SECLUDED WORLD [Under revision]

CHAPTER 43: RED BARRIER

CHAPTER 43: RED BARRIER

Third Person's POV

"King Samael, nakahanda na po ang lahat. Mamayang gabi bilog ang buwan. Uumpisahan na ba namin?" tanong ng isang matandang babae. Tinanguan siya ni Samael.

"Unahin niyo sa Occult. Risa, kunin niyo ang atensyon nila Zeque. Siguraduhin niyong hindi nila malalaman ang gagawin natin," sambit nito sabay ngiti.

"Masusunod mahal na hari," formal na tugon ni Risa bago sila umalis.

Nagtungo ang matandang babae at ang mga kasamahan nito sa bawat sulok ng Occult. Binuhos nilo ang bitbit na dugo ng mga hayop paikot sa Occult. Nang matapos sila ay inumpisahan na ng matandang babae bigkasin ang spell na gagamitin nila. Nakataas ang kamay nito habang nakatayo sa labas ng bilog na ginawa nila. Nagliwanag ang dugong ubinuhos nila. Mula doon isang kulay pulang barrier ang unti-unting umaangat pataas upang balutin ang Occult City.

Samantala, nagulat ang grupo nila Zeque nang biglang sugurin sila ng napakaraming demon master sa pamumuno ni Risa.

"Patayin niyo sila!" utos ni Risa habang lumilipad sa langit.

"Sinong mamatay?" sambit ni Zaira sabay pakawala ng apoy. Sa isang iglap nasunog ang palapit na demon monster sa kanya. Ganun din ang ginawa ni Crystal at Kayden.

Ginawa namang yelo ni Finn ang mga demon monster na lumapit sa kanya. Isa-isang tulsik natusok sa spike na nilikha ni Pierce sa pamamagitan ng lupa. Pinalipad naman ni Kaycie ang mga nalapit sa kanya. Isang sunod-sunod na kidlat ang nilikha ni Zeque para tapusin ang iba sa kanila. Halos nangalahati ang demon monster na nakapalibot sa kanila.

"Hindi pa kami tapos," sambit ni Max habang hawak-hawak sa kabilaang kamay niya ang dalawa niyang espada. Mabilis niyang pinaghihiwa ang mga malalapitan niya habang pinagbabaril naman ni Blaize ang nagtatangkang lumapit kay Max.

Lumipad si Zeque upang labanan si Risa. Lumikha siya ng sunod-sunod na kidlat na mabilis namang iniwasan ni Risa. Nang matapos niya ito iwasan, hinagisan niya ng fire ball si Zeque pero naiwasan ito. Sa kalagitnaan ng paglalaban nila, napansin ni Zeque ang kulay pulang barrier na unti-unting tumataas. Unang kita niya pa lang dito alam na niya kung ano yun. Napatingin siya sa langit kung saan malapit na lumubog ang araw.

"Nagustuhan mo ba ang supresa  ni King Samael sa inyo?" tanong ni Risa sabay tawa.

Pupuntahan na sana ni Zeque ang nasa likod ng magic spell, ngunit hinarangan siya ni Risa.

"Saan ka pupunta? Mag-uumpisa pa lang tayo," aniya sabay ngisi. Nagsisulputan bigla ang iba pang demon monster kung saan mas doble pa ito kaysa mga nauna.

Bumababa si Zeque sa tabi nila, Blaize at sinabi ang tungkol sa red barrier.

"Tuwing kabilugan ng buwan, mawawalan ng kapangyarihan ang mga wizard at mawawala sa sarili ang mga werewolf at bampira. Oras na mangyari yun, hindi natin magagawang protektahan ang mga tao," paliwanag ni Zeque.