فى منزل رفعت...
ظلت حكمت زوجته تسير بالغرفه ذهابا وايابا علها تستطع ان تخرج تلك المسكينه من قوقعتها وتعرف مابها لتدخل عليها ابنتها ماسة لترى امها على تلك الحالة الغريبة لتندهش وتتعجب على حالتها لتحدثها ماسة بقلق:_مالك ياكوكى فيكى ايه مخليكى كده ..
حكمت:_يعنى مش عارفه ياست ماسة بنت عمتك وعزلتها اللى هى فرضاها على نفسها دى البنت صعبانه عليا اوى دى ياحبيبتى من ساعه ماجت وهى مابتخرجش من الاوضه الا بالعافية.
ماسة:_هنعمل ايه بس ياماما تعرفى انى ساعات بعدى من قصاد اوضتها بالليل اسمعها وهى بتعيط ببقى عاوزة ادخل اواسيها واطبطب عليها لكن بخاف لاحسن ادايقها .
حكمت بشفقه:_ياعينى يابنتى ايه اللى حصلها بس ...بس هقول ايه كله من ابوكى ،ثم قلدت صوته :_محدش فيكم يقرب منها سيبوها على راحتها هى لما تحب تتكلم هتتكلم محدش فيكم يضغط عليها..
ماسة بضحك:_يانهارى ياماما انتى بتقلدى بابا بطريقه هههههه اااخ لو سمعك.
حكمت:_ياشيخه بلا وجع دماغ ابوكى فاكر ان البت مسجونه عنده وبيمارس عليها اسلوب من اساليبه عشان تعترف .
ماسة:_معلش ياماما يمكن بابا عنده حق ويجى بفايده ..ثم حدثتها بفرح قائلة:_طب عارفه انا اول مايوحى صحي دخلتوا ليها على طول.
هتف صوت مرح من ورائهم :_يوحى بقى يحيى سيف بيه العوامرى ابن سيف العوامرى ظابط المخابرات اللى اسم ابوه كفيل انه يهز اجدعها شنب فيكى يا بلد تيجى مراته وتقول يوحى كده عادى .
التفت ماسة ورائها ناظرة لمحدثها بلهفه وفجاة ارتمت بحضنه مهللة بفرح:_سيفو حبيبى وحشتنى اوى اوى اوى .
حكمت وهى تضرب كف بالاخر:_لاحول الله يارب البت بنتى اتجننت خلاص ارحمنى يارب.
ماسه وهى مازلت متعلقه برقبة زوجها:_الله مش سيفو حبيبى جه وكان واحشنى هعمل ايه يعنى بقالى شهر ماشفتوش طبيعى انى اتجنن اول ما اشوفه ده سيفو حبيبى.
سيف بمرح:_والله ياقلبى لو حد من العساكر اللى معايا سمعوا سيفو دى كرامه امى هتتبعطر فى الارض وهيقولوا سياده الرائد سيفو راح سياده الرائد سيفو جه.
ضحكت حكمت بقوة:_ههههه اه وهتبقى ايه تريقه للصبح.
نظرت لهم ماسة شرزا:_بقى كده بتتريقوا عليا طيب والله لاكلم سيادة العقيد يحولك مكتب عدل عشا تبقى تتريق براحتك بقى ياسيف بيه.
سيف :_واهون عليك برضوا ياقشطه ده انت الحب كله.
ماسة:_ياسلام...
حكمت:_يااااختي لاء انا ماليش طاقه للمرار ده انا همشي اروح اشوف الغلبانه اللى قاعده لوحدها دى ..حمد الله على السلامه يا ابنى.
سيف:_الله يسلمك ياماما..انتظر سيف خروج والده زوجته لينظر لزوجته بدهشة:_هى لسه مش عاوزة تكلم حد .
أنت تقرأ
مابعد الحب الجزء الثانى﴿ حب أعماه الانتقام﴾
Romanceأستثنيكِ من كلِّ جُرحٍ في روحي لا أستثنيكِ .. يا من حَبكتِ لي عُقَدي .. أمري ليسَ يَعنيكِ وكم ضرَّني .. ما صنعتِ في نفسي أنتِ وكلُّ ما فيكِ ابتليت قلبي بإعاقةٍ عسى اللّهُ بما بليتِني يُبليكِ.... للشاعر (على المولى) ...
