namin sila tignan," kinuha ko ito at binasa. Nakaayos ito bawat room at alphabetical.

Una namin pinuntahan ang pinakalapit na room. Pinapila ko sila isa-isang tinignan kung may sugat ba sila o sumpa. Tuwing may nakikita akong sugat agad ko ito ginagamot.

"Salamat," pagpapasalamat ng isang ginang pagkatapos ko gamutin ang sugat niya.

"Walang anuman," nakangiting sabi ko.

"Next," sambit ni Jiro. Siya ang taga-check ng list oras na nasuri na namin sila.

"Pahinga muna kayo. Kanina pa kayo nagtatrabaho," paalala ni Clara.

"Ayos lang ako."

"Magagalit si Zeque sa akin kapag pinabayaan kitang magtrabaho ng sobra. Magtatanghali na. Sigurado papunta na yun para tignan ka."

"Okay. Tatapusin ko na lang yung nakapila."

"Sige."

Mga nasa pito na lang ang nakapila kaya hindi din ako nagtagal. Maayos naman sila lahat. Pagkatapos namin niyaya ako ni Clara sa may mansion na tinatambayan nila.

"Erie," tawag sa akin ni Zaira nang makita ako. Kumakain na silang dalawang ni Blaize.

"Nasaan si Zeque?" tanong oo sa kanya.

"Nasa labas pa siya nakabantay. Pinauna na niya kami magbreak."

"Congrats nga pala!" bati ko sa kanya sabay tingin sa tiyan niya. Napahawak siya dito.

"Salamat. Sayo din. Congrats. Hindi na ako makapaghintay na lumabas ang anak ko. Sigurado magiging magkaibigan mga anak natin. Nakakalungkot nga lang dahil magulo ngayon dito."

"Wag ka mag-aalala matatapos din ang gulong ito. Mawawakas din ang kasamaan ng demon," sabi ko sa kanya kahit ako nalulungkot sa nangyayari sa mundong ito.

Napabuntong hininga siya bigla.

"Marami na ang bumuwis ng buhay na mga kasamahan natin. Kung maibabalik ko lang ang oras hindi ko hahayaan mangyari ito."